Nagsunod ni Jesus sa South Korea

Si Uicheon nagsunod sa Manluluwas pinaagi sa pag-ampo sa dihang siya nagkinahanglan og tabang. Sa dihang siya mas batan-on pa, nawala ang bahin sa iyang dulaan nga sakyanan. Naguol siya. Dayon siya ug ang iyang amahan nagdungan sa pag-ampo. Pagkahuman nga misulti sila og “amen,” ilang nakit-an ang nawala nga bahin sa dulaan! “Paspas kadto nga tubag sa among pag-ampo,” miingon si Uicheon.

Si Ji-in misunod ni Jesukristo pinaagi sa pagpabunyag. Gusto siya nga mosunod sa Iyang ehemplo. “Sa dihang mibarog ko gikan sa tubig, ako dihay talagsaon nga pagbati, ug naghunahuna mahitungod ni Jesus,” miingon siya. “Gibati nako nga nabag-o, ug naghunahuna ko nga ako nahimong usa ka mas maayo nga tawo.”

Mga edad: 10 ug 8

Gikan sa: Gyeonggi-do, South Korea

Pinulongan: Koreano

Mga tumong: Si Uicheon gustong mahimo nga arkitekto. Gusto ni Ji-in nga mahimong magtutudlo sa kindergarten.

Mga Kalingawan: Ganahan si Uicheon magdrowing, mag-paint, ug maghimo og origami. Si Ji-in magdula uban sa miniature set ug magtan-aw og mga bidyo.

Pamilya: Uicheon, Ji-in, Mama, Papa, manghod nga lalaki

Istorya sa Basahon ni Mormon: Ang paborito nga istorya ni Uicheon mao ang damgo ni Lehi bahin sa gunitanan nga puthaw (tan-awa sa 1 Nephi 8). Ang paborito ni Ji-in mao ang istorya ni Nephi nga nagkuha sa mga palid nga tumbaga (tan-awa 1 Nephi 4).

Tradisyon sa Pamilya: si Uicheon ganahan nga magdula uban sa iyang pamilya. Ganahan si Ji-in nga adunay mga gabii nga ang pamilya magtan-aw og salida.

Mga Prutas: Ganahan si Uicheon og pakwan ug mangga. Ganahan si Ji-in og mga strawberry ug mga ubas.

Mga Kolor: Ang paboritong kolor ni Uicheon mao ang asul. Ang paborito nga kolor ni Ji-in pink.