Tauturu nō te ra’i mai

’Ua pi’ihia vau ’ei ’episekōpo i te hō’ē taime fifi o tō’u orara’a. E metua tāne ’āpī au ma te ’utuāfare, ’e tē tāfifi ra māua i te pae moni. ’Ua rohirohi roa vau. E mea fifi ato’a nō tā’u vahine fa’aipoipo.

I te hō’ē sābati, tē rave ra tā’u vahine iti i te ’ōro’a mo’a. ’Ua tauturu te Vārua iāna ’ia ’ite i te hō’ē mea. E rave rahi fifi tā māua i fa’aruru, ’ua ’āfaro mai i te taime o tō’u pi’ira’a.

’Ua ’ite te Fatu i te mea e tītauhia nō tātou. ’Ia ani ana’e mai ’oia ia tātou ’ia tāvini, ’ua ’ite ’oia e aha te mea e tauturu rahi a’e ia tātou. ’Ua hina’aro ’oia e ha’amaita’i ia tātou. ’E e hōro’a mai ’oia i teie mau ha’amaita’ira’a ’a tāvini ai tātou ma te ha’apa’o maita’i.

Hina’aro ānei ’outou ’ia ’oa’oa ? ’A fa’aea noa i ni’a i te ’ē’a nō te fafaura’a. Tē tītau manihini nei tō tātou Fa’aora ia tātou ’ia haere iāna ra. E amo ’oia i tā tātou mau hōpoi’a. Nā Iesu Mesia e fa’a’ōhie a’e ’e e fa’a’oa’oa a’e i tō tātou orara’a. ’E e fa’a’ī ’oia ia tātou i te ’oa’oa.

Fa’ahōho’ara’a nā Turine Tran