Espirituwal nga mga Gasa

Si Moroni nga nagsulat diha sa bulawan nga mga palid

Si Moroni usa ka propeta. Misulat siya diha sa Basahon ni Mormon mahitungod sa Langitnong Amahan ug ni Jesukristo.

Mga lalaki nga naghatag og panalangin sa usa ka bata

Misulat usab siya mahitungod sa espirituwal nga mga gasa. Mga talento kini nga gihatag sa Dios kanato pinaagi sa Espiritu Santo. Kini makapanalangin kanato ug motugot kanato nga makapanalangin usab sa uban.

Si Moroni mitudlo nga adunay daghang matang sa espirituwal nga mga gasa. Pipila sa mga gasa nga iyang ginganlan mao ang kahibalo, dakong pagtuo, ug pagpahinabo og gamhanang mga milagro (tan-awa sa Moroni 10:8–19).

Ang matag tawo adunay espirituwal nga mga gasa—lakip na kanimo! Mahimo kamong mangutana sa Langitnong Amahan ug sa inyong mga minahal kon unsa ang inyong espirituwal nga mga gasa.

Pipila sa ubang espirituwal nga mga gasa mao ang pagkamabination, pagpaminaw, ug pagkahimong usa ka tigpasiugda sa kalinaw.

Dula Bahin sa Kasulatan [Scripture Challenge]

Ang hugot nga pagtuo mao ang mga butang nga gilaoman ug dili unsa? (Ether 12:6)
Ang gugma nga putli mao ang tiunay nga gugma ni kinsa? (Moroni 7:47)
Unsa ang kinahanglan ninyong ipangutana kon mobasa kamo sa Basahon ni Mormon? (Moroni 10:4)

Makabasa Ako sa Basahon ni Mormon!

Kalihokan sa pagkolor-kolor bahin ni Moroni nga naglubong sa bulawang mga palid

Pagkahuman ninyo og basa, kolori ang usa ka bahin sa hulagway. Mahimo ninyong basahon kini nga mga kasulatan nga kauban sa matag semana nga basahon gikan sa Dali, Sunod Kanako.

Semana 1: Ether 12:27
Semana 2: Moroni 4–5
Semana 3: Moroni 7:41
Semana 4: Moroni 10:32
Semana 5: Mosiah 3:5–10