’Ua fa’aho’i-fa’ahou-hia mai te autahu’ara’a

E nehenehe ’oe e tai’o i teie ’ā’amu i roto Iosepha Semita—’Ā’amu 1:66–73 ’e Te Ha’api’ira’a Tumu ’e te mau Fafaura’a 27:12.

Iosepha Semita e paraparau ra ia Oliver Cowdery ma te ’ōpupu mana’o e fa’a’ite ra i te tere o te Mesia i te ’āti Nephi ra

I muri a’e i te fa’ari’ira’a i te mau ’api ’auro, ’ua ha’amata Iosepha Semita i te ’īriti i te reira. Nā Oliver Cowdery i pāpa’i te mea tāna e parau. ’A ’ohipa ai rāua, ’ua ha’api’i mai rāua ē, ’ua hina’aro Iesu Mesia i te mau ta’ata ato’a ’ia bāpetizohia.

Iosepha Semita ’e Oliver Cowdery tē pure ra i roto i te uru rā’au

’Ua uiui te mana’o ’o Iosepha ’e ’o Oliver ’o vai tei mau i te mana a te Atua nō te bāpetizo i te ta’ata. ’Ua haere rāua i roto i te uru rā’au nō te pure ’e nō te ani i te Atua.

Te melahi ’e tōna nā rima i ni’a i te upo’o o Iosepha Semita

’A pure ai rāua, ’ua fā mai ra te hō’ē melahi. ’Ua parau ’oia ē, ’o Ioane Bāpetizo ’oia, tei bāpetizo ia Iesu Mesia e mea maoro i teienei. ’Ua hōro’a ’oia ia Iosepha ’e ia Oliver i te Autahu’ara’a a Aarona ’ia ti’a ia rāua ’ia bāpetizo i te ta’ata. Te autahu’ara’a ’o te mana ïa o te Atua. Tē fa’a’ohipahia nei te reira nō te ha’amaita’i i te mau tamari’i a te Atua.

Iosepha Semita e bāpetizo ra ia Oliver Cowdery

’Ua parau Ioane Bāpetizo ia Iosepha ’e ia Oliver ’ia bāpetizo ia rāua. Haere a’era rāua i roto i te hō’ē ’ānāvai ’e bāpetizo atu ra te tahi i te tahi. I tō rāua haerera’a mai i rāpae i te pape, ’ī ihora rāua i te Vārua Maita’i. E poupou rahi tō rāua !

E toru melahi e tu’u ra i tō rātou rima i ni’a i te upo’o o Iosepha Semita

I muri a’e, ’ua haere mai te tahi atu mau melahi. E toru ’āpōsetolo nā Iesu Mesia—’o Petero, Iakobo ’e Ioane—tei hōro’a ia Iosepha ’e ia Oliver i te Autahu’ara’a a Melehizedeka. I teienei, e nehenehe tā Iosepha ’e ’o Oliver e hōro’a i te hōro’a nō te Vārua Maita’i i te ta’ata.