ស្វែងរកកម្លាំង និងការសង្គ្រោះនៅក្នុងព្រះយេស៊ូវគ្រីស្ទ ៖ ដាណា អើល
ការប្រជុំធម្មនិដ្ឋានសមាគមសង្គ្រោះ ឆ្នាំ២០២៦ ៖ ការប្រមូលផ្តុំស្ត្រីនៅទូទាំងពិភពលោក
ថ្ងៃអាទិត្យ ទី៨ ខែមីនា ឆ្នាំ២០២៦
កាលពីប៉ុន្មានឆ្នាំមុន ខ្ញុំបានចាប់ផ្តើមសរសេរដំណើររឿងចេញពីជីវិតរបស់ខ្ញុំ ពីពេលដែលខ្ញុំមានអារម្មណ៍ពីព្រះវិញ្ញាណ ឬមានអារម្មណ៍ពីឥទ្ធិពលរបស់ព្រះអង្គសង្គ្រោះនៅក្នុងជីវិតរបស់ខ្ញុំ ឬមានអារម្មណ៍ពីការសង្គ្រោះរបស់ទ្រង់នៅពេលដែលខ្ញុំត្រូវការមានអារម្មណ៍ពីទ្រង់ ។ ហើយខ្ញុំចាប់ផ្តើមសរសេរដំណើររឿងទាំងនេះ ព្រោះខ្ញុំចង់ផ្តល់ឲ្យកូនៗរបស់ខ្ញុំនូវដំណើររឿងទាំងនេះ ។ ប៉ុន្តែអ្វីដែលបានកើតឡើងក្នុងដំណើរការនៃការធ្វើដូច្នោះ ខ្ញុំចាប់ផ្តើមឃើញព្រះហស្តរបស់ព្រះនៅក្នុងជីវិតរបស់ខ្ញុំ ។ ខ្ញុំចាប់ផ្តើមឃើញតាមរយៈការសរសេរបទពិសោធន៍ទាំងនេះថា ព្រះបានគង់នៅទីនោះសម្រាប់ខ្ញុំ ខ្ញុំបានឃើញព្រះហស្តរបស់ទ្រង់ ខ្ញុំមានបទពិសោធន៍ដ៏អស្ចារ្យទាំងនេះ ហើយខ្ញុំមានភស្តុតាងដែលបង្ហាញថាទ្រង់បានខ្វល់ខ្វាយពីខ្ញុំ ហើយខ្ញុំបានដឹងថាទ្រង់គង់នៅទីនោះ ។ ហើយខ្ញុំបានស្រមៃឃើញថាវាកំពុងក្លាយជាអំណោយតូចៗដែលខ្ញុំស្ទើរតែអាចស្រមៃថាដាក់ក្នុងហោប៉ៅរបស់ខ្ញុំ ដែលខ្ញុំអាចយកទៅជាមួយបាន។ ។ ដូច្នេះនៅពេលដែលខ្ញុំមានថ្ងៃមិនល្អ ឬខែមិនល្អ ខ្ញុំក៏អាចទាញយកបទពិសោធន៍នោះចេញមក ហើយនិយាយថា « ខ្ញុំដឹង ។ ពីព្រោះបទពិសោធន៍នោះដែលខ្ញុំមានគឺជាការពិត ខ្ញុំមានបទពិសោធន៍នោះហើយខ្ញុំមិនសង្ស័យឡើយ ។ ហើយខ្ញុំមានវា ហើយវាជារបស់ខ្ញុំ » ។
ហើយខ្ញុំគិត ខ្ញុំដឹង ខ្ញុំជឿជាក់ថា ព្រះវរបិតាសួគ៌សព្វព្រះទ័យឲ្យយើងមានបទពិសោធន៍ជាមួយទ្រង់ ។ ខ្ញុំជឿថានោះហើយជាមូលហេតុដែលយើងមានព្រះគម្ពីរ—គឺដើម្បីឲ្យយើងមានបទពិសោធន៍ជាមួយទ្រង់ ។ មែនហើយ ខ្ញុំជាមនុស្សចូលចិត្តស្រមៃ ដូច្នេះខ្ញុំយកបទពិសោធន៍តិចតួចរបស់ខ្ញុំទៅជាមួយខ្ញុំ ។ ហើយបទពិសោធន៍នីមួយៗ ខ្ញុំអាចយកវាចេញមកនៅពេលខ្ញុំត្រូវការវា ។ ហើយការសរសេរវាទុកបានជួយខ្ញុំឲ្យខ្ញុំអាចនឹកឃើញវាឡើងវិញ ។ ហើយនៅពេលណាដែលខ្ញុំត្រូវការ វានៅទីនោះ ។
ដូច្នេះហេតុផលដែលខ្ញុំចង់ចាប់យកដំណើររឿងទាំងនេះ ហើយរក្សាទុកវា គឺសម្រាប់ខ្លួនខ្ញុំផ្ទាល់ជាទីបន្ទាល់អំពីអ្វីដែលខ្ញុំបានដកពិសោធន៍ និងសម្រាប់កូនចៅជំនាន់ក្រោយៗរបស់ខ្ញុំផងដែរ ឲ្យថ្លែងទីបន្ទាល់ចំពោះព្រះវរបិតាសួគ៌របស់ខ្ញុំថា ខ្ញុំបានឃើញទ្រង់ ថាខ្ញុំបានឃើញ និងបានដឹង ។ ខ្ញុំមានអារម្មណ៍ថា បទពិសោធន៍ខ្លះគឺដូចជាការថើបនៅលើថ្ងាសអ៊ីចឹង ។ ថាខ្ញុំបានទទួលអារម្មណ៍នោះ ថាខ្ញុំបានដឹង ។ ហើយខ្ញុំចង់ទទួលស្គាល់រឿងនោះ ។ ដូច្នេះហើយខ្ញុំបន្តសរសេរវា ដើម្បីឲ្យខ្ញុំអាចទទួលស្គាល់ថា ខ្ញុំបានឃើញវា ឬមានអារម្មណ៍ពីវា ។