Fesootai i Feagaiga

O feagaiga e fesootai ai i tatou i le Tama Faalelagi ma Iesu Keriso. O le tausia o a tatou feagaiga, e mafai ai ona tatou maua le fesoasoani ma le malosi faalelagi. Na aoao mai Peresitene Nelson, “O le taimi lava e osia ai e oe ma a’u se feagaiga ma le Atua, o le a sili atu ona vavalalata lo tatou sootaga ma Ia. … Ona o la tatou feagaiga ma [Ia], o le a le vaivai ai lava o Ia i Ana taumafaiga e fesoasoani ia i tatou.”

Fai se filifili o sootaga e faamanatu atu ai ia te oe lau feagaiga o le papatisoga! Ona tautau lea i se mea o le a e vaai lava i ai.

Tipi ni fasipepa se ono pe tusa ma le 1 inisi (2.5 sm) le lautele ma le 8 inisi (20 sm) le umi.
I luga o fasipepa taitasi, tusi ai se tasi o auala e mafai ona e tausia ai lau feagaiga o le papatisoga. (E mafai ona fesoasoani manatu o loo i lalo.)
Ave le fasipepa muamua ma faapipii faatasi ia pito e fai ai se li’o. Ona faapona lea o le isi fasipepa i le li’o ma faapipii pito na. Faaauau pea ona faaopoopo sootaga seia maua sau filifili!

Ia manatua pea Iesu Keriso!
(tagai i le Mataupu Faavae ma Feagaiga 20:77, 79)
Auauna i le Atua ma tausi poloaiga.
(tagai i le Mosaea 18:10 ma le Mataupu Faavae ma Feagaiga 20:77)
Molimau atu ia Iesu Keriso ma avea ma se faataitaiga
(Tagai i le Mosaea 18:9 ma le Mataupu Faavae ma Feagaiga 20:77, 79)
Fesoasoani i isi
(tagai i le Mosaea 18:8–9)