ʻE Lava ke Fakataha ʻa e Ngaahi Fāmilí ʻo Taʻengata

ʻE lava ke tolonga atu ʻa e ngaahi haʻi fakafāmili ʻokú ke faʻu ʻi he moʻui ko ʻení ʻo ope atu ʻi he maté. ʻI hono fakamālohia ho vā fetuʻutaki mo e ʻOtuá ʻe lava ke toe mālohi ange ai e ngaahi vā fetuʻutaki mo ho fāmilí.
ʻI he peesi ko ʻení
A family enjoys their time together as they walk down a sidewalk.

Ko e Fāmilí ʻa e Uho ʻo e Palani ʻa e ʻOtuá

ʻI he hoko ʻa e ʻOtuá ko hoʻo Tamai Hēvani ʻofá, ʻokú Ne finangalo ke ke ako mo tupulaki ʻi he moʻuí. ʻOku fakahoko ʻe he ngaahi fāmilí ha fatongia mahuʻinga ʻi he tupulaki ko iá. ʻOku mau tui:
  • Ko e ngaahi fāmilí ko ha konga mahuʻinga ia ʻo ha sosaieti mālohi.
  • ʻE lava ke hoko ʻa ʻapi ko ha feituʻu ʻoku tau ongoʻi ai ʻa e poupoú, malú, mo e ʻofá.
  • ʻOku tokoni ʻa e fakafehokotaki mo e ʻOtuá ke faʻu ha ngaahi fāmili mālohi ʻa ia ʻoku feau ai e ngaahi fiemaʻu fakalaumālié, fakaelotó, mo e fakatuʻasinó.
A mother bakes cookies with her three children in the kitchen.

Te ke Lava ʻo Nofo mo Ho Fāmilí ʻo Taʻengata

Kapau ko ho fāmilí ko ha maʻuʻanga tokoni lelei ia ʻo e ʻofá mo e fiefiá ʻi hoʻo moʻuí, mahalo ʻe faingataʻa ke ke fakakaukauloto ki ha hēvani ʻoku ʻikai kau ai ʻa e ngaahi vā fetuʻutaki mo e kakai ko iá. Ko e konga ʻo e ongoongo fakafiefia ʻo e ongoongolelei ʻo Sīsū Kalaisí ko e lava ke fakataha ʻa e ngaahi fāmilí ʻo taʻengatá.

Naʻe foaki ʻe Sīsū ʻi he Tohi Tapú ki he kau ʻAposetolo ʻe Toko Hongofulu Mā Uá ʻa e mafai ʻo e lakanga fakataulaʻeikí, mo palōmesi “Ko e meʻa ko ia te mou nonoʻo ʻi māmaní, ʻe nonoʻo ia ʻi he langí” (Mātiu 18:18). ʻOku hanga ʻe he mafai tatau pē ko ia mei he ʻOtuá ʻo fakatahaʻi—pe silaʻi—ʻa e ngaahi husepānití mo e uaifí mo e mātuʻá pea mo e fānaú ʻo taʻengata.

Family life in Hong Kong. Images include: Family at ocean, laughing together, reading, praying, playing games etc.
ʻOku fakahoko ʻa e ngaahi ouau ʻo e malí ʻi he ngaahi temipalé ʻaki ʻa e mafai tatau pē ko ʻení mo e talaʻofa ko e mali ʻa kinautolu ʻoku faivelenga ki he ʻOtuá pea ʻiate kinautolú, ʻe lava ke tolonga ia ki he taʻengatá kae ʻikai ngata ʻi he maté.

ʻOku mau fakahoko ʻa e ngaahi ouau sila tatau ko ʻení maʻa ʻemau ngaahi kuí, ʻa ia ʻoku mau tui te nau lava ʻo fili ke tali pe fakasītuʻaʻi ʻa e ngaahi silá.

ʻE lava ke faingataʻa e ngaahi vā mo e tūkunga fakafāmilí, pea ʻoku ʻikai ke mau ʻiloʻi pau e founga ʻo e ngāue ʻa e meʻa kotoa pē ʻi he moʻui ka hokó. Ka ʻoku mau tui ki he poto mo e ʻofa haohaoa ʻa e ʻOtuá, pea ʻoku mau tui ʻe hoko ʻa hēvani ko ha feituʻu ʻo e fiefia taʻehanotatau.

Te Ke Lava ʻo Maʻu ha Tokoni ke Fakamālohia Ho Fāmilí

Julie Hillyard On Family
Suli Hiliati ʻi he ngaahi vā fetuʻutaki fakafāmilí
Ko Hono Maʻu ʻo e Fiefiá ʻi ha Fāmili ʻOku Fōtunga Kehe
ʻOku meimei ke toki aʻusia pē ʻa e ngaahi vā fetuʻutaki fakafāmili ʻofá ʻi he taimi kuo fakavaʻe ai ia ʻi he ngaahi tefitoʻi moʻoni naʻe akoʻi ʻe Sīsū Kalaisí, ʻo hangē ko e:
  • ʻOfa Faka-Kalaisí
  • Faʻa fakamolemolé
  • Faitotonú
  • Houngaʻia
  • Lotu
  • Moihū fakataha
ʻI he ʻunu homou fāmilí ke ofi ange ki he ʻOtuá ʻo fakafou ʻi he ngaahi tōʻonga moʻui ko ʻení, te mou toe ongoʻi vāofi ange ai.

Koeʻuhí ʻoku mau tui ʻoku matuʻaki mahuʻinga e ngaahi fāmilí ʻi he moʻuí ni mo e moʻui ka hokó, ʻoku ngāue mālohi ai e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke poupouʻi ʻa e ngaahi vā fetuʻutaki fakafāmili leleí. Ko ha ngaahi founga ʻeni ʻe niʻihi te ke lava ai ʻo maʻu ha tokoni ki ho fāmilí.

Ngaahi Maʻuʻanga Tokoni ʻa e Siasí maʻá e Ngaahi Fāmilí

ʻOku ʻoatu ʻe he Siasí ha ngaahi maʻuʻanga tokoni maʻá e fakafoʻituituí mo e ngaahi fāmilí ke nau fakaʻaongaʻi lolotonga ʻenau ako e ongoongolelei ʻo Sīsū Kalaisí. ʻOku ʻoatu ʻe he ngaahi maʻuʻanga tokoni fakaako ko ʻení ha ngaahi faingamālie ke ke fakaʻaongaʻi ai ʻa e meʻa ʻokú ke akó mo fakatupulaki hoʻo tuí. ʻOku fakamamafaʻi ʻa e ngaahi tefitoʻi moʻoní ʻi he uike takitaha ʻi he lotú.

Maʻu ʻa e ngaahi palani akó, ʻoku ui ko e Haʻu, ʻo Muimui ʻIate Au.
ʻOku tokoni e ngaahi polokalama ʻa e Siasí maʻá e toʻu tupú ki he mātuʻá ʻi hono akoʻi e ngaahi tuʻunga ʻulungaanga faka-Kalaisí ki heʻenau fānaú, pea ʻoku nau fakaʻatā e toʻu tupú ke nau fakafehokotaki mo e niʻihi kehe ʻoku nau maʻu ʻa e ngaahi tuʻunga ʻulungaanga tataú. ʻOku kau ʻi he ngaahi faingamālie maʻá e toʻu tupú ʻa e:
  • Ngaahi kalasi fakalotú
  • Ngaahi ʻekitivitī fakakulupu fakauike ʻa e toʻu tupú
  • Ngaahi ngāue tokoní
  • ʻŪ Hulohulá
  • ʻŪ kemi faʻahitaʻu māfaná
  • Ngaahi Konifelenisí
Ko e efiafi ʻi ʻapí ko ha tukufakaholo ia ʻoku poupouʻi ai ʻa e ngaahi fāmilí ke nau fakatapui ha pō ʻe taha ʻi he uiké ke nau feohi fakataha ai. ʻE lava ke hoko ʻeni ko ha taimi ako ʻo e ongoongoleleí, fakahoko ʻo ha ngaahi vaʻinga, fiefia ʻi ha maʻu meʻatokoni, mo kau atu ki ha ngaahi ʻekitivitī kehe ʻoku nau tanumaki e uouangatahá. Ko e hā pē meʻa ʻe lelei taha ki ho fāmilí ʻoku lelei ia! Ko e meʻa mahuʻingá ke fakamuʻomuʻa e taimi mahuʻinga mo e fāmilí. ʻE lava foki ke hoko ʻeni ko ha taimi ke fakatahataha mai mo e ngaahi kaungāmeʻá, kaungāʻapí, mo e kāingalotu ʻi hoʻomou haʻofanga lotú.
ʻOku vahe ʻa e kāingalotu ʻo e Siasí ke nau ngāue fakaetauhi ki ha niʻihi tokosiʻi ʻi honau ngaahi haʻofanga lotú. ʻI heʻemau ngāue fakaetauhi ki he niʻihi kehé, ʻoku mau feinga ke tokoniʻi kinautolu ʻo hangē ko ia naʻe mei fai ʻe he Fakamoʻuí. ʻOku fakapapauʻi heni ko e kāingalotu kotoa pē ʻi he haʻofanga lotú, ʻoku tokangaʻi kinautolu ʻe ha taha pea ko ha taha ia te nau lava ʻo kole tokoni ki ai kapau ʻoku nau fiemaʻu ha meʻa. Hangē ko ʻení, ʻe lava ke tokoni ha tangata pe fefine ngāue fakaetauhi ki hono ʻave ha taha ki he lotú, fokotuʻutuʻu ha meʻatokoni he ngaaahi houa kaí ke ʻave ki ha fāmili mo ha pēpē foʻou, pe ko ha fofonga fakakaumeʻa pē ʻi he ngaahi sea falelotú.
Kapau ʻoku faingataʻaʻia ʻa e ngaahi fāmilí pe fakafoʻituituí ke tokonaki ʻenau ngaahi fiemaʻú, ʻe lava ke tokoni ʻa e polokalama uelofea ʻa e Siasí ʻi he ngaahi maʻuʻanga tokoni hangē ko e meʻakaí. ʻE lava ke tokoni e tafakaʻaki ngāue ʻa e Siasí ki he kakaí ʻi hono kumi ha ngāue foʻou pe fakaleleiʻi e ngaahi taukei kumi ngāué. ʻOku mau ʻoatu ha ngaahi kalasi ʻoku fakalele ʻe he Siasí, ʻa ia ʻoku ʻatā ki he taha kotoa, ʻi he meʻa fakapaʻanga fakatāutahá, ivi matuʻuaki fakaelotó, mo hono kamataʻi ʻo ha pisinisí.
Ko e tokotaha fakafoʻituitui kotoa pē ko ha konga ia ʻo e fāmili ʻo ʻetau ongomātuʻa fakalangí. ʻOku ʻikai ko e tokotaha kotoa pē ʻoku ʻalu ki he lotú ʻokú ne nofo fakataha mo ha fāmili, ka ʻe lava ke maʻu ʻe he tokotaha kotoa pē ha tokoni fakalaumālie mo ha kolo ʻi he lotú. ʻE lava ke fili ʻe he kau taautaha lalahí ke moihū ʻi ha fakatahaʻanga ʻoku kau ai ʻa e ngaahi fāmilí mo e fānaú—pe, ʻi ha ngaahi feituʻu ʻe niʻihi ʻo e māmaní, te nau lava ʻo maʻulotu ʻi ha haʻofanga lotu pē maʻá e kau taautaha lalahi ʻi honau toʻú. ʻE lava ke ʻomi ʻe he ʻalu ki he ngaahi kalasi fakalotú mo e ngaahi ʻekitivitī fakasōsiale ʻoku fakapatonu ki he kau taautaha lalahí ha ngaahi faingamālie makehe ki he feohi fakakaungāmeʻá mo e fakalakalaka fakalaumālié.

Tau Talanoa Ki He Fāmilí

ʻE lava ke tokoniʻi koe ʻe he Siasí ke fakamālohia ho fāmilí mo paotoloaki e ngaahi vā fetuʻutaki mahuʻingá ki ʻitāniti. Te ke lava ʻo ako lahi ange ʻaki haʻo talanoa ki he kau faifekaú fakahangatonu pe ʻi he ʻinitanetí.
A young woman is outdoors and smiling. She is looking towards the camera. She is at Antelope Island State Park in Utah.

ʻOku ʻAfioʻi mo ʻOfeina Koe ʻe he ʻOtuá

ʻOku ʻofa ʻa e ʻOtuá ʻi Heʻene fānaú kotoa—ʻa ia ko hono ʻuhingá ʻoku ʻofa ʻa e ʻOtuá ʻiate koe. Te ke lava ʻo ʻunu ke ofi ange ki hoʻo Tamai Hēvaní ʻo fakafou ʻi he lotú pea ako ke ʻiloʻi ʻEne tataki angaʻofá ʻi hoʻo moʻuí.

Ko Sīsū Kalaisi Hoʻo Fakamoʻuí

Ko Sīsū Kalaisi ʻa e ʻAlo ʻo e ʻOtuá—ko hoʻo Fakamoʻuí mo e Huhuʻí, naʻe fekauʻi mai ke fakahaofi kotoa kitautolu. Koeʻuhí ko Ia, te ke lava ʻo maʻu ʻa e fiefia ʻi hono ʻiloʻi te ke lava ʻo nofo mo e ʻOtuá mo kinautolu ʻokú ke ʻofa aí ʻo taʻengata.

Meʻa ke ʻAmanaki ki ai ʻi he Lotú

Ko homau Siasí ko ha feituʻu ia te ke lava ʻo fakataha mai mo e kakai tui kehé ke fakakaukauloto, moihū, ako, pea hoko ko ha tokotaha lelei ange.