O le Uso o Iareto

Na fausia e sa Iaretō ni vaa tapunipuni sa ta’ua o vaa mafolafola e malaga atu ai i le nuu folafolaina.

Ae sa i ai se fesili a le uso o Iareto. E faapefea ona latou manava i totonu o vaa mafolafola? Sa tatalo o ia mo se fesoasoani, ma sa fetalai mai le Alii e fai ni pu i totonu o vaa mafolafola mo le ea.

Sa i ai se isi fesili a le uso o Iareto. E faapefea ona latou maua le malamalama? O le taimi lea, na fesili ai le Alii po o le a le mea na manao le uso o Iareto ia te Ia e fai ina ia maua ai e sa Iaretō le malamalama.

Ona maua lea e le uso o Iareto se manatu. Sa ia ole atu i le Alii e pai atu i ni maa laiti se 16. Ina ua pai atu le Alii i ia ma’a, sa mumῡ!

E mafai ona tatou fesili atu i le Alii i a tatou fesili. E finagalo o Ia e fesoasoani mai ia i tatou e foia o tatou faafitauli.

Lu’i o Tusitusiga Paia

O fea na natia ai e Amarona papatusi auro mo Mamona ina ia maua ai? (Mamona 1:2–3)
O le a le mea na tu ai le Alii a o Ia ta’u atu ia sa Iaretō le mea e malaga ai? (Eteru 2:5)
O fea na auina i ai e le Alii tuaa o Sule? (Eteru 7:27)

E Mafai ona Ou Faitauina le Tusi a Mamona!

A uma ona e faitau, valivali se vaega o le ata. E mafai ona e faitauina mau nei e o faatasi ma le faitauga i vaiaso taitasi mai le Sau, Mulimuli Mai ia te A’u.

Vaiaso 1: Mamona 3:20–22
Vaiaso 2: Mamona 7:8–10
Vaiaso 3: Eteru 4:11–12
Vaiaso 4: Eteru 6:12