O Tusigamanatu o le Konafesi

Maua ma Feagaiga

Sa saunoa Peresitene Oaks e uiga i se tamaitiiti ma lona tama o loo faaleleina se maua. Sa fesili le tamaitiiti pe mafai ona la tipiina le manoa ina ia mafai ai ona lele maualuga atu le maua. Na faamatala e le tama o le tipiina o le manoa o le a pau ai le maua. O le manoa e pei o feagaiga e fesootai ai i tatou i le Tama Faalelagi ma Iesu Keriso. O le tausia o a tatou feagaiga e fesoasoani tatou te latalata atili ai ia i laua.

O lea mea ua aoaoina ai a’u:

O Le Faamalama Tioata-Felanulanuai

Na papatiso Elder Uchtdorf i le 75 tausaga ua mavae! Na amata lana molimau a o laitiiti i Siamani. E mafai lava ona ia manatuaina lagona paia sa ia maua ao vaai i ai i se faamalama tioata-felanulanuai o Iesu Keriso i totonu o lo latou falesa. Na molimau atu le Agaga i lona mafaufau ma lona loto o Iesu Keriso o le Faaola o le lalolagi.

O lea mea ua aoaoina ai a’u:

Taulai Atu ia Iesu Keriso

Na faamatala e Elder Egbo e uiga i le au lakapi a alii Nigeria mo le Olimipeka o le 1996. Sa le’i tele ni a latou tupe po o ni aoaoga sili ona lelei. Ae sa latou taula’i atu i la latou sini, lē amana’ia isi mea faalavefau uma, ma manumalo i le pine auro! Pe a tatou le amanaiaina mea faalavefau o le lalolagi ae taulai atu ia Iesu Keriso, o le a tatou maua foi le manuia.

O lea mea ua aoaoina ai a’u:

Fai Atu Fesili

Fai mai Sister Browning , seia oo i le 1992, sa manatu saienitisi o Pluto o le faatausiusiuga lea o lo tatou faiga o le lā. Ae sa faaauau pea ona a’oa’oina ma faia e saienitisi ni fesili. Ua tatou iloa nei e tele naua mea e tatau ona iloa i tala atu o Pluto! A i ai ni a tatou fesili, e mafai ona tatou liliu atu i le Tama Faalelagi. E oo lava i o tatou eseesega e mafai ona fesoasoani ia i tatou e aoao ai ma tuputupu ae ai.

O lea mea ua aoaoina ai a’u: