Ha’amātau ia tātou i te mau ’api ’auro !

~MM 421

’Ua tā’ati te peropheta Moroni o te Buka a Moromona i te mau ’api ’auro. E ha’api’i te mau ’api i te parau nō Iesu Mesia. E fa’ati’a ato’a te reira i te ’ā’amu nō te feiā a Moroni.

1823

’Ei melahi, ’ua fārerei Moroni ia Iosepha Semita. ’Ua parau Moroni iāna ē, ’ua hunahia te mau ’api ’auro i te ’āivi nō Cumora, e mea fātata noa.

1827

I muri a’e i tō Iosepha fa’aineinera’a e maha matahiti te maoro, ’ua ti’aturi te Fatu iāna nō te ’āfa’i i te mau ’api i te fare.

1828

’Ua ’īriti Iosepha i te mau ’api nā roto i te fa’aro’o-māite-ra’a i te Vārua Maita’i. ’Ua fa’a’ohipa ato’a ’oia i te tahi mau mauha’a ta’a ’ē nō ’ō mai i te Atua. ’Ua fa’a’ohipa ’oia i te hō’ē ’ōfa’i hi’o ’e te mau mauiha’a tei pi’ihia te mau ’īriti parau ’aore rā te Urima ’e te Tumima tei hunahia ’e te mau ’api.

1829

’Ua tauturu te Metua i te ao ra ia Iosepha ’ia hāro’aro’a e aha tā te mau ’api e parau ra. ’Ua tauturu Oliver Cowdery i te pāpa’i i te mea tā Iosepha i ’īriti.

’Ahuru ma piti a’e ta’ata tei ’ite i te mau ’api ’auro. Hō’ē o rātou, ’o Mary Whitmer ïa. E nehenehe tā ’outou e tai’o i te tahi atu mau ’itera’a pāpū i te muara’a o te Buka a Moromona. ’Aita hō’ē a’e o teie nā ta’ata i huna i te mea tā rātou i ora.

1830

’Ua nene’ihia te Buka a Moromona mātāmua tei ’īritihia nā roto i te reo peretāne i Palmyra (New York), i te Fenua Marite.

I teie mahana

Tē tai’ohia nei te Buka a Moromona nā te ao ato’a nei ! ’Ua ’īritihia te reira nā roto e 115 reo. Tē fa’a’ite nei te mau misiōnare i te Buka a Moromona i te mau ta’ata ato’a tā rātou e nehenehe e hōro’a.