O Gaoioiga o le Sau, Mulimuli Mai ia te A’u

Mo le Mamona 1–6

Sa alofa Mamona ia sa Nifaē (tagai i le Mamona 3:12). Ua talosagaina i tatou e le Tama Faalelagi ma Iesu Keriso ia alolofa foi i isi. Tu i se li’o ma moeiini ou mata. Faitau i le tolu, ona tatala lea o ou mata ma vaai atu i se tasi. Afai o loo e pupula sa’o atu ia i latou, fai atu se tala e te fiafia i ai e uiga i le tasi ma le isi ma laa ese mai le li’o. Ia faaauau pea seia totoe se tagata se toatasi! Ona fai mai lea e tagata uma o se mea latou te fiafia i ai e uiga i lena tagata.

Mo le Mormon 7–9

Pe a tatou mulimuli ia Iesu Keriso, e mafai e le Tama Faalelagi ona faamanuiaina i tatou i vavega. Faitau le Mamona 8:24 ma tusi se tasi o vavega o loo faamatalaina i le fuaiupu. A o e tusia se ata, talanoa e uiga i vavega ua faia e le Tama Faalelagi mo lou aiga.

Mo le Eteru 1–5

Sa talosaga atu le uso o Iareto i le Alii e pai atu i maa ina ia mafai ona maua e ana vaa le malamalama (tagai i le Eteru 3). Ao mai maa mai fafo pe tipi ni li’o mai fasi pepa. I luga o au maa po o pepa, lolomi, tusi, pe vali ai mea e mafai ona e faia e aumai ai le malamalama ma le alofa i isi.

Mo le Eteru 6–11

A o latou malaga atu i le isi itu o le sami, sa usuina e le uso o Iareto ma lona aiga ni viiga i le Alii e faafetai ai ia te Ia mo le fesoasoani ia i latou (tagai i le Eteru 6:9). E mafai foi ona e pese e faafetai ai i le Alii! Filifili se pese e sili ona e fiafia i ai mai le Tusipese a Tamaiti po o le uepisaite a le Ekalesia ma usu faatasi. E mafai faapefea ona e faaali atu i le Tama Faalelagi lou faafetai i ni isi auala?