“Kumusta gikan sa South Korea!” Higala, Disyembre 2024, 8–9.
Hello gikan sa South Korea!
Pagkat-on mahitungod sa mga anak sa Langitnong Amahan sa tibuok kalibotan.
Ang South Korea anaa sa Silangang Asya. Sobra sa 50 ka milyon ka tawo ang nagpuyo didto.
Mga pinulongan
Ang opisyal nga pinulongan mao ang Korean. Daghang tawo didto makasulti usab og Japanese, Mandarin, ug English.
Basahon ni Mormon
Ang Basahon ni Mormon gimantala sa Korean niadtong 1967. Sukad niadto, usa ka templo ang natukod sa Seoul, ang ulohang siyudad. Laing templo ang pagatukoron sa Busan.
Chuseok
Kining kapistahan sa pag-ani mao ang usa sa labing importante nga mga holiday sa South Korea. Ang mga pamilya magpundok aron sa pagpakigbahin og pagkaon, pagsugilon og mga asoy, magpasalamat, ug magkat-on mahitungod sa ilang mga katigulangan.
Timailhan nga Kolor
Ang mga taksi sa South Korea lahi-lahi og mga kolor. Ang regular nga mga taksi puti o pilak. Ang labing mahal nga mga taksi itom. Ang internasyonal nga mga taksi kahil, ug ang drayber makasulti og daghang pinulongan.
Mga paghulagway pinaagi ni Soljee Lee