«Քահանայությունը վերականգնված է», Ընկեր, մարտ 2025, 26-28։
Սուրբ գրությունների պատմություններ
Քահանայությունը վերականգնված է
Դուք կարող եք կարդալ այս պատմությունը Ջոզեֆ Սմիթ– Պատմություն 1.66–73 և Վարդապետություն և Ուխտեր 27.12-ում։
Երբ Ջոզեֆ Սմիթը ստացավ ոսկե թիթեղները, նա սկսեց թարգմանել դրանք։ Օլիվեր Քաուդերին գրի առավ նրա ասածները։ Երբ նրանք աշխատում էին, իմացան, որ Հիսուս Քրիստոսը ցանկանում է, որ բոլորը մկրտվեն։
Ջոզեֆն ու Օլիվերը մտածում էին, թե ով ուներ Աստծո զորությունը՝ մարդկանց մկրտելու համար։ Նրանք գնացին անտառ, որ աղոթեն ու հարցնեն Աստծուն։
Երբ նրանք աղոթում էին, հայտնվեց մի հրեշտակ։ Նա ասաց, որ ինքը Հովհաննես Մկրտիչն է, ով մկրտել է Հիսուս Քրիստոսին վաղ ժամանակներում։ Նա տվեց Ջոզեֆին և Օլիվերին Ահարոնյան քահանայությունը, որպեսզի նրանք կարողանային մկրտել ուրիշներին։ Քահանայությունը Աստծո զորությունն է: Այն օգտագործվում է Աստծո զավակներին օրհնելու համար։
Հովհաննես Մկրտիչը Ջոզեֆին և Օլիվերին ասաց, որ մկրտվեն։ Նրանք մտան գետը ու մկրտեցին իրար։ Երբ դուրս եկան ջրից, նրանք լցվեցին Սուրբ Հոգով: Նրանք շատ երջանիկ էին:
Ավելի ուշ եկան ուրիշ հրեշտակներ։ Հիսուս Քրիստոսի առաքյալներից երեքը՝ Պետրոսը, Հակոբոսը և Հովհաննեսը, տվեցին Ջոզեֆին և Օլիվերին Մելքիսեդեկյան քահանայությունը։ Այժմ Ջոզեֆն ու Օլիվերը կարող էին Սուրբ Հոգու պարգևը տալ ուրիշներին։