Workshop sa Pasko

Pil-a og katunga nga pinataas ug pinahigda ang usa ka kwadrado [square] nga panid sa papel. Dayon bukhara.

Baliha ang papel ug pil-a ang mga tumoy ngadto sa sentro.

Pil-a ang taas ug ubos nga mga habig ngadto sa tunga.

Bukhara, tuyoka ang kwadro, ug pil-a usab ang taas ug ang ubos.

Bukhara. Dayon ablihi ang mga piniloan diha sa wala ug tuo.

Pil-a ang taas ug ubos nga mga habig ngadto sa tunga.

Iduot ang mga punto [points] paingon sa tunga hangtod ang mga piniloan moporma og usa ka kahon.

Pil-a ang mga punto lapas sa mga kilid ug isukip kini ngadto sa ubos.

Balika ang mga lakang aron sa pagporma og tabon.

Isagol ang 4 ka cup (515 g) sa harina ug 1 ka cup (300 g) sa asin. Anam-anama og kutaw ang 1½ ka cup (355 ml) nga init nga tubig.

Painita daan ang oven ngadto sa 350°F (177°C). Dayon masaha ang dough sulod sa lima ka minuto.

Ibutang ang dough taliwala sa mga panid sa waxed paper ug sapyaa [flatten] kini gamit ang usa ka rolling pin.

Guntinga o pagdrowing og mga porma diha sa dough. Paghimo og gamay nga lungag sa ibabaw sa matag usa alang sa lambo.

I-bake ang mga porma diha sa usa ka baking sheet sulod sa usa ka oras o hangtod mogahi ang mga dekorasyon.

Kon dili na init ang mga dekorasyon, idayan-dayan kini sa bisan unsang paagi nga inyong gusto!

Gamit og gunting o lapis sa pagtuslok o paggunting og mga lungag sa usa ka piraso sa dekolor nga papel sa bisan unsa nga sundanan nga inyong ganahan.

I-tape ang papel palibot sa usa ka garapon ug pagbutang og usa ka gamay nga kandila o suga sa sulod.

Palonga ang mga suga ug tan-awa kon sa unsang paagi ang mga sundanan modan-ag!