Garðyrkja með mömmu

Hæ, Emily! Er ekki huggulegt úti?

Jú! Má ég prufa? Mig langar að hjálpa.

Skóflan gæti verið of stór fyrir þig. Viltu ekki hjálpa mér með illgresið í garðinum?

Allt í lagi!

Við skulum passa okkur að slíta ekki upp blóm. Ég skal sýna þér hvað er illgresi.

Þurfum við að reita upp allt illgresið? Það er svo mikið af því.

Við gerum það ef við viljum að garðurinn líti vel út.

Að hirða um garðinn er erfitt.

Þú hefur rétt fyrir þér. En það þarf samt að vinna verkið.

Af hverju gróðursettum við svo mörg blóm? Það er bara meiri vinna!

Hvers vegna heldur þú að himneskur faðir hafi skapað svo fallegar rósir?

Ég veit það ekki.

Af því að hann vill að við njótum þess að horfa á þær.

Það er eins og þessi söngur! „Ég er glöð að vera í þessum fallega heimi sem himneskur faðir skapaði fyrir mig.“

Mamma: Þess vegna er mér sama þótt ég leggi hart að mér. Blómin gleðja mig.

Emily: Þau minna okkur á kærleika himnesks föður!

Myndskreyting eftir Alyssa M. Gonzalez