O A’u Upu o le Talalelei

O se tausimea o se tiutetauave lea o le tausia o se mea taua. Ua faatuatuaina i tatou e le Tama Faalelagi o ni tausimea o le lalolagi. O lona uiga ua Ia talosagaina i tatou e tausia ma puipuia Lona lalolagi matagofie.

O lesalamo o le auala lea tatou te liliu atu ai ia Iesu Keriso pe a tatou faia se filifiliga sese. Ina ia salamo, e tatau ona tatou lagona le faanoanoa mo mea ua tatou faia, ole atu mo le fesoasoani ma le faamagaloga a le Tama Faalelagi, ma taumafai e faaleleia. Ona o le Togiola a le Faaola, e mafai ai ona tatou liliuese mai filifiliga leaga ae faia filifiliga lelei.

O le malo selesitila o le nofoaga lea o loo afifio ai le Tama Faalelagi ma Iesu Keriso. O le filifili e mulimuli ia Iesu Keriso, e mafai ai ona tatou nonofo iina i se aso ma o tatou aiga e faavavau.

O letoetu o le taimi lea e toe faatasia ai lou agaga ma lou tino pe a mavae le oti. O le taimi lava e te toetu ai, e atoatoa lou tino, ma e le mafai ona e toe ma’i pe oti. Ona o le Togiola a Iesu Keriso, o le a toetutu ai tagata uma.