“ʻAʻeva ʻi Hono Topuvaʻé,” Ko e Kaumeʻá, Mē 2025, 17.
Tohi ʻe Koe
ʻAʻeva ʻi Hono Topuvaʻé
ʻI ha ʻaho ʻe taha naʻe ʻalu ai hoku fāmilí ʻo fakapaheke he sinoú mo ʻeku kui fefiné mo e kui tangatá. Naʻa mau lue ki ha feituʻu ʻataʻatā naʻe ʻufiʻufi ʻaki ha mita ʻe taha ʻo e sinou ne toki tō hifó. Naʻe faingataʻa ʻaupito ke lue ʻi ai! Naʻe faingataʻa ki hoku tuofefiné ke lue ʻi he sinoú, ko ia naʻe pehē mai ʻeku tangataʻeikí, “Luelue pē ʻi he fakaʻilonga hoku vaʻé.”
Naʻe kamata ke u muimui mo hoku tuofefiné ʻi he fakaʻilonga hono vaʻé. Hili ha kiʻi taimi siʻi, naʻá ku fie feinga ke kiʻi lue ʻiate au pē. ʻI he taimi naʻá ku lue toko taha ai ʻi he sinoú, naʻe faingataʻa ange ia!
Naʻe faingofua ange ʻa e lue ʻi he fakaʻilonga vaʻe ʻo ʻeku kui tangatá he naʻá ne ʻosi fakahoko ʻa e konga faingataʻa ʻo e lue ʻi he sinoú. ʻOku ou maʻu ha fakamoʻoni kuo ʻosi fakahoko ʻe Sīsū Kalaisi ʻa e konga faingataʻa tahá. Kapau te ke ʻaʻeva ʻi he ngaahi topuvaʻe ʻo Sīsuú, ʻe faingofua ange foki mo hoʻo moʻuí.
Tā fakatātaaʻi ʻe Abby Rummler