May Igo nga Kaisog

“Andam ka na ba?” Ang magulang ni Terry nga babaye, si Hailey, milili sa iyang kwarto. “Oras na para moadto sa praktis alang sa pasundayag sa Pasko.”

Oo sige! Sila si Terry ug Hailey apil sa usa ka espesyal nga pasundayag alang sa ilang party sa Pasko sa ward.

“Hapit na maandam!” Gisul-ob ni Terry ang iyang jacket ug milakaw ngadto sa atubangan nga pultahan. “Kinsa pa ang anaa didto?”

“Si Mia ug si Jake. Ug ang ubang mga bata gikan sa eskwelahan ni Jake,” miingon si Mama. “Ang uban nga mga bata dili moadto sa atong simbahan, apan ganahan sila nga motabang.”

Terry froze. Wala siya makabantay nga adunay mga bata nga wala siya makaila ngadto sa praktis. Walay paagi nga makabaton siya og igong kaisog sa pagsulti sa iyang mga linya sa ilang atubangan.

“Dili na ko ganahan moadto ,” miingon si Terry.

“Nganong dili man?” Nangutana si Mama.

“Wala ko kaila sa uban nga mga bata,” miingon Terry. Siya sa kanunay makulbaan nga makig-istorya sa bag-ong mga tawo.

“Apan makahimo ka og bag-ong mga higala. Ug nia ko uban nimo,” miingon si Hailey.

Milingo-lingo si Terry. “Tingali sa sunod nalang higayon. Mahimo bang magpraktis kita sa akong mga linya sa balay karon?”

Mitando si Mama. “OK. Apan kon gusto nimo nga maanaa sa pasundayag, kinahanglan ka magpraktis uban sa laing mga bata inig taud-taod.”

Ganahan si Terry nga magpraktis sa balay. Sayon ra man kini! Apan nakahibalo usab siya nga kinahanglan siya magpraktis uban sa laing mga bata.

Sa pag-ampo sa pamilya pipila ka gabii ang milabay, adunay ideya si Terry.

“Mahimo ba ta nga mag-ampo nga makaangkon ko og kaisog sa pag-apil sa praktis?” Miingon si Terry. “Tingali ang Langitnong Amahan makatabang nako.”

“Siyempre,” miingon si Papa. “Maayo nga ideya”

Silang tanan mipiyong ug gikyugpos ang ilang mga bukton.

“Minahal nga Langitnong Amahan,” “palihog tabangi si Terry nga makaangkon og kaisog sa pag-adto sa praktis sa pasundayag.”

Sa adlaw sa sunod praktis, si Terry milakaw ngadto sa simbahan uban ni Mama ug ni Hailey. Ang iyang kasingkasing mikulba og kusog, apan gusto siyang mosulay. Mibati siya nga andam na. Ang Langitnong Amahan ug si Jesus nagtabang gyod nako! naghunahuna siya.

“Terry! Nalipay kaayo mi nga makakita nimo,” miingon si Sister Tee.

Mipahiyom si Terry ug mitando. Daghan pang laing mga bata ang nag-istoryahay ug nagkinataw-anay na. Nakita niya si Jake ug Mia. Apan wala siya makaila sa uban.

Si Sister Tee misulti sa mga bata sa pagpanglingkod ug kon kanus-a moistorya samtang magpraktis sila. Gikulbaaan gihapon si Terry nga molingkod duol sa mga bata nga dili niya kaila, apan misulay siya sa paghinumdom sa pag-ampo sa iyang Papa. Nakatabang kini niya nga moarang-arang ang bation.

Gipraktis nila ang mga kanta ug ang ilang mga linya og balik-balik. Ang mga bata nanglingkod duol ni Terry makalingaw. Ilaha siyang napakatawa og maayo!

Pipila ka adlaw ang milabay, panahon na alang sa pasundayag. Ang simbahan giadornohan og daghang Christmas tree, mga suga, ug mga laso. Ang tanan nagsul-ob og pula ug berde.

Hapit wala na nabati ni Terry ang kakulba. Ganahan na siya nga makauban ang mga bata, bisan ang usa nga wala siya makaila sa una!

Atol sa pasundayag, maayo ang gibati ni Terry. Ug sa dihang iya nang turno sa pagsulti, nakasulti siya sa iyang mga linya nga kusog ug klaro.

Human sa pasundayag, nakit-an ni Terry ang iyang pamilya.

“Maayo kaayo!” Miingon si Papa.

Mipahiyom si Mama. “Murag nalingaw kaayo ka.”

“Nalingaw gyod ko! Nalipay ko nga may igo kong kaisog sa paghimo niadto,” miingon si Terry.

Dili unta makahimo niadto si Terry kon wala pa ang iyang Mama, Papa, si Hailey, ug ang Langitnong Amahan. Ang pag-ampo alang sa tabang ug ang pagkaisog angay lang!

Mga paghulagway pinaagi ni Lisa Hunt