Tā’u mau ta’o o te ’evanelia

Hō’ē ’ōro’a e ’ohipa mo’a ïa, ’aore rā e mea ra’a, e ravehia ma te ha’amanara’a a te autahu’ara’a i te i’oa o Iesu Mesia. Te tahi mau hi’ora’a ’oia ho’i te ’ōro’a mo’a, te bāpetizora’a ’e te ha’amaura’a.

’Ia tātarahapa āna’e tātou ’e ’ia fa’ari’i āna’e tātou i te ha’amatarara’a o te mau hara, e fa’a’orehia tā tātou mau hara nō te mau mā’itira’a hape tā tātou i rave. E tupu mau te reira maoti Iesu Mesia.

’Ia vai marū ’oia ho’i ’ia vai ha’eha’a, te marū, te hina’aro ’e te ha’apa’o. ’Ua hōro’a mai Iesu Mesia i te hō’ē hi’ora’a maita’i nō te reira ’a ora ai ’oia i te fenua nei.

I roto i te Faufa’a ’Āpī, te feiā mo’a ’o te feiā ato’a tei mā’iti ’ia bāpetizohia ’e ’ia ’āmui mai i te ’Ēkālesia a Iesu Mesia (hi’o Te mau ’Ohipa 9:13). Tē fa’a’ohipa nei tātou i te hō’ē ā ta’o nō te feiā tei mā’iti ’ia bāpetizohia i roto i tāna ’Ēkālesia i teie mahana. Hō’ē ta’ata mo’a ’o te hō’ē ïa ta’ata e pe’e ra ia Iesu Mesia.