ʻOku ʻAfioʻi mo ʻOfeina Koe ʻe he ʻOtuá

ʻOku ʻofa ʻa e ʻOtuá ʻi Heʻene fānaú kotoa—ʻa ia ko hono ʻuhingá ʻoku ʻofa ʻa e ʻOtuá ʻiate koe. Te ke lava ʻo ʻunu ke ofi ange ki hoʻo Tamai Hēvaní ʻo fakafou ʻi he lotú pea ako ke ʻiloʻi ʻEne tataki angaʻofá ʻi hoʻo moʻuí.
ʻI he peesi ko ʻení

Ko e Fānau Koe ʻa e ʻOtuá

Ko e taha ʻo e ngaahi moʻoni maʻongoʻonga taha ʻi he Tohi Tapú ko kitautolu kotoa ko e “hako ʻo e ʻOtuá” (Ngāue 17:29), ne fakatupu ʻi Hono ʻīmisí. ʻI hoʻo hoko ko e fānau ʻa e ʻOtuá, ʻokú ke maʻu ha ivi malava mo ha mahuʻinga taʻefakangatangata.

ʻOku ʻAfioʻi Fakataautaha Koe ʻe he ʻOtuá

Naʻe akoʻi ʻe Sīsū Kalaisi ʻoku ʻafioʻi kitautolu ʻe he ʻOtuá. ʻOkú Ne ʻafioʻi ʻa e taimi kotoa pē ʻoku tō ai ha kiʻi manupuna ki he kelekelé, pea ʻoku tau “mahuʻinga lahi [hake] ʻi he fanga hikiʻi manu lahi” kiate Ia (Mātiu 10:29–31). ʻOku ʻikai te ke teitei tuenoa ʻi he faingataʻa kotoa pē ʻokú ke fehangahangai mo iá. ʻOku ʻafioʻi lelei koe ʻe he ʻOtuá mo ʻafioʻi ʻa e meʻa ʻokú ke fiemaʻu ke tokoniʻi koe ke ke ikunaʻi ho ngaahi faingataʻaʻiá mo ongoʻi ʻEne ʻofá.

Te ke Lava ʻo Fakataufolofola ki he ʻOtuá ʻo Fakafou ʻi he Lotú

A family in Brazil doing various activities including: walking, talking, reading, studying, hugging, visiting with each other, playing games, taking selfie photos, playing with a baby, praying etc.

ʻOku Fakafanongo ʻa e ʻOtuá ʻo hangē ha Tamai ʻOfá

Hangē ko e finangalo ʻo ʻetau Tamai Hēvaní, ʻoku finangalo ʻa e ʻOtuá ke fanongo meiate kitautolu. ʻOkú Ne vēkeveke ke ʻoatu ha fakahinohino, pea te ke lava ʻo talanoa mo Ia ʻi he lotu.

ʻOku Finagalo e ʻOtuá ke Fetalanoaʻaki

ʻOku mahulu hake ʻa e lotú ʻi ha tōʻonga pē pe ko ha founga ke fakahā ai ki he langí ʻa e meʻa ʻoku tau fiemaʻú—ka ko ha fepōtalanoaʻaki. Te ke lava ʻo talanoa ki he ʻOtuá fekauʻaki mo e ngaahi meʻa ʻokú ke houngaʻia aí, ko hoʻo ngaahi ʻamanakí mo e fakaʻānauá, ngaahi meʻa ʻokú ke hohaʻa ki aí, mo e ngaahi meʻa ʻokú ke fiemaʻú.

ʻOku Fanongoa pea Tali ʻe he ʻOtuá

ʻOku fanongo mai e ʻOtuá mo tali ʻetau ngaahi lotú. ʻE hoko mai maʻu pē ʻa e ngaahi tali ki he lotú, neongo kapau ʻe kiʻi fuofuoloa pe ʻikai maʻu ʻa e ngaahi tali naʻa tau ʻamanaki pe fakaʻamu ki aí. Te tau lava ʻo fakamolū hotau lotó ke tali Hono finangalo maʻatautolú. ʻE lava ke maʻu e ngaahi tali ki he lotú ʻi ha ngaahi founga kehekehe, kau ai ʻa e ngaahi fakakaukaú mo e ngaahi ongó, ko e ngaahi tōʻonga ʻa ha taha ʻokú mo feohi, pe ko ha potufolofola ʻoku ongo ki ho lotó.
ʻOku fakamoʻoni ʻe he Laumālie pē ko iá mo hotau laumālié, ko e fānau kitautolu ʻa e ʻOtuá.

Faingataʻa ke Ongoʻi e ʻOfa ʻa e ʻOtuá?

Kapau ʻokú ke fefaʻuhi mo e ngaahi veiveiuá pe ongoʻi mamaʻo mei he ʻOtuá, te ke lava ʻo ako ke ʻiloʻi lelei ange ʻEne kau ʻi hoʻo moʻuí:
  • Tuku ha taimi ʻi he ʻaho takitaha ke ke tokanga taha ai ki he ngaahi meʻa ʻokú ne tohoakiʻi ʻetau tokangá pea fetuʻutaki mo e ʻOtuá.
  • Lotu maʻu pē. Lotu ke ke ongoʻi ʻEne ʻofá!
  • Ako e folofola ʻa e ʻOtuá ʻi he ngaahi folofolá.
  • Tauhi ha tohinoa ke lekooti ai e ngaahi tāpuakí mo e ngaahi ongo fakalaumālié.
  • Talanoa mo ha ngaahi kaungāmeʻa falalaʻanga mo e fāmilí fekauʻaki mo e founga ʻoku nau ongoʻi ai e ʻofa ʻa e ʻOtuá.
  • Akoako ʻa e ʻofa faka-Kalaisí ʻo fakafou ʻi he ngāue tokoní mo e fakamolemolé.

Fakamālohia Hoʻo Tui ki he ʻOtuá

ʻE lava ke tokoniʻi koe ʻe he tuí ke ke maʻu ʻa e melinó mo e mālohí ʻi he ngaahi taimi faingataʻá. ʻE lava ke tokoni atu ʻa e kau faifekaú ke fakatupulaki hoʻo tui ki he ʻOtuá mo fakatupulaki ha vā fetuʻutaki vāofi ange mo Ia.