Ako mei he Konifelenisí

Muimui ʻi he hala fihifihí ke aʻu ki he temipalé. Ko e hā ʻokú ke hanganaki fiefia atu ki ai ʻi ha ʻaho fekauʻaki mo e ʻalu ki he temipalé?

ʻI he konifelenisí ʻoku ou fakahingoa mo hoku fāmilí ʻa e ngaahi poulu lolé ʻaki ʻa e ngaahi foʻi lea hangē ko e tuí, temipalé, mo e lotú. ʻI he taimi ʻoku mau fanongo ai ki ha taha ʻo e ngaahi leá, te mau lava ʻo toʻo ha foʻi lole mei hono poulú. ʻOku tokoni ʻa e ngaahi foʻi lea ko ʻení ke u fakakaukau kia Sīsū mo fanongo ki he ngaahi leá.

Jane C., taʻu 6, Kuēpeki, Kānata

ʻOku ou saiʻia ʻi he konifelenisi lahí koeʻuhí ʻoku ou lava ʻo ongoʻi ʻa e Laumālie Māʻoniʻoní mo ako lahi ange fekauʻaki mo Sīsū Kalaisi ʻi he ngaahi leá.

Tomas P., taʻu 8, Puenosi ʻAealesi, ʻĀsenitina

Naʻe akoʻi ʻe ʻEletā Keuli E. Sitīvenisoni ʻoku fakamanatu mai ʻe he fakaʻilonga ʻo e Siasí ko Kalaisi ʻa e uho ʻo hotau Siasí pea ʻoku totonu ke hoko foki ia ko e uho ʻo ʻetau moʻuí.

Tā ha laine ke fakatauhoa ʻa e fakamatalá mo e konga takitaha ʻo e fakaʻilongá.

• Ko ha makatulikí ko e maka mahuʻinga taha ia ʻi he fakavaʻe ʻo ha fale. ʻOku ʻi loto ʻi ha makatuliki ʻa e hingoa ʻo e Siasí ke fakamanatu mai ko Sīsū Kalaisi ʻa e Fungani Makatulikí.

• ʻOku fakafofongaʻi ʻe hono mafao mai ʻe he Fakamoʻuí Hono toʻukupú, ʻa ʻEne talaʻofa ke tali ʻa e tokotaha kotoa pē ʻe haʻu kiate Iá.

• ʻOku fakafofongaʻi ʻe he ʻāleso ʻoku tuʻu ʻa Sīsū Kalaisi ʻi lalo aí ʻa e taimi naʻá Ne hāʻele mai ai mei he fonualotó, kuo toetuʻú. ʻOkú Ne moʻui, pea ʻoku tau muimui kiate Ia!