ʻAi ke ke ʻIloʻi Kimautolu
ʻOku ʻi ai ha tefitoʻi fatongia ʻo Sīsū Kalaisi ʻi heʻemau tuí pea mo ʻemau moʻuí. Ko homau misioná ke fakaafeʻi ʻa e fānau kotoa ʻa e ʻOtuá ke muimui ʻia Sīsū pea aʻusia ʻa e fiefia ʻoku malava ke maʻu koeʻuhí ko Ia.
Ko e Meʻa ʻOku Mau Tui Ki Aí
Maʻu ha mahino ki he ʻuhinga ʻo e hoko ko ha fānau ʻa e ʻOtuá mo ako ke fakatokangaʻi ʻEne tataki ʻi hoʻo moʻuí.
Ako mei he moʻui mo e ngaahi akonaki ʻa e Fakamoʻuí pea aʻusia ʻa e fiefia ʻo e muimui kiate Iá.
ʻIloʻi ho tuʻunga malava fakalangí mo e palani ʻo e fiefia ʻa e ʻOtuá maʻaú.
Aʻusia ʻa e founga ʻe lava ke ʻuhingamālie ange ai hoʻo moʻuí ʻi he ʻofa mo e tokoni ki he niʻihi kehé ʻo hangē ko ia naʻe fai ʻe Sīsuú.
Vakaiʻi ʻa e ngaahi tohi folofola toputapu te ne lava ʻo ʻomi koe ke ke ofi ange kia Sīsū Kalaisí.
ʻIloʻi ʻa e founga te ke lava ai ʻo fakamālohia ʻa e ngaahi vā fetuʻutaki ʻoku mataʻikoloa ʻakí, ʻi he taimí ni pea moe hili ʻa e maté fakatouʻosi.
Fekumi ki he tokoni ʻa e Fakamoʻuí ʻi he ngaahi taimi faingataʻá, pea fakafehokotaki ki he ngaahi maʻuʻanga tokoni ke poupouʻi koe ʻi he ngaahi faingataʻa ʻo e moʻuí.
Maʻu ha ueʻi fakalaumālie mei he ngaahi lea ʻa e kau palōfita kuo ui ʻe he ʻOtuá ke hoko ko ha kau talafekau maʻa hotau kuongá.
ʻIloʻi ʻa e founga naʻe fokotuʻu ai ʻe Kalaisi Hono Siasí mo e founga ʻokú Ne tataki hono Fakafoki Mai ʻo e Siasí he ʻaho ní.
Ako fekauʻaki mo e ngaahi palōmesi toputapu ʻoku tau fai ʻi he ngaahi temipale māʻoniʻoni ʻo e ʻOtuá ke fakafehokotaki kitautolu ki hotau ngaahi fāmilí pea ki he ʻOtuá
Maʻu ha mālohi ʻi hoʻo hanga ki he ʻOtuá, Hono ʻAlo ko Sīsū Kalaisí, pea mo e Laumālie Māʻoniʻoní ki he moʻoní.
Maʻu ha mahino ki he palani taʻengata ʻa e ʻOtuá maʻau mo e founga te ke lava ai ʻo fakataha mo ho fāmilí ʻo taʻengatá koeʻuhí ko Sīsū Kalaisi.
Ko Hai Kimautolu
Fokotuʻu ʻi he 1830
Naʻe fokotuʻu ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi he 1830 ʻi Feieti, Niu ʻIoke, pea hoko ʻa Siosefa Sāmita ko e fuofua Palesiteni ʻo e Siasí.
Ko ha Kolo Fakaemāmani Lahi
Kuo tupulaki ʻa e Siasí mei he kamataʻanga fakatōkilaló ʻo hoko ko ha kolo fakaemāmani lahi ʻo ha kakai tui ʻe toko 17 miliona kuo nau faaitaha ʻi he muimui kia Sīsū Kalaisí.
Tataki ʻe he Fakahā
Ko ha konga kimautolu ʻo e Siasi ʻo Sīsū Kalaisi kuo fakafoki maí, ʻoku tataki ʻe he Fakamoʻuí ʻo fakafou ʻi Heʻene palōfita kuo ueʻi fakalangí.
Ngaahi Fehuʻi Angamahení
Ko ha kau Kalisitiane nai ʻa e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní?
Ko ha kau Kalisitiane nai ʻa e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní?
ʻIo! ʻOku mau tui ko Sīsū Kalaisí ko e ʻAlo Ia ʻo e ʻOtuá pea mo e Fakamoʻui ʻo e māmaní, pea ʻoku mau fāifeinga ke muimui kiate Ia. Hangē ko e ngaahi siasi faka-Kalisitiane lahi, ʻoku kehe ha ngaahi meʻa pau ʻi heʻemau tuí mei homau ngaahi kaungāʻapí. Ka ko ha kau muimui mateaki kimautolu ʻo Kalaisi mo ʻEne ngaahi akonakí. ʻOku tokoni ʻa e ngaahi konga makehe mo fakaʻofoʻofa ʻo ʻemau tui fakalotú ke fakaloloto ʻa e mahino ʻoku mau maʻu kia Sīsū mo ʻEne ongoongoleleí.
ʻOku mou tui nai ki he Tohi Tapú?
ʻOku mou tui nai ki he Tohi Tapú?
ʻIo! ʻOku mau tui ko e Tohi Tapú ko e folofola ia ʻa e ʻOtuá. ʻOku mau ako maʻu pē ia ʻi homau ngaahi ʻapí pea ʻi he lotú, pea ʻoku mau feinga ke moʻui ʻaki hono ngaahi akonakí. ʻOku mau tui ʻoku ngāue fakataha ʻa e Fuakava Motuʻá mo e Fuakava Foʻoú mo e Tohi ʻa Molomoná, ʻa ia ko ha fakamoʻoni ʻe taha ʻo Sīsū Kalaisí, ke hoko ko ha fakamoʻoni ʻo Sīsū pea ʻomi ha mahino kakato ange ki he palani ʻa e ʻOtuá.
Ko e hā ʻa e meʻa ʻoku fai ʻi he ngaahi temipalé?
Ko e hā ʻa e meʻa ʻoku fai ʻi he ngaahi temipalé?
ʻOku kehe ʻa e ngaahi temipalé ia mei homau ngaahi falelotu fakaʻaho ʻoku fai ai ʻemau ngaahi lotu ʻi he Sāpaté. Ko homau feituʻu māʻoniʻoni tahá ia, kuo tuku mavahe maʻá e ngāue toputapu taha ʻa e ʻOtuá. ʻOku ʻākilotoa ʻa e ngaahi meʻa ʻoku mau fai ʻi he temipalé ʻe he talaʻofa ko ia te tau lava ʻo nofo mo e ʻOtuá mo homau ngaahi ʻofaʻangá ki he taʻengatá. ʻOku mau tukupā kakato ange ʻi he temipalé ke muimui kia Sīsū Kalaisi. ʻOku tau fai ha ngaahi palōmesi ki he ʻOtuá, hangē ko e palōmesi ke tauhi ʻEne ngaahi fekaú mo fakatapui kitautolu mo e meʻa kotoa ʻoku tau maʻú kiate Ia. ʻOku fakatahaʻi ʻa e husepānití mo e uaifí pea mo e mātuʻá pea mo e fānaú, pe “silaʻi” kinautolu ki he taʻengatá. Pea ʻoku mau fai ʻa e ngāue tatau ki heʻemau ngaahi kuí, ʻo ʻoange ʻa e faingamālie ke nau tali ʻa e ngaahi tāpuaki ko iá ʻi he moʻui ka hokó ʻo kapau te nau fili ki ai.
ʻE talitali lelei nai ha taha hangē ko aú ʻi he lotú?
ʻE talitali lelei nai ha taha hangē ko aú ʻi he lotú?
ʻIo! ʻOku mau tui ko e fānau kotoa kitautolu ʻa e ʻOtuá pea ʻoku ʻatā ʻEne ngaahi tāpuaki kuo talaʻofa maí kiate kitautolu kotoa ʻi heʻetau feinga ke muimui ki Heʻene folofolá, ʻo tatau ai pē pe ko e hā hotau ʻulungāngá pe ko hotau kuohilí. Ko e Siasí ko ha feituʻu ia ke ako mo tupulaki ai ʻa e tokotaha kotoa pē. Mahalo te ke maʻu ha fakakaukau pau ʻoku ʻikai ke ke ongoʻi ʻoku totonu ke ke ʻi ai, ka ko hono moʻoní ʻoku omi homau kāingalotú mei he ngaahi puipuituʻa mo e ngaahi meʻa kehekehe ʻoku nau mahuʻingaʻia ai. Haʻu ʻo ʻaʻahi mai, pea mahalo te ke ʻohovale ʻi he tokotaha ʻe tangutu ʻi he sea ʻi ho tafaʻakí.
Moihū mo Kimautolu
Te tau lava kotoa ʻo hoko ko ha kakai lelei ange ʻo fakafou ʻia Sīsū ʻi heʻetau ako mo ngāue tokoni fakataha ʻi Hono Siasí. Haʻu ʻo mamata ki he ʻuhinga ʻoku mau makehe aí ʻaki haʻo moihū fakataha mo kimautolu ʻi he Sāpate ka hoko maí.