Musteristeiknibókin mín

Halló!

Ég heiti Brayden og á heima í Utah, Bandaríkjunum.

Ég ætla að segja ykkur frá markmiði sem ég setti mér þegar ég var 10 ára.

Þetta byrjaði allt á ferðalagi við að heimsækja ömmu og afa. Afi minn og amma voru með musterisbækur í stofunni og ég naut þess að skoða myndirnar. Ég ákvað að ég vildi búa til mína eigin musterisbók. Ég setti mér langtímamarkmið um að teikna öll musterin.

Ég ákvað að teikna mitt fyrsta musteri. Ég tók upp blýant, leitaði að mynd á netinu og teiknaði St. George musterið í Utah Ég teiknaði síðan Logan-musterið í Utah og Manti-musterið í Utah. Mamma mín lagði til að ég notaði stóra teiknibók fyrir musterin mín. Nú, einu og hálfu ári síðar, er ég að teikna musteri númer 81, Reno-musterið í Nevada. Ég á enn 105 musteri eftir!

Stundum langar mig að gefast upp á musterinu sem ég er að teikna. Þegar það gerist, flyt ég gjarnan bæn og bið himneskan föður að hjálpa mér gegnum erfiðleikana.

Það sem er dásamlegt við þetta markmið, er hvernig það hefur hjálpað þremur yngri bræðrum mínum að elska musterið meira. Kade, litli bróðir minn, teiknar musteri sem hann vill sækja einhvern daginn og hinir bræður mínir teikna musteri fyrir kennara og vini.

Markmið mitt hefur líka hjálpað mér að finna sum önnur áhugamál. Ég elska að hanna! Ég byrjaði að búa til þrívíddar musterismódel síðasta sumar og vonast til að verða arkitekt þegar ég verð stór.

Þetta markmið hefur hjálpað mér að finna aukna nálægð við himneskan föður og Jesú. Alltaf þegar ég teikna musteri, finn ég fyrir andanum. Ég veit að musterin eru hús Guðs. Nýlega hef ég getað farið inn í Payson-musterið í Utah og fleiri musteri. Ég finn mjög sterkt fyrir andanum þegar ég tek þátt í skírnum í musterinu.

Alltaf þegar ég sé musteri, eykur það styrk minn til að velja hið rétta.

Teikningar eftir Brayden B.