« ’Imi i te mau ’ūrīta’ata », Hoa, Māti 2025, 4–5.

’Imi i te mau ’ūrīta’ata

Nā Chelsea Mortensen

« Mai te mea ra ē, tē fa’aro’o ra vau i te Vārua Maita’i ’ia fa’aro’o ana’e au ».

E ’ā’amu mau nō Costa Rica mai.

E tamāroa ’e te tīti’a mata mahana e fa’atu’atu’a ra te mata ’e i muri iāna hō’ē tamāhine ’e hō’ē tamāroa e mata ’ata’ata ’e tē fa’atoro ra i te tahi ’ohipa i rāpae au i te vāhi

« Waouh ! » ’Ua parau Ethan. « ’Ua ’ite ’oe i terā mea ? »

« ’Oia ïa, ’a hi’o nā i tōna āero iti nehenehe ! », ’ua parau Lily.

Hi’o a’era Boston i ni’a, ’ua ’ite noa rā ’oia i te mau ata.

« ’Ua ’ite a’ena māua e toru ’ūrīta’ata i teie mahana ! » ’Ua parau Ethan.

’Aita rā Boston i ’ite hō’ē noa a’e ! Tē haere māta’ita’i ra tōna ’utuāfare i te hō’ē uru rā’au heipuni nō te hi’o i te mau ’ūrīta’ata ’ōviri. E mea ’atea roa rā te mau ’ūrīta’ata nō Boston nō te hi’o atu.

E mata ru’i o Boston. E ’ite noa ’oia i te mau mea fātata roa mai iāna. I te rahira’a taime, ’aita te reira e ha’ape’ape’a nei iāna ’ia riro ’ei mata ru’i. E nehenehe ā ’oia e rave e rave rahi ’ohipa ’ārearea. E nehenehe ’oia e tai’o i te pī’āpā mata ru’i ’e tōna mau manimani rima ’e e haere ’e tōna turuto’oto’o nā roto i te pōuri. ’E e nehenehe ’oia e ’ite mai i te mau ta’ata ma te fa’aro’ora’a i tō rātou reo.

I te tahi rā taime, ’aita Boston e au roa ’ia riro ’ei mata ru’i. Mai teie mahana.

’Ua pārahi Boston i ni’a i te repo ’e ’ua autā. E ’ere i te mea tano ! ’ua mana’o ’oia.

Tau minuti i muri mai, e mana’o tōna. E te Metua i te ao ra, ’a tauturu mai na i te hō’ē ’ūrīta’ata ’ia ha’afātata mai iā’u, ’ia nava’i noa te fātata ’ia nehenehe iā’u ’ia hi’o iāna, ’ua pure Boston i roto i tōna ferurira’a.

’Aita Boston e ’ite ā i te mau ’ūrīta’ata. I muri iho, ’ua fa’aro’o ’oia i te hō’ē māniania i te ātea.

E tamāroa ’e te tīti’a mata mahana e ’ata’ata ra ma te tu’u i tōna rima i ni’a tōna tari’a

« ’Ua fa’aro’o ’outou i terā ? » ’Ua ui Boston. « Tē mana’o nei au e ’ūrīta’ata te reira ! »

« ’Aita vau e fa’aro’o ra i te hō’ē mea », ’ua parau Ethan.

« ’Aita ato’a vau », ’ua parau pāpā. « E tari’a maita’i tō ’oe ! »

Fa’aro’o a’era Boston i te hō’ē ’ūrīta’ata e horo ra nā roto i te uru ’aihere na te ’ē’a. ’Ua fa’atoro ’oia i ni’a i te ta’ira’a. « I’ō ! »

I muri iho, ’ua fa’aro’o ’oia i te tahi atu, ’e te tahi fa’ahou atu. I te tahi taime, e nehenehe tōna ’utuāfare e hi’o i te mau ’ūrīta’ata, i te taime ’a fa’atoro ai ’oia i te rima i ni’a ia rātou. ’Aita rā hō’ē a’e o te mau ’ūrīta’ata i ha’afātata mai iāna e nava’i nō te hi’o atu ’oia.

E tamāroa ’e te tīti’a mata mahana e paraparau ra ’e hō’ē ’ōpūpū ’āparaura’a e fa’a’ite ra i te mau ta’ira’a reo

’Aita i maoro, ’ua tae i te taime nō te ho’i i te fare.

« Tē tātarahapa nei au ’aita ’oe i ’ite hō’ē noa a’e ’ūrīta’ata », ’ua parau māmā ’a haere ai rātou i te pere’o’o.

’Ua huti Boston i tōna tāpono. « ’Aita e pe’ape’a. ’Ua hina’aro vau e hi’o hō’ē, ’ua ti’a rā iā’u ’ia fa’aro’o e rave rahi o rātou ». I muri iho, ’ua feruri ’oia i tāna pure. « ’Ua fa’aha’amana’o mai te reira iā’u i te Vārua Maita’i ».

« E aha tā ’oe e parau ra ? » ’Ua ui atu māmā.

« ’Ia fa’aea ana’e au nō te fa’aro’o, e ’ite au ē tē ha’aati nei rātou ’ā’u. E nehenehe au e fa’aro’o ia rātou noa atu ’aita vau e ’ite mata ra ia rātou. Mai te mea ra ē, tē fa’aro’o ra i te Vārua Maita’i ’ia fa’aro’o āna’e vau ».

« E ha’api’ira’a maita’i roa te reira », ’ua parau māmā.

’Ua fa’aro’o Boston i te tahi mea i roto i te uru rā’au i pīha’i iho iāna. I muri iho, ’ua horo te tahi ’ohipa i ni’a i te ’ē’a—i mua noa iāna ! E huruhuru ’ehu tōna ’e te ’āero roroa. ’Ua fa’aea te reira ’e ’ua hi’o ’āfaro atu iāna i roto i te mata. I muri iho, ’ua horo fa’ahou atu i roto i te mau tumu rā’au.

E ’ūrīta’ata ! ’Ua ’ite atu ’oia i te hōpe’a i te hō’ē !

’Ua ’ata’ata Boston. Te rirora’a ’ei mata ru’i e mea fifi i te tahi taime. I teie rā mahana, ’ua tauturu te reira iāna ’ia ha’api’i rahi mai ā nō ni’a i te Vārua Maita’i. ’E inaha e mea ’ārearea roa.