Te tahi ’ohipa e rave nō te Mai, pe’e mai

« E faufa’a rahi tō te mau vārua ta’ata i mua i te aro o te Atua » (Te Ha’api’ira’a Tumu ’e te mau Fafaura’a 18:10). Te aura’a ra, e mea faufa’a te mau ta’ata ato’a nō te Metua i te ao ra, mai ia ’oe ato’a ! Pāpa’i i tō ’oe hōho’a. ’A tāmata i te fa’anehenehe i te reira ma te tahi fa’anehenehe ! I ni’a roa, ’a pāpa’i « ’Ua here te Atua iā’u. »

Tē ani mai nei Iesu Mesia ’ia fa’aro’o iāna (hi’o Te Ha’api’ira’a Tumu ’e te mau Fafaura’a 19:23). E ha’amana’o te feiā e fa’aro’o maita’i i te mea tā rātou i fa’aro’o. Pārahi ha’amenemene. E muhumuhu te hō’ē ta’ata i te hō’ē parau o te ’evanelia. E fa’ahiti te ta’ata nō muri iho i te reira ma te tu’u i te tahi parau ’āpī. E haere noa e fa’a’ohu ē tae noa ai ’ua tu’u te mau ta’ata ato’a i te hō’ē parau e ha’amana’o !

’Ua fa’aho’i fa’ahou mai Iesu Mesia i tāna ’Ēkālesia i teie mahana mai i tau ’a vai ai ’oia i ni’a i te fenua nei (hi’o Te Ha’api’ira’a Tumu ’e te mau Fafaura’a 20). E pāpa’i i ni’a i te mau hāpaina ’ūrina i te tahi mau ha’amaita’ira’a tā tātou maoti te ’Ēkālesia a Iesu Mesia, mai te autahu’ara’a, te bāpetizora’a, te mau peropheta. I muri iho, e patu i te hō’ē pare teitei i te reira mau hāpaina !

E mea au nā te Metua i te ao ra ’ia hīmene tātou ma tō tātou ’ā’au (hi’o Te Ha’api’ira’a Tumu ’e te mau Fafaura’a 25:12). Mā’iti i te tahi mau hīmene Paraimere nō te hīmene ’āmui. E rave i te tahi ’aparima e tano i te mau parau.

E fa’ari’i te peropheta i te heheura’a nō te ’Ēkālesia nō ’ō mai i te Metua i te ao ra ’e Iesu Mesia (hi’o Te Ha’api’ira’a Tumu ’e te mau Fafaura’a 28:7). Nene’i ’aore rā pāpa’i i te hōho’a nō te peropheta. I ni’a roa, ’a pāpa’i i te parau « Tē parau nei te peropheta… » Pāpa’i i te mau parau ’aore rā i te hōho’a nō te mea tā tō tātou peropheta i ha’api’i mai ia tātou.