11:39

ស្ត្រីបរិសុទ្ធផ្តោតការយកចិត្តទុកដាក់របស់ពួកគេទៅលើព្រះយេស៊ូវគ្រីស្ទ

ការប្រជុំធម្មនិដ្ឋានសមាគមសង្គ្រោះ ឆ្នាំ២០២៦ ៖ ការប្រមូលផ្តុំស្ត្រីនៅទូទាំងពិភពលោក

ប្រធាន ខាំមៀល អិន ចនសុន

ប្រធានសមាគមសង្គ្រោះទូទៅ

ថ្ងៃអាទិត្យ ទី៨ ខែមីនា ឆ្នាំ២០២៦

ពរជ័យដ៏ផ្អែមល្ហែមបំផុតមួយនៃការហៅរបស់ខ្ញុំ គឺការមានអារម្មណ៍នៃសេចក្តីស្រឡាញ់ដ៏ជ្រាលជ្រៅ ដែលរំជួលដល់ព្រលឹងសម្រាប់បងប្អូន ដែលជាស្ត្រីនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ នៅក្នុងគំនិតរបស់ខ្ញុំ ខ្ញុំនៅជាមួយអ្នកនៅក្នុងទីដ៏ពិសិដ្ឋរបស់អ្នក - ប្រហែលជាបានប្រមូលផ្តុំគ្នានៅក្នុងរោងថ្វាបង្គំ ឬនៅក្រោមតង់ នៅក្នុង កាស៊ីតាឬ ហ្វាលក្នុងការស្រមៃរបស់ខ្ញុំ ខ្ញុំនៅជាមួយបងប្អូននៅទីកន្លែងដ៏ពិសិដ្ឋរបស់បងប្អូន—ប្រហែលបងប្អូនជួបជុំគ្នានៅក្នុងរោងថ្វាយបង្គំ ឬនៅក្រោមតង់ នៅក្នុង casita ( កូនផ្ទះអេស្ប៉ាញ ) ឬ fale ( ផ្ទះប្រពៃណីសាម័រ ) ឬនៅផ្ទះរបស់បងប្អូន—ហើយយើងលុតជង្គង់ទល់មុខគ្នា ដើម្បីខ្ញុំអាចប្រាប់បងប្អូនថា ខ្ញុំស្រឡាញ់បងប្អូន ថាខ្ញុំដឹង យ៉ាងប្រាកដថាបងប្អូនគឺជាបុត្រីនៃព្រះវរបិតាសួគ៌ជាទីស្រឡាញ់ ហើយថាខ្ញុំដឹងជាក់ច្បាស់ថា បងប្អូនអាចទុកចិត្តលើព្រះយេស៊ូវគ្រីស្ទបាន ។

វាជាអំណោយមួយដែលអាចអង្គុយជាមួយបងប្អូនស្រ្ដីបរិសុទ្ធនៅទូទាំងពិភពលោក ដែលបង្ហាញពីកម្លាំង សមត្ថភាព ការប្រែចិត្តជឿ និងសេចក្តីជំនឿយ៉ាងខ្លាំងលើព្រះយេស៊ូវគ្រីស្ទ ។ សេចក្តីស្រឡាញ់របស់ព្រះចំពោះស្ត្រីត្រូវបានបង្ហាញឡើង កាលទ្រង់ប្រទានឱកាសឲ្យយើងរៀនពីគ្នា និងជាមួយគ្នា ។

តើខ្ញុំដឹងអ្វីខ្លះ មកពីពេលវេលាដែលបានចំណាយជាមួយស្ត្រីនៃសាសនាចក្រនៃព្រះយេស៊ូវគ្រីស្ទ—ដំណើរទស្សនកិច្ចការងារបម្រើទាំងនោះ ការជួបគ្នានៅចំណតរថយន្ត និងការពិភាក្សាគ្នាពេលទិញម្ហូប ?

ខ្ញុំដឹងថា ជីវិតនេះគឺលំបាក ។

បងប្អូនអាចប្រឈមនឹងរឿងលំបាកជាមួយព្រះយេស៊ូវ ឬបងប្អូនអាចប្រឈមនឹងវាតែម្នាក់ឯង ។ នោះគឺជាជម្រើសរបស់បងប្អូន ។ ប៉ុន្ដែនៅពេលបងប្អូនប្រឈមនឹងរឿងលំបាកជាមួយព្រះយេស៊ូវគ្រីស្ទ នោះការលំបាកក្លាយជាបរិសុទ្ធ ។ បងប្អូនក្លាយជាស្ត្រីបរិសុទ្ធ ។

ខ្ញុំបានជួបបងស្រីម្នាក់នៅឯចំណតរថយន្តនាពេលថ្មីៗនេះ ។ គាត់បានមកប្រាប់ខ្ញុំថា កូនស្រីរបស់គាត់បានជួបគ្រោះថ្នាក់ចរាចរណ៍ ហើយត្រូវបានបញ្ជូនទៅមន្ទីរពេទ្យ ។ គាត់បានប្រាប់ថា គាត់បានបាត់បង់កូនស្រីម្នាក់ដោយសារជំងឺមហារីកមុននេះ ។ ខ្ញុំសន្និដ្ឋានថា មិត្តថ្មីរបស់ខ្ញុំចង់ទទួលបានការលួងលោមពីខ្ញុំ ។ ប៉ុន្តែនោះមិនមែនជាអ្វីដែលគាត់ចង់បាននោះទេ ។ គាត់មិនបានមករកខ្ញុំដើម្បីទទួលបានការលួងលោមទេ គាត់មករកខ្ញុំដើម្បីបង្ហាញទីបន្ទាល់ថា កូនស្រីរបស់គាត់ត្រូវបានថែរក្សាឃុំគ្រងដោយទេវតាដែលផ្ដល់ការងារបម្រើ គាត់ដឹងថា កូនស្រីដែលបានស្លាប់របស់គាត់គឺជាទេវតាម្នាក់ក្នុងចំណោមទេវតាទាំងនោះ ហើយថាគាត់ប្រាកដថា គ្រួសាររបស់គាត់មានភាពអស់កល្បជានិច្ច ដោយសារតែការផ្សារភ្ជាប់របស់គាត់នៅក្នុងដំណាក់នៃព្រះអម្ចាស់ ។ ក្នុងនាមជាបុត្រីនៃសេចក្ដីសញ្ញារបស់ព្រះ គាត់បានដោះស្រាយបញ្ហាក្នុងជីវិតដោយសេចក្តីជំនឿ និងទំនុកចិត្តលើផែនការនៃសុភមង្គលរបស់ព្រះវរបិតាជាទីស្រឡាញ់របស់គាត់ ព្រះចេស្ដាប្រោសលោះនៃព្រះយេស៊ូវគ្រីស្ទ និងការសន្យារបស់ទេវតាដែលទទួលខុសត្រូវលើគាត់ និងមនុស្សជាទីស្រឡាញ់របស់គាត់ ។ គាត់នៅតែមានកូនស្រីសម្រាកនៅក្នុងមន្ទីរពេទ្យ ។ បទពិសោធន៍ជីវិតរមែងស្លាប់របស់គាត់នៅតែលំបាក ។ ប៉ុន្តែមិត្តរបស់ខ្ញុំបានជ្រើសរើសប្រឈមមុខនឹងរឿងពិបាកជាមួយព្រះយេស៊ូវគ្រីស្ទ ជាជាងប្រឈមនឹងវាតែម្នាក់ឯង ។ ការពិបាករបស់គាត់បានក្លាយជាពេលវេលាដ៏បរិសុទ្ធ ជារដូវកាលដ៏បរិសុទ្ធ ។

ខ្ញុំស្គាល់បងស្រីម្នាក់ ដែលមានកូនតូចៗចំនួនបួននាក់ ដែលកំពុងចិញ្ចឹមពួកគេតែម្នាក់ឯង និងខំធ្វើការដើម្បីជួយគ្រួសាររបស់គាត់ ខណៈដែលម្តាយគាត់ទទួលបានការវិនិច្ឆ័យរោគថាមានជំងឺមហារីក ។ គាត់បានប្រាប់ខ្ញុំថា នៅអំឡុងពេលដ៏អន្ដរាយនេះ គាត់បានចាប់ផ្តើមអធិស្ឋានកាន់តែស្មោះសរ និងញឹកញាប់ជាងមុន—តាំងពីរបៀបទទួលបានអាហារឲ្យកូនៗគាត់ហូបចុក ។ គាត់បានទូលសូមជំនួយពីព្រះវរបិតាសួគ៌ និងព្រះអង្គសង្គ្រោះ ។ ដោយទុកចិត្តលើទ្រង់ទាំងទ្វេ គាត់បានរៀបចំខ្លួនចុះសេចក្ដីសញ្ញានៅក្នុងដំណាក់នៃព្រះអម្ចាស់ ។ សុខភាពម្តាយរបស់គាត់បានធ្លាក់ចុះ ទោះជាយ៉ាងណាពួកគាត់បានធ្វើដំណើរជាគ្រួសារ និងជាមួយមិត្តភក្តិទៅកាន់ព្រះវិហារបរិសុទ្ធដែលនៅជិតបំផុត ជាកន្លែងដែលមិត្តថ្មីរបស់ខ្ញុំទទួលបានអំណោយទានពិសិដ្ឋ មិនយូរប៉ុន្មានមុនពេលម្តាយគាត់បានស្លាប់ ។ បទពិសោធន៍រមែងស្លាប់របស់គាត់នៅតែមានការលំបាក ប៉ុន្ដែការជ្រើសរើសភ្ជាប់ខ្លួននឹងព្រះអង្គសង្គ្រោះតាមរយៈសេចក្ដីសញ្ញា ធ្វើឲ្យផ្លូវដើរទៅមុខមានអារម្មណ៍ងាយស្រួលជាងមុន ។ មិនមែនងាយស្រួលទេ ប៉ុន្ដែវាងាយស្រួលជាងមុន ដោយសារគាត់ទទួលបានព្រះចេស្ដារបស់ទ្រង់ក្នុងការព្យាបាល និងភាពរឹងមាំកាន់តែខ្លាំងជាងមុន ។ ខ្ញុំបានសួរគាត់អំពីទំនាក់ទំនងរបស់គាត់ជាមួយព្រះអង្គសង្គ្រោះ ដែលបានរឹងមាំឡើងនៅក្នុងភ្លើងនៃទុក្ខលំបាក ។ ស្ត្រីបរិសុទ្ធរូបនេះបានប្រាប់ថា គាត់មិនអាចស្គាល់ និងទុកចិត្តព្រះយេស៊ូវគ្រីស្ទខ្លាំង ដូចដែលគាត់ស្គាល់ និងទុកចិត្តលើទ្រង់នាពេលនេះទេ បើគ្មានបទពិសោធន៍ដ៏លំបាកទាំងនេះ ។

បងប្អូនឃើញទេ ភ្លើងនៃការបន្សុទ្ធគឺក្តៅ ។ វាជាតម្លៃនៃភាពបរិសុទ្ធ ។ ជាងសំរងបន្សុទ្ធ និងចម្រាញ់ប្រាក់ដោយប្រើភ្លើងដើម្បីដុតបំផ្លាញភាពមិនបរិសុទ្ធ ។ ប៉ុន្តែជាងសំរងមិនបោះលោហធាតុនោះទៅក្នុងឡ ហើយដើរចេញនោះទេ ។ ជាងសំរងនោះត្រួតពិនិត្យសីតុណ្ហភាព និងពេលវេលាសម្រាប់ដាក់អុកស៊ីសែនដោយប្រុងប្រយ័ត្ន ដោយចាំមើលកាកសំណល់ប្រាក់ផុសឡើងនៅលើផ្ទៃនៃលោហធាតុដែលរលាយនោះ ។ ជាងសំរងកាយកាកសំណល់ប្រាក់ចេញ បន្សល់ទុកនូវប្រាក់សុទ្ធ ជាផ្ទៃដែលចែងចាំង និងមានពន្លឺ—ដូចជាកញ្ចក់មួយ ដែលឆ្លុះឃើញមុខរបស់ជាងសំរងនោះ ។

« ទ្រង់ [ សំដៅទៅលើព្រះយេស៊ូវគ្រីស្ទ ] នឹងគង់ចុះ ដូចជាជាងសំរង ហើយនឹងដេញយកកាកសំណល់ប្រាក់ » ។ យើងគឺជាប្រាក់ដ៏មានតម្លៃ ដែលត្រូវបានសម្រង់ និងបានរើសនៅក្នុងឡនៃសេចក្ដីវេទនា ។ ហើយដូចជាប្រាក់ត្រូវបានសម្រង់ ដុតភាពមិនបរិសុទ្ធចោលដែរ យើងមានចរិតលក្ខណៈដូចជាព្រះ យើងក្លាយជាស្ដ្រីបរិសុទ្ធ ។

តើបងប្អូននឹងស្គាល់ ជួប និងឱបក្រសោបកែវភ្នែកឃ្លាំមើលរបស់ជាងសំរង នៅពេលបងប្អូនស្ថិតនៅក្នុងភ្លើងនៃទុក្ខលំបាកដែរឬទេ ?

ប្រធាន ឌី ថត គ្រីស្តូហ្វឺសិន បានប្រឹក្សាថា ៖ « នៅកណ្តាលភ្លើងរបស់ជាងសំរងនេះ សូមចូលទៅជិតព្រះ ជាជាងខឹងជាមួយព្រះ ។ អំពាវនាវទៅព្រះវរបិតានៅក្នុងព្រះនាមនៃព្រះរាជបុត្រា ។ សូមដើរជាមួយទ្រង់ទាំងទ្វេដោយព្រះវិញ្ញាណ ពីមួយថ្ងៃទៅមួយថ្ងៃ ។ សូមអនុញ្ញាតឲ្យទ្រង់ទាំងទ្វេបង្ហាញពីភក្តីភាពរបស់ទ្រង់ចំពោះបងប្អូន ។ សូមចូលមកស្គាល់ទ្រង់ទាំងទ្វេយ៉ាងពិតប្រាកដ ហើយស្គាល់ខ្លួនឯងយ៉ាងពិតប្រាកដ » ។

វានឹងពិបាក ។ បងប្អូនអាចប្រឈមនឹងរឿងលំបាកជាមួយព្រះយេស៊ូវ ឬបងប្អូនអាចប្រឈមនឹងវាតែម្នាក់ឯង ។ នៅពេលបងប្អូនប្រឈមនឹងរឿងលំបាកជាមួយព្រះយេស៊ូវគ្រីស្ទ នោះការលំបាកក្លាយជាបរិសុទ្ធ ។

ស្ត្រីបរិសុទ្ធ ហាណា គឺជាគំរូនៅក្នុងព្រះគម្ពីរស្ដីពីគោលការណ៍នេះ ។

ហាណា បានទៅកាន់ដំណាក់នៃព្រះអម្ចាស់ ជាកន្លែងដែលនាងបានយំសោក ។ នៅក្នុងការអធិស្ឋានដ៏រាបសា នាងបានបង្ហាញសេចក្ដីជូរល្វីងក្នុងចិត្តនាង និងការមានចិត្តព្រួយជាខ្លាំងដល់ព្រះ ដោយសារនាងគ្មានកូនសោះ ។ វាមិនមែនជាការត្អូញត្អែរនោះទេ ។ វាគឺជាភាពស្មោះត្រង់បើកចំហទៅកាន់ទ្រង់អំពីការខកចិត្ត និងទុក្ខសោកដ៏ជ្រាលជ្រៅរបស់នាង ។ នាង « បានប្លុងចិត្ត [ របស់នាង ] ទៅចំពោះព្រះយេហូវ៉ា » ដោយគ្មានលាក់បាំងអ្វីសោះឡើយ ទោះបីទ្រង់ប្រាកដជាជ្រាបពីជម្រៅនៃការឈឺចាប់របស់នាងក៏ដោយ ។

រួចហើយហាណាបានធ្វើសម្បថមួយ—ជាការបង្ហាញពីឆន្ទៈរបស់នាង ដើម្បីឧទ្ទិសថ្វាយអ្វីដែលព្រះអម្ចាស់នឹងប្រទានពរដល់នាង តាមព្រះរាជបំណងរបស់ទ្រង់ ។ នាងបានប្រកាសយ៉ាងក្លាហានថា « ឱព្រះយេហូវ៉ានៃពួកពលបរិវារអើយ បើសិនជាទ្រង់នឹង … ប្រោសប្រទានឲ្យខ្ញុំម្ចាស់ជាស្រីបម្រើទ្រង់ បានកូនប្រុស១ នោះខ្ញុំម្ចាស់នឹងថ្វាយវាដល់ព្រះយេហូវ៉ាគ្រប់១ជីវិត » ។

អេលី ដែលជាសង្ឃបានប្រាប់ហាណាឲ្យ « អញ្ជើញទៅប្រកបដោយសេចក្ដីសុខចុះ » ហើយធានាប្រាប់នាងថា ការបន់ស្រន់របស់នាងទៅកាន់

ព្រះអម្ចាស់សូមកូនប្រុសមួយនឹងត្រូវបានប្រទានឲ្យ ។ ភាពទន់ភ្លន់របស់ហាណាមើលឃើញច្បាស់នៅក្នុងចម្លើយរបស់នាងថា « សូមឲ្យខ្ញុំ ជាអ្នកបម្រើលោក បានប្រកបដោយគុណនៃលោកម្ចាស់ផង » ។ ហើយនាងបានចេញទៅ ហើយ « នាងក៏បាត់ទឹកមុខព្រួយ » ។

ក្រោយពេលវេលាកន្លងទៅ ហាណាទទួលបានពរឲ្យមានកូនប្រុសម្នាក់ ឈ្មោះសាំយូអែល ។ នៅពេលនាងផ្ដាច់ដោះគាត់ហើយ នាងបានគោរពតាមការប្តេជ្ញាចិត្តរបស់នាង ដោយនាំក្មេងប្រុសនេះទៅកាន់ដំណាក់នៃព្រះអម្ចាស់ ។ នាងបានច្រៀងសរសើរដឹងគុណដល់ព្រះអម្ចាស់នៅក្នុងការអធិស្ឋាន ។ នាងបានពោលថា « ចិត្តខ្ញុំម្ចាស់រីករាយសាទរចំពោះព្រះអង្គ » ។ « គ្មានព្រះណាបរិសុទ្ធដូចព្រះយេហូវ៉ាឡើយ ដ្បិតក្រៅពី [ ទ្រង់ ] គ្មានព្រះឯណាទៀតសោះ ក៏គ្មានព្រះឯណាដែលទុកជាថ្មដា ឲ្យដូចព្រះនៃយើងខ្ញុំដែរ » ។

រួចហើយនាងបានទុកសាំយូអែលឲ្យនៅជាមួយអេលី ដែលជាសង្ឃ ដោយឧទ្ទិសថ្វាយគាត់ទាំងស្រុងដើម្បីបម្រើដល់ព្រះ ។ កូនដែលទើបតែផ្ដាច់ដោះ ។ តើបងប្អូនអាចស្រមៃការណ៍នេះចេញទេ ? ខណៈដែលពេលក្រោយមកនាងត្រូវបានប្រទានពរឲ្យមានកូនប្រាំនាក់ទៀត តែនៅពេលដែលនាងបានថ្វាយសាំយូអែលដល់ព្រះអម្ចាស់ គាត់គឺជាកូនតែម្នាក់គត់របស់នាង ។ នាងមិនអាចដឹងបានថា នឹងមានកូនក្រោយទៀតនោះទេ ។ នាងមិនបានរីករាយនឹងពេលវេលាដ៏ទន់ភ្លន់ទាំងអស់ ដែលម្តាយគ្រប់រូបប្រាថ្នាចង់បាននោះទេ—មើលកូនរត់ និងលេង បង្រៀនគាត់ឲ្យចេះស្រឡាញ់ និងចែករំលែក នឹងដាក់កូនឲ្យដេកនោះទេ ។

ជារៀងរាល់ឆ្នាំ នៅពេលនាង និងប្តីរបស់នាងបានមកកាន់ដំណាក់នៃព្រះអម្ចាស់ ដើម្បីធ្វើយញ្ញបូជាប្រចាំឆ្នាំរបស់ពួកគេ នាងបានយកអាវតូចថ្មីមួយ ដែលនាងបានដេរឲ្យសាំយូអែល ។ តើនាងបាននិយាយអ្វី នៅពេលនាងឃើញគាត់ ? តើបេះដូងជាម្តាយមានអារម្មណ៍យ៉ាងណាទៅ នៅពេលនាងត្រូវលាគ្នាម្តងទៀតនោះ ?

ព្រះគម្ពីរមិនបានពិពណ៌នាអំពីការឈឺចាប់គ្រាំចិត្តរបស់នាងនោះទេ ។ ប៉ុន្តែខ្ញុំស្រមៃពីរឿងនេះ ។

បងប្អូនឃើញទេ ហាណាបានស្មោះត្រង់ ហើយជីវិតនៅតែលំបាកដដែល ។

បងប្អូនស្ដ្រីសមាគមសង្គ្រោះរបស់ខ្ញុំរួមមាន ហាណានៅសម័យទំនើប ស្ត្រីបរិសុទ្ធទាំងឡាយ ដែលទោះជាពួកគេមានទុក្ខលំបាកក៏ដោយ ក៏នៅតែថ្វាយបង្គំនៅក្នុងដំណាក់នៃព្រះអម្ចាស់ តមអាហារ ចាក់ស្រោចព្រលឹងទាំងស្រុងរបស់ពួកគេដល់ព្រះអម្ចាស់នៅក្នុងការអធិស្ឋាន ឧទ្ទិសថ្វាយអ្វីដែលព្រះអម្ចាស់បានប្រទានពរដល់ពួកគេ រក្សាការប្តេជ្ញាចិត្តដែលពួកគេបានធ្វើជាមួយទ្រង់ និងទុកចិត្តលើព្រះអម្ចាស់—ព្រះឆន្ទៈរបស់ទ្រង់សម្រាប់ពួកគេ និងតាមពេលវេលារបស់ទ្រង់ ។

យើងកំពុងទទួលបទពិសោធន៍នៃជីវិតរមែងស្លាប់នៅក្នុងរាងកាយដែលនឹងចាស់ និងមានជំងឺ ។ យើង និងបងប្អូនដទៃទៀត មានឱកាសដ៏រុងរឿងដើម្បីអនុវត្តសិទ្ធិជ្រើសរើសរបស់យើង សម្រាប់ការណ៍ល្អ ឬអាក្រក់ ។ ដូច្នេះវានឹងពិបាក ។ បងប្អូនអាចប្រឈមនឹងរឿងលំបាកជាមួយព្រះយេស៊ូវគ្រីស្ទ ឬបងប្អូនអាចប្រឈមនឹងវាតែម្នាក់ឯង ។ ខ្ញុំប្រាកដថា នៅពេលបងប្អូនប្រឈមនឹងរឿងលំបាកជាមួយព្រះយេស៊ូវគ្រីស្ទ នោះការលំបាកក្លាយជាបរិសុទ្ធ— រដូវកាលដ៏បរិសុទ្ធ ទីកន្លែងដ៏បរិសុទ្ធ ស្ដ្រីដ៏បរិសុទ្ធ ។

ថ្មីៗនេះ ខ្ញុំស្ដាប់ឮកុមារច្រៀងទំនុកបទទាំងនេះ ៖

I need more Jesus. … ( ខ្ញុំ​ត្រូវការ​ព្រះយេស៊ូវ​ថែម​ទៀត )
A little more light ( ពន្លឺ​ថែម​បន្តិច​ទៀត )
A little more love ( សេចក្តី​ស្រឡាញ់​ថែម​បន្តិច​ទៀត )
A little more hope. ( សេចក្តី​សង្ឃឹម​ថែម​បន្តិច​ទៀត )
I need more Jesus. ( ខ្ញុំ​ត្រូវការ​ព្រះយេស៊ូវ​ថែម​ទៀត ) ។

បងប្អូនស្រី យើងត្រូវការព្រះយេស៊ូវគ្រីស្ទថែមទៀត ។ ពន្លឺ សេចក្តីស្រឡាញ់ សេចក្តីសង្ឃឹមរបស់ទ្រង់ និងព្រះចេស្ដាព្យាបាល និងភាពរឹងមាំរបស់ទ្រង់ ។

ស្ត្រីដ៏បរិសុទ្ធផ្តោតចិត្តខ្លួនទៅលើព្រះយេស៊ូវគ្រីស្ទ ។ យើង « និយាយអំពីព្រះគ្រីស្ទ [ យើង ] អររីករាយក្នុងព្រះគ្រីស្ទ [ យើង ] ទទួលទានព្រះបន្ទូលរបស់ព្រះគ្រីស្ទ និងឈានទៅមុខដោយខ្ជាប់ខ្ជួននៅក្នុងព្រះគ្រីស្ទ » ។ សេចក្តីសប្បុរស ដែលជាសេចក្ដីស្រឡាញ់ដ៏សុទ្ធសាធនៃព្រះគ្រីស្ទ មិនដែលធ្វើឲ្យយើងអស់សង្ឃឹមឡើយ ។

ប្រសិនបើក្នុងឱកាសណាមួយ បងប្អូនមិនមានអារម្មណ៍ថាប្រឈមមុខនឹងបទពិសោធន៍ជីវិតរមែងស្លាប់របស់បងប្អូនទេ សូមពិចារណាដំបូន្មាននេះមកពីអែលឌើរ នែល អេ ម៉ាក់ស្វែល ៖ « នៅពេល ទោះបីតែមួយភ្លែតក្ដី ពេលពួកយើងផ្ទាល់មិនត្រូវបានគេឆ្កាងនៅលើឈើឆ្កាងជាក់លាក់ទេ នោះយើងគួរតែជួយដល់នរណាម្នាក់ទៀត ដែលកំពុងជួបនឹងការសាកល្បង—ពោរពេញទៅដោយការអាណិតអាសូរ និងធ្វើឲ្យមានភាពស្រស់ស្រាយខាងវិញ្ញាណ » ។

នោះគឺជាកិច្ចការរបស់ស្ត្រីបរិសុទ្ធ ។

ខ្ញុំសូមថ្លែងទីបន្ទាល់ថា ព្រះយេស៊ូវគ្រីស្ទគឺជាព្រះប្រោសលោះរបស់យើង និងជាជាងសំរងដែលចាំឃ្លាំមើលយើងដោយសេចក្ដីស្រឡាញ់ ។ នៅពេលយើងទុកចិត្តលើទ្រង់នៅក្នុងភ្នក់ភ្លើងនៃសេចក្ដីវេទនា នោះគ្រាដ៏លំបាកក្លាយជារដូវដ៏បរិសុទ្ធ ហើយយើងក្លាយជាស្ដ្រីដ៏បរិសុទ្ធ ។ ខ្ញុំស្រឡាញ់បងប្អូន ។ ខ្ញុំដឹងយ៉ាងប្រាកដថា បងប្អូនគឺជាបុត្រីនៃព្រះវរបិតាមាតាសួគ៌ជាទីស្រឡាញ់ ហើយថាខ្ញុំដឹង ជាក់ច្បាស់ថាបងប្អូនអាចទុកចិត្តលើព្រះយេស៊ូវគ្រីស្ទបាន ។

នៅក្នុងព្រះនាមនៃព្រះយេស៊ូវគ្រីស្ទ អាម៉ែន ៕