Gahom sa Primary

Ang akong asawa ug ako miserbisyo isip mga lider sa misyon didto sa Czech Republic ug Slovakia. Gusto nakong adtoon ang matag Primary diha sa dapit. Ganahan kaayo ko niini nga mga pagbisita. Samtang anaa ko didto, akong nakat-onan ang tulo ka butang mahitungod sa mga bata sa Primary.

Una, akong nakat-onan nga kamo makabati ug makaila sa Espiritu Santo.

Ikaduha, akong nakat-onan nga gusto kamo nga makat-on mahitungod sa espirituhanon nga mga butang.

Ikatulo, akong nakat-onan nga nasayod ang Langitnong Amahan bahin kaninyo. Gusto Siya nga makabaton kamo og espirituhanon nga mga kasinatian.

Atol sa akong mga pagbisita, nakig-istorya ko sa mga bata mahitungod sa daghang butang. Nag-istorya kami mahitungod sa Espiritu Santo, bunyag, ug paghinulsol. Gipakigbahin usab nako ang akong pagpamatuod sa Basahon ni Mormon ngadto kanila. Gisultihan nako sila nga makaangkon usab sila og pagpamatuod sa Basahon ni Mormon.

Kamong mga bata mao ang umaabot nga mga lider sa Simbahan! Kamo mao ang mga tawo nga mohimo og kalainan sa umaabot. Ug ang Primary mao ang usa ka espesyal nga dapit diin kamo makakat-on mahitungod sa ebanghelyo ug mobati sa Espiritu Santo.

Makadawat kamo og pagpamatuod sa Basahon ni Mormon, dili igsapayan kon unsa na kamo ka tigulang. Mahimo kamong magtuon sa mga kasulatan ug magkat-on kon unsaon sa pagsabot sa ebanghelyo. Ako nagtuo kaninyo. Ang inyong Langitnong Amahan nagtuo kaninyo. Makahimo kamo og kahibulongan nga mga butang!

Tibuok Kalibotan nga mga Paghulagway sa Pagkatawo ni Jesukristo

Usa niini nga mga eksena sa Pagkatawo ni Jesukristo kay gikan sa Czech Republic, diin si Elder McConkie mibisita sa mga bata sa Primary isip usa ka lider sa misyon. Subaya ang mga dalan aron makita kon asa gikan ang ubang mga eksena.

Mga Paghulagway pinaagi ni Melissa Manwill Kashiwagi