ការស្ថាបនាភាពធន់ខាងសតិអារម្មណ៍ ៖ ខារ៉ូលី ស្កូក្រោះ
ការប្រជុំធម្មនិដ្ឋានសមាគមសង្គ្រោះ ឆ្នាំ២០២៦ ៖ ការប្រមូលផ្តុំស្ត្រីនៅទូទាំងពិភពលោក
ថ្ងៃអាទិត្យ ទី៨ ខែមីនា ឆ្នាំ២០២៦
ខ្ញុំពិតជាមានអារម្មណ៍ថា ខ្ញុំទទួលបានអត្ថប្រយោជន៍ពីការខិតខំប្រឹងប្រែង ឬសមិទ្ធផលរបស់បុព្វការីជនរបស់ខ្ញុំអ៊ីចឹង ។ ដំណើររឿងរបស់ពួកគាត់ពិតជាបានទាក់ចិត្តរបស់ខ្ញុំខ្លាំងណាស់ ។ ខ្ញុំមានជីតាទួតម្នាក់ដែលបានធ្លាក់ពីលើរទេះរថភ្លើង ហើយស្ទើរតែដាច់ត្រចៀកទាំងស្រុង ។ ហើយម្តាយរបស់គាត់បានលាងសម្អាតរបួស រួចបិតត្រចៀកឡើងវិញ ហើយបានរុំវាឲ្យជិតវិញដែរ ។ ហើយដោយមានសេចក្តីជំនឿ ត្រចៀកនោះក៏បានជាសះស្បើយដូចដើមវិញ ។ ហើយខ្ញុំគិតអំពីសេចក្តីជំនឿ និងការអធិស្ឋានដែលគាត់បានធ្វើសម្រាប់កូនប្រុសរបស់គាត់ ។
ក្រោយមក ខ្ញុំគិតអំពីជីដូនម្នាក់ដែលធ្លាក់ខ្លួនជាអ្នកម្តាយទោលនៅក្នុងវិបត្តិសេដ្ឋកិច្ចដែលមានកូនបួននាក់ ហើយគាត់ត្រូវរកវិធីដើម្បីចិញ្ចឹមពួកគេ ។ ពុំមាននរណាម្នាក់ផ្តល់លុយឲ្យគាត់ទេ ហើយគាត់បានក្លាយជាអ្នកជំនួញដ៏ជោគជ័យម្នាក់ និងបានធ្វើរឿងដ៏អស្ចារ្យជាច្រើន ។ ដូច្នេះ ខ្ញុំពិតជាមានអារម្មណ៍ថា បុព្វការីជនរបស់ខ្ញុំពិតជាបានជះឥទ្ធិពលយ៉ាងខ្លាំងដល់អ្វីដែលខ្ញុំមាន—ពួកគាត់បានជះឥទ្ធិពលដល់ខ្ញុំ ធ្វើឲ្យខ្ញុំពិតជាមានអំណរគុណយ៉ាងខ្លាំងចំពោះពរជ័យដែលខ្ញុំមាន ។
ហើយខ្ញុំក៏ដូចជាអ្នកដទៃទៀត និងអ្នករាល់គ្នាដែរ ធ្លាប់បានប្រឈមមុខនឹងបញ្ហាខាងសតិអារម្មណ៍ ។ ហើយខ្ញុំបានរៀនថា បញ្ហាប្រឈមទាំងឡាយ—ប្រៀបដូចជាព្រះគ្រីស្ទគឺជាផ្លូវ—បញ្ហាប្រឈមមុខទាំងនោះគឺជាផែនការ ។ ហើយប្រសិនបើយើងស្គាល់រឿងនោះ ជំនួសឲ្យការតតាំងទៅនឹងរឿងនោះ រៀនពីរបៀបដើម្បីរីករាយនឹងរឿងនោះ ហើយមានអំណរគុណចំពោះបញ្ហាប្រឈមមុខទាំងនោះ នោះយើងនឹងកាន់តែសប្បាយចិត្ត ។ យើងនឹងអាចរៀនពីរបៀបដើម្បីជួយអ្នកដទៃ នៅពេលពួកគេឆ្លងកាត់បញ្ហាប្រឈមមុខទាំងនោះបានដែរ ។
រឿងមួយផ្សេងទៀតដែលខ្ញុំបានរៀនគឺថា យើងគ្រាន់តែឆ្លាស់វេនគ្នាដោះស្រាយបញ្ហាប្រឈមមុខទាំងនោះប៉ុណ្ណោះ ។ បងប្អូនប្រហែលជាមានបញ្ហាប្រឈមមួយ ហើយបងប្អូនយល់ដឹងរឿងខ្លះៗពីបញ្ហានោះ ហើយការណ៍នោះផ្តល់ឲ្យបងប្អូននូវឱកាសដើម្បីជួយអ្នកដទៃពេលដែលពួកគេកំពុងឆ្លងកាត់បញ្ហាប្រឈមស្រដៀងគ្នា ឬបញ្ហាដែលអាចខុសគ្នា ប៉ុន្តែជាអ្វីមួយដែលបងប្អូនមានការយល់ចិត្តកាន់តែច្រើនឡើង ។
ខ្ញុំពិតជាមានទីបន្ទាល់មួយថា បញ្ហាប្រឈមណាមួយដែលយើងជួបប្រទះ នឹងត្រូវសម្រេចបានរួមគ្នាជាមួយនឹងព្រះអង្គសង្គ្រោះរបស់យើង ។ មិនថារឿងនោះជាអារម្មណ៍ផ្ទាល់ ឬតាមរយៈអ្នកនាំសាររបស់ទ្រង់ម្នាក់—បងប្អូនស្រីសមាគមសង្គ្រោះរបស់យើងម្នាក់ ឬកូនប្រុស ឬកូនស្រីម្នាក់ នរណាម្នាក់ដែលជិតស្និទ្ធនឹងបងប្អូន ដែលមកបម្រើបងប្អូនតាមរបៀបមួយដែលជួយឲ្យបងប្អូនឆ្លងកាត់បទពិសោធន៍នោះ ។