O Talafou o le Konafesi

Ou te fiafia e faalogo i aposetolo ma lo tatou perofeta, o Peresitene Russell M. Nelson, o saunoa i le konafesi. Ou te fiafia e i ai se perofeta ua 100 tausaga le matua!

Luciano F., 6 tausaga, Magallanes, Chile

Sa faia e lo’u peresitene o le paranesi se itulau o fesili ma tali mo le konafesi mo tamaiti o le Peraimeri. Na fesoasoani ia te au e faalogologo ai i lauga i le konafesi. Na ese le malie!

Yen-Ting C., 10 tausaga, Itumalo o Changhua, Taiuani

O le konafesi aoao o le taimi sili lea e saili ai ma maua musumusuga patino.

Janice K., 12 tausaga, Goa, Initia

O le pese i le konafesi aoao na ou lagona ai le fiafia, aemaise lava pe a ou pese e uiga ia Iesu Keriso ma le Tama Faalelagi.

Annelise G., 10 tausaga, Iuta, ISA

E faitau selau tamaiti mai Iuta, ISA, na pepese i le sauniga o le aoauli o le Aso Toonai. O pese e tolu sa latou usuina e mai Viiga fou—Mo Le Aiga ma le Ekalesia.

Ua fausiaina malumalu i le lalolagi atoa! E fia malumalu na faasilasila mai e Peresitene Nelson i lenei konafesi?

• 8 i Amerika i Matu

• + 1 i le Keripiane

• + 1 i Amerika Tutotonu

• + 2 i Amerika i Saute

• + 2 i Europa

• + 3 i Aferika

• = ___ malumalu

• 190 o loo faaaoga

• 116 na faasilasila mai

• 50 o loo fausia

• 7 o loo faafou

Ina ua amata le konafesi aoao i le 194 tausaga ua mavae, sa na o sina vaega toaitiiti o tagata na mafai ona faalogoina le perofeta.

100 tausaga talu ai, sa mafai ona latou faalogologo i le konafesi i le leitio.

75 tausaga talu ai, na mafai ai ona latou matamata i le TV.

25 tausaga talu ai, sa mafai ona latou matamata pe faalogologo i le initoneti.

I aso nei, e mafai e tagata ona matamata pe faalogologo i konafesi aoao i soo se mea i le lalolagi!