“O Le a Toe Afio Mai Iesu Keriso,” Uo, Novema 2024, 2–3.
O Se Savali o le Konafesi mai le Perofeta
O le a Toe Afio Mai Iesu Keriso
Sii mai le “O Le A Toe Afio Mai le Alii o Iesu Keriso,” Liahona, Nov. 2024, 121–22.
Na faia e le Faaola lenei folafolaga ia te outou: “O le a Ou i ai i lo outou lima taumatau ma lo outou agavale, ma o le a i ai lo’u Agaga i o outou loto, ma si’o faataamilo outou e a’u agelu, e sapasapai outou i luga” (Mataupu Faavae ma Feagaiga 84:88).
Sa tauaveina e Iesu Keriso i Ona lava luga a outou agasala, o outou tiga, ma o outou lototiga. O le a Ia faamagalo oe pe a e salamo. O le a Ia faamanuia oe i mea e te manaomia.
Ou te valaau atu ia te outou i le asō ia fesoasoani e saunia le lalolagi mo le Afio Mai Faalua o le Alii. Ou te valaau atu ia te outou e talanoa e uiga ia Keriso, molimau atu ia Keriso, ia faatuatua ia Keriso, ma olioli ia Keriso! O le mealilo lenei i se olaga o le olioli!
O le mea silisili o le a oo mai, pe a tatou liliu atu o tatou loto ma o tatou olaga ia Iesu Keriso.
Saunia pe a Toe Afio Mai o Ia
Na valaaulia i tatou e Peresitene Nelson e saunia mo le Afio Mai Faalua o Iesu Keriso. Tusi se ata o le mea o le a e faia e saunia ai. Vaavaai i lalo mo nisi o manatu mai le saunoaga a Peresitene Nelson!
Osia ma tausia feagaiga
Fesoasoani e aumai isi ia Keriso
Saunia e alu i le malumalu
Aoao e uiga ia Iesu Keriso ma Lana Togiola