Dali, Sunod Kanako nga mga Kalihokan

Alang sa Ether 12–15

Nabalaka si Moroni nga siya dili maayong mosulat, apan ang Langitnong Amahan mitabang kaniya nga mas mahimong maayo niini (tan-awa sa Ether 12:23–29). Unsa ang butang nga gusto nimong mahimo kang mas maayo? Sa usa ka poster o piraso sa papel, pagdrowing o ipapilit ang mga litrato sa mga butang nga gusto nimong molambo niana. Ibitay ang imong poster sa bisan asang dapit nga makapahinumdom kanimo sa imong mga tumong. Pag-ampo alang sa tabang sa Langitnong Amahan nga makab-ot nimo kini.

Alang sa Moroni 1–6

Ang sakramento mao ang usa ka sagrado nga ordinansa nga makatabang kanato sa paghinumdom ni Jesukristo (tan-awa sa Moroni 4–5). Paklia ngadto sa pahina 18 aron basahon ang mahitungod sa usa ka batang babaye nga nagtan-aw sa usa ka espesyal nga libro aron matabangan siya nga mahimong mopakita og balaang pagtahod ug mohinumdom ni Jesus atol sa sakramento. Dayon adto sa pahina 16 ug paghimo og imong kaugalingong libro sa balaang pagtahod.

Alang sa Moroni 7–9

Gusto ni Jesus nga kita maghigugmaay sa usag usa (tan-awa sa Moroni 7:45–48). Ipasulat sa matag sakop sa pamilya ang ilang ngalan diha sa usa ka piraso nga papel ug ibutang kini sa garapon. Dayon pagpili og usa ka ngalan ug mosekreto og serbisyo niana nga tawo sa sunod nga adlaw aron sa pagpakita sa imong gugma. Sa pagtapos sa adlaw, tag-ana kinsa ang miserbisyo kanimo!

Alang sa Moroni 10

Ang Basahon ni Mormon puno og mga istorya nga nagtudlo kanato mahitungod sa Langitnong Amahan ug ni Jesukristo ug sa mga tawo kinsa mosunod Kanila (tan-awa sa Moroni 10:3–4). Magpuli-puli sa pag-akting sa inyong paborito nga mga istorya sa Basahon ni Mormon! Tan-awa kon ang imong pamilya makatag-an ba kon unsa ang istorya.

Alang sa Pasko

Tungod kay si Jesukristo natawo ug nahimong atong Manluluwas, kita mahimong mabuhi pag-usab uban sa Langitnong Amahan ugma damlag (tan-awa sa Helaman 5:9). Paggunting og usa ka hulagway ni Jesus gikan sa Higala. Dayon paghimo og usa ka kwadro nga alang sa usa ka hulagway gamit ang papel, mga tukog nga pang-craft, o bisan unsay imong gusto. Ipapilit ang usa ka hilo sa usa ka loop diha sa luyo ug ibitay kini sa inyong Christmas tree o sa bungbong!