Anika itoito rahi

« ’Ua ineine ’oe ? » ’Ua ui Mami.

Ueue te upo’o o Anika, e mea tāpe’a maita’i i tāna pēpe hurio. Tē ’āfa’i ra ’oia i te reira i te fare purera’a. ’Ua ti’aturi ’oia e tauturu te reira i te fa’aitoito iāna.

E tuha’a tā Anika i roto i te fa’anahora’a a te Paraimere i teie mahana. E mea ’āpī rā ’oia i teie fenua. ’Aita ’oia i ’ite roa i te reo peretāne. E fa’ahiti maoti ’oia i te reira nā roto i te reo pāniora. E māramarama ānei te ta’ata ?

Tauahi a’era Mami iāna. « ’Ua ’ite au i tō ’oe taiā. E ha’amana’o rā, e pārahi mai te Vārua Maita’i i pīha’i iho ia ’oe ! E ’ere ’o ’oe ana’e tō ’oe vaira’a. »

Itoito ri’i mai te mana’o o Anika. ’Ua hi’o i tāna pēpe hurio ma te mata ’ata’ata. E toru ïa mātou, ’ua mana’o ’oia. ’O vau nei, tā’u pēpe hurio ’e te Vārua Maita’i !

I roto i te fa’anahora’a a te Paraimere, ’ua paraparau te piha ha’api’ira’a a Anika i te mea tā rātou i ’apo mai i roto i terā matahiti. ’Ua haere rātou i te pupiti, hō’ē hō’ē. Fātata roa tā Anika.

’Ua tāpe’a noa ’oia i tā pēpe hurio. E nehenehe tāna e fa’aitoito !

« E tuatāpapa tō’u ’utuāfare i te mau pāpa’ira’a mo’a ma te Mai, pe’e mai i te mau pō ato’a », ’ua parau Anika nā roto i te reo pāniora. ʼUa huti a’era i te aho. « ’Ua ha’api’i mātou ’ua nāhea Iosepha Semita i te fa’a’orera’a i te hapa o te feiā i ha’amāuiui iāna. E nehenehe au e faʼaʼore ato’a i te hapa a vetahi ʼē. I te i’oa o Iesu Mesia, ’āmene. »

Ho’i atu ra Anika i tōna pārahira’a. ’Ua ’ata’ata tōna ’orometua iāna ’e tāna pēpe hurio. « Maita’i roa », ’ua muhumuhu ’oia. « E mea itoito roa ’ōrua to’opiti ! »

E mana’o māhanahana tei puta i roto i tōna ’ā’au. E mea itoito ’oia ! ’E ’ua ’ite ’oia ē, tei pīha’i iho te Vārua Maita’i iāna.

Fa’ahōho’ara’a nā Katie Rewse