Maimoaga i le Malumalu

I totonu o le malumalu, e mafai ona tatou aoao ai e uiga i le ata o le faaolataga ma osia feagaiga ma le Tama Faalelagi. E tele potu matagofie e mafai ona tatou lagonaina ai le filemu mai le Agaga Paia.

O se potu o faamauga o se nofoaga lea e faamauina faatasi ai ulugalii ma aiga mo le olaga nei ma le faavavau.

O le potu o le tamaitai faaipoipo o se nofoaga lea e saunia ai tamaitai a o lei faamauina.

O le potu o faatonuga o le nofoaga lea e te aoao ai e uiga i le ata o le faaolataga ma osia feagaiga paia ma le Tama Faalelagi.

E fesoasoani le potu selesitila ia i tatou e mafaufau ai pe faapei le nonofo faatasi ai ma le Tama Faalelagi. O se nofoaga e tatalo ai, mafaufau loloto ai, ma faitau ai tusitusiga paia.

O le faatanoa o le vai papatisoga o le vaega lea e mafai ona e papatiso ai mo tagata ua maliliu. O povi e sefululua o loo siomia ai le faatanoa e faatusa i ituaiga e sefululua o Isaraelu.