O La’u Api Tusi Ata o le Malumalu

Talofa lava!

O lo’u igoa o Brayden, ma ou te nofo i Iuta, ISA.

O le a ou faamatala atu ia te outou se sini sa ou faia ina ua 10 ou tausaga.

Na amata uma lava i se malaga e asiasi i o’u matua matutua. Sa i ai tusi o le malumalu a o’u matua matutua i lo la potu malolo, ma sa ou fiafia e vaai i ata. Sa ou filifili ou te manao e fai la’u lava tusi o le malumalu. Sa ou faia se sini mamao e tusi uma ata o malumalu.

Sa ou filifili e tusi la’u uluai malumalu. Sa ou pikiina i luga se penitala, sue se ata i luga o le initoneti, ma tusi le Malumalu o St. Geroge Iuta Ona ou tusia lea o le Malumalu o Logan Iuta ma le Malumalu o Manti Iuta. Sa fautua mai lo’u tina ou te faaaogaina se tusi lapoa mo a’u malumalu. O lenei la, i le tausaga ma le afa mulimuli ane, ua ou i ai i le numera o le malumalu 81, o le Malumalu o Reno Nevada. O loo i ai pea malumalu e 105 e tatau ona faasolo atu i ai!

E i ai taimi ou te manao ai e tuu se malumalu o loo ou tusia. Pe a tupu lenei mea, ou te fiafia e fai se tatalo ma ole atu i le Tama Faalelagi e fesoasoani mai ia te au i vaega faigata.

O se mea manaia i lenei sini o le auala lea ua fesoasoani ai i o’u uso laiti e toatolu ia sili atu le fiafia i le malumalu. O lo’u uso laitiiti o Kade e na te tusiaina ata o malumalu e manao e asiasi i ai i se aso, ae o isi o’u uso e tusia malumalu mo faiaoga ma uo.

Ua fesoasoani foi la’u sini ia te a’u e saili nisi o mea ou te fiafia i ai. Ou te fiafia e mamanu! Sa amata ona ou fatuina ni faataitaiga o malumalu 3D i le taumafanafana ua tea, ma ou te faamoemoe e avea ma se tusiata fale pe a ou matua.

O lenei sini ua fesoasoani ia te au e lagona ai le latalata atili atu i le Tama Faalelagi ma Iesu. Soo se taimi lava ou te tusia ai se malumalu, ou te lagonaina le Agaga. Ou te iloa o malumalu o maota o le Atua. Talu ai nei, sa mafai ai ona ou alu i totonu o le Malumalu o Payson Iuta ma isi. Ou te lagonaina le malosi o le Agaga pe a ou faia papatisoga i le malumalu.

Soo se taimi lava ou te vaai ai i se malumalu, e fesoasoani ia te au ina ia ou malosi atili atu i le filifilia o le mea sao.

Ata na tusia e Brayden B.