O Motugaafa e 5 mo Lau Malaga Muamua i le Malumalu

Faaali atu lau pepa faataga i le laulau i luma. Ona mafai lea ona e alu i le potu papatiso. O le a tuuina atu e se tagata faigaluega o le malumalu ia te oe ofuvae laiti papae, totini, ma se ofu papatiso.

I totonu o le potu e fai ai lavalava, sui lavalava na tuuina atu ia te oe. Tuu au mea i totonu o se loka avanoa. Ona loka lea o lau loka ma faamau le ki i lou ofu ua laeiina. Afai e uumi lou lauulu, faamau ma nonoa i tua. Ia ia te oe au igoa o aiga ua lolomiina.

A o e faatalitali mo lou taimi e papatiso ai, e mafai ona e faitauina tusitusiga paia, tatalo, pe mafaufau loloto. E mafai foi ona e mafaufau i tagata o le a sui papatisoina ai oe.

A oo i lou taimi, tuu atu igoa o lou aiga i le tagata o loo i le kesi. Afai e leai ni au igoa, o le a latou faaaogaina igoa o le malumalu. Ia laa atu ma le faaeteete i totonu o le faatanoa, lea o le a papatisoina ai oe e se tasi e umia le perisitua mo tagata taitoatasi. Manatua e faapi’o ou tulivae ma oomi mau lou isu a o ia tuutuu ifo oe i lalo i le vai.

A uma, o le a tuuina atu e se tasi ia te oe se solo. I le potu e fai ai lavalava, e mafai ona e faamālu ai lava na o oe, toe sui i ou lavalava mago, ma fai lou ulu. Ia mautinoa e tuu ou lavalava susu i totonu o le paelo ma sulu lau ki o le loka i totonu o le loka.

Ma le mea mulimuli, o le a taitai atu oe e se tasi i se potu o le a faamauina ai oe mo i latou o e na papatisoina.

O nisi malumalu e ono ese teisi mea e fai. Ae e tusa lava po o le a, o le a i ai tagata e fesoasoani ia te oe i laasaga uma o le ala. Manatua, o le malumalu o le maota o le Alii, ma e fiafia o Ia i lou i ai i iina!