Te pe’era’a ia Iesu i Mātetāta

Tē pe’e nei Lauren ia Iesu Mesia ma te rirora’a ’ei hi’ora’a maita’i ’e te ha’apa’ora’a i te mau fa’auera’a a te Atua. I te hō’ē taime, ’ua fifihia ’oia i roto i tāna piha ha’api’ira’a tōtiare. Noa atu e mea fifi nō te ha’api’i mai, ’ua parau ’oia, « ’ua pure au i te Atua ’e ’ua hōro’a mai ’oia i te ’ite nō te māramarama i te reira ».

Te tauturura’a ia vetahi ’ē e fa’a’oa’oa iāna. Tē nā ’ō ra ’oia, « e ’oa’oa vau nō te mea ’ua nehenehe iā’u e pe’e i te hi’ora’a o te Mesia, ’a tauturu ai ’oia ia vetahi ’ē ».

Matahiti : 9

Nō roto mai : I te tuha’a fenua nō Sofia, i Mātetata

Mau reo : Nalgache ’e te farāni

Fā : ’Ia riro ’ei pairati manureva nō te mea e mea au nāna e ma’urere.

Mau fa’a’ana’anataera’a : E tu’e i te popo, e ha’uti i te mau ha’uti ’e te ’utuāfare ’e te tai’ora’a i te mau buka

’Utuāfare : Lauren, pāpā ’e nā maha taea’e

’Ā’amu o te pāpa’ira’a mo’a : Te pāpa’ira’a mo’a au roa a’e a Lauren nō ni’a ia Iesu Mesia, ’o te ’ā’amu ïa nō tōna fānaura’a (hi’o Mataio 1:18–25 ; 2 ; Luka 1:26–38 ; 2:1–20) nō te mea tē parau mai nei te reira ia tātou ē, ’ua fānauhia mai tō tātou Fa’aora nō te fa’aora ia tātou.

Te hotu ’e te mā’a tupu : ’Āpara ’e te mautini

Mā’a : Pizza

’Ū : Tārona

Hīmene Paraimere : « ’Ia bāpetizohia vau » (Buka hīmene nā te mau tamari’i, 53)