“Ang Istorya sa Pasko” Higala, Disyembre 2024, 12–13.
Ang Istorya sa Pasko
Sa dugay nang panahon, may anghel nga mipakita sa batan-ong babaye nga ginganlan og Maria.
Ang anghel misulti kaniya nga manganak siya og usa ka bata nga nganlan og Jesus ug nga Siya ang mamahimong Manluluwas sa kalibotan.
Sa wala pa si Maria nanganak, siya ug ang iyang bana, si Jose, mibiyahe ngadto sa Betlehem.
Sa dihang sila miabot, wala nay luna alang kanila sa balay abotanan.
Usa ka bag-ong bituon ang nagpakita sa kalangitan nianang gabhiona.
Sa dihang natawo na si Jesus, gibutang Siya ni Maria sa usa ka pasongan.
Siya [Maria] miputos Kaniya [Jesus] sa panapton aron ipabilin Siyang init ug luwas.
Usa ka anghel ang mibisita sa mga magbalantay sa karnero ug misulti kanila sa malipayon nga balita. Ang Manluluwas miabot!
Ang mga magbalantay sa karnero nagdali og adto ngadto sa kwadra ug nakaplagan ang batang Jesus nga naghigda diha sa usa ka pasongan.
Ang mga magbalantay sa karnero malipayon kaayo! Milakaw sila ug misulti sa uban nga si Jesukristo natawo na.
Mahimo usab kitang mopakigbahin sa maayo nga balita sa pagkatawo ni Jesus—sa panahon sa Pasko ug kanunay!
Mga paghulagway pinaagi ni Audrey Day