Te hau nō roto mai i te hiero

Nā te peresideni Henry B. Eyring

Tauturu piti i roto i te Peresidenira’a Mātāmua

Fa’aauhia mai roto mai i te, « E maita’i te mau mea ato’a maoti te mau fafaura’a o te hiero », Liahona, Mē 2024, 24–27.

E rave rahi matahiti i teie nei, ’ua tere māua tō’u hoa here nā ni’a te pere’o’o nō te haere e māta’ita’i i te hiero nō Idaho Falls i Idaho. ’Ua fa’aea atu tā maua nā tamari’i ’āpī e maha i te fare ’e te hō’ē ta’ata ha’apa’o tamari’i.

’A fa’aineine ai māua nō te ho’i i te fare, ’ua parau mai te hō’ē o te mau rave ’ohipa nō te hiero ’ia māua ē, ’ua marua te ha’apahura’a pape nō Teton, i te pae hiti’a o te rā nō Idaho ! Tei raro a’e te tuha’a rahi o tō mātou ’oire i te pape.

’Ua tūturi māua tā’u vahine ’e ’ua pure te Metua i te ao ra nō te pārurura’a i tā māua mau tamari’i ’e nā tauasini ta’ata tei ha’afifihia e te pape pu’e. ’Ua tae mai teie mau parau ma te māramarama maita’i i tō’u ’ā’au ’e tō’u ferurira’a : « Noa atu te hope’ara’a, e maita’i te mau mea ato’a maoti te hiero ». ’Ua māuruuru roa māua i muri iho i te ’itera’a ē, ’ua pāruruhia tā māua mau tamāroa.

’Aita e mea faufa’a roa a’e i te ha’apa’ora’a i te mau fafaura’a ’o tei ravehi i te hō’ē mahana i roto i te hiero. Noa atu te hope’ara’a, e maita’i te mau mea ato’a maoti te mau fafaura’a o te hiero.

’Ē’a tāfifi o te hiero

E nehenehe te hiero e hōpoi mai ia tātou te hau i roto i te mau taime fifi. ’A pe’e i te ’ē’a tāfifi e tae atu i ni’a i te hiero nō Idaho Falls !