ʻOku ʻi ai ha Taumuʻa mo e ʻUhinga Hoʻo Moʻuí

Naʻe ʻikai hoko noa pē ʻa e moʻui ʻi he māmaní. Ko e fānau koe ʻa e ʻOtuá pea ʻokú ke ʻi hení ko ha konga ʻo ʻEne palani ʻo e fiefiá.
ʻI he peesi ko ʻení
Find Answers Through Jesus
Ko e Hā Hoku Fatongia ʻi he Palani Lahí?

ʻOku ʻi ai e ʻUhinga Hoʻo ʻi Hení

Kuó ke fifili nai ki he ʻuhinga ʻokú ke ʻi heni aí?

ʻOku mau tui ko e taha kotoa pē ʻo kitautolu naʻe moʻui ia kimuʻa ʻi hono faʻu ʻo e māmaní pea naʻa tau nofo mo e ʻOtuá ko ʻEne fānau ʻi he fōtunga ʻo e laumālie. Naʻe fekauʻi mai kitautolu takitaha ʻe heʻetau Tamai Hēvaní ki hení kae lava ke tau maʻu ha sino, ako, mo tupulaki ke hoko ʻo hangē ange ko Iá. ʻI heʻetau muimui ki he palani ʻa e ʻOtuá, te tau lava ʻo foki ʻo nofo ʻi Hono ʻaó.

Kapau kuó ke ongoʻi ʻoku ʻi ai haʻo taumuʻa lahi ange ʻi he moʻuí ʻataʻatā pē, ʻokú ke moʻoni. Te ke lava ʻo ʻilo hoʻo taumuʻá ʻi hoʻo tafoki ki he ʻOtuá.
A mother stands and comforts her son in their home

ʻOku Finangalo ʻa e ʻOtuá Ke Ke Fiefia

ʻOku talaʻofa mai ʻe he ongoongolelei ʻo Sīsū Kalaisí ʻa e melinó, mālohí, mo e fiefiá kiate kinautolu ʻoku nau muimui ki he ngaahi fekau ʻa e ʻOtuá pea ʻoku papitaiso kinautolu ki he Siasi ʻo Kalaisí.
Naʻe hinga ʻa ʻĀtamá koeʻuhi ke ʻi ai ʻa e faʻahinga ʻo e tangatá; pea ʻoku ʻi ai ʻa e faʻahinga ʻo e tangatá koeʻuhi ke nau maʻu ʻa e fiefiá.
Ka ʻe lava fēfē ke hoko ʻa e fiefiá ko ʻetau taumuʻá ʻi he fonu faingataʻa lahi ʻa e moʻuí? Ko Sīsū Kalaisi ʻa e talí.

Te tau lava ʻo maʻu ʻa e fiemālié ʻi heʻetau mamahí pea fakamālohia kitautolu ʻi he ngaahi faingataʻá ʻo fakafou ʻia Sīsū Kalaisi. Te tau lava ʻo ongoʻi houngaʻia ʻi he ngaahi meʻa fakaʻofoʻofa lahi ke tau fiefia ai ʻi he māmani ko ʻení Te tau lava ʻo fakaleleiʻi hotau ngaahi vā mo kinautolu ʻoku tau ʻofa aí ʻaki hono moʻui ʻaki e ngaahi tefitoʻi moʻoni naʻá Ne akoʻi ʻi he Tohi Tapú: angaʻofá, ngāue tokoní, faʻa fakamolemolé, mo e ʻofá.

ʻI hono ʻomi ʻo ha Fakamoʻuí, naʻe faʻu ai ʻe he ʻOtuá ha hala maʻá e kotoa ʻo ʻEne fānaú ke nau maʻu ʻa e fiefiá.
South Africa. Braai (or barbecue). Two women standing outside near a gate.

Ko e Moʻuí ko ha Taimi Ia ke Ako mo Tupulaki

ʻI hoʻo foua e ngaahi taimi faingataʻá, ʻe lava ke tokoni atu ia ke ke manatuʻi ko e palani ʻa e ʻOtuá maʻaú ʻoku ope atu ia ʻi he moʻui fakamatelié. ʻI hoʻo fai ho lelei tahá ke muimui kiate Iá, ʻe fakatonutonu e meʻa kotoa pē kuó ke aʻusiá ʻi ha ʻaho ʻo fakafou ʻia Sīsū Kalaisi. ʻOku palōmesi mai ʻa e Tohi Tapú “ʻe holoholo ʻe he ʻOtuá ʻa e loʻimata kotoa pē mei honau matá; pea ʻe ʻikai kei ai ha mate, pe ha ongosia, pe ha tangi, pea ʻe ʻikai kei ai ha mamahi” (Fakahā 21:4).
An elderly man stands outside in Brazil while his wife kisses his cheek.
ʻOku kau ʻi he moʻuí e ngaahi aʻusia fakamamahí koeʻuhí ʻi he palani ʻa e ʻOtuá, ʻe lava ke hoko e ngaahi faingataʻa ʻoku tau fehangahangai mo iá ʻo ʻaonga kiate kitautolu mo tau tupulaki ai. ʻE lava ke tokoniʻi kitautolu ʻe he ngaahi faingataʻá ni ke tau maʻu e ngaahi ʻulungaanga hangē ko e:
  • Mālohí. Hangē ko e lava ke fakamālohia fakatuʻasino kitautolu ʻe he fakamālohisinó, ʻe lava ʻe he fakafepaki ʻoku tau fehangahangai mo ia ʻi he kotoa ʻo ʻetau moʻuí ʻo fakamālohia fakalaumālie, fakaʻatamai, mo fakaeloto kitautolu. ʻE lava ke tokoniʻi kitautolu ʻe he mālohi ko ʻení ke tau matuʻuaki e ngaahi faingataʻa ʻo e moʻuí.
  • Ko e Kaungāongoʻí. ʻI hoʻo foua e ngaahi faingataʻá, ʻoku tupulaki hoʻo kaungāongoʻí. Pea ʻi he taimi ʻokú ke fakaʻaongaʻi ai hoʻo aʻusiá ke tokoniʻi e niʻihi kehe ʻi he ngaahi tūkunga tataú, ʻokú ke tokoni ai ke fakahoko e ngāue ʻa e ʻOtuá ʻi he māmaní.
  • Faʻa-kātakí. ʻI he lahi e ngaahi meʻa ʻoku ʻikai ke tau lava ʻo mapuleʻí, ʻo kau ai e tōʻonga ʻa e niʻihi kehé, te tau lava ʻo “[tatali ki he ʻEikí]” (Saame 27:14). Te tau lava ʻo tui ʻe faifai pē pea ʻe fakaleleiʻi ha faʻahinga meʻa pē ʻoku tau faingataʻaʻia taʻetotonu ai, ʻo fakafou ʻia Sīsū Kalaisi.

Te ke Lava ʻo Liliu

Young women in Thailand pick berries off a bush. They are laughing and enjoying themselves.
Kuo ʻafioʻi maʻu pē ʻe he ʻOtuá te ke fai ha ngaahi fehalaaki pea te ke fiemaʻu tokoni ke ikunaʻi e mamahí mo e angahalá. Ko ha konga ia ʻo e palani ʻa e ʻOtuá, naʻá Ne ʻomi ha Fakamoʻui mo e Huhuʻi ko Sīsū Kalaisi, ke mamahi pea pekia maʻau pea mo e tokotaha kotoa pē kuo moʻuí. Koeʻuhí ko e feilaulau ʻa Sīsū Kalaisí, te ke lava ʻo maʻu ʻa e fakamolemolé mo e fakamoʻuí.

ʻI he tokoni ʻa e Fakamoʻuí, te ke lava ʻo ikunaʻi ʻa e angahalá, ngaahi vaivaí, tōʻonga moʻui ʻoku koví, mo e ngaahi maʻunimā kuó ne taʻofi koe ʻi he kuohilí. Te ke lava ʻo angaʻofa, faʻa fakamolemole, loto-fakatōkilalo, mo faʻa kātaki ange ʻi he tuʻunga naʻá ke ʻi ai kimuʻá. ʻI hoʻo hoko ʻo anga faka-Kalaisi angé, te ke maʻu ai ha holi lahi ange ke hokohoko atu ʻi he hala ke foki ai ʻo nofo mo e ʻOtuá.

Ako Lahi Ange fekauʻaki mo e Palani ʻa e ʻOtuá

ʻOku ʻi ai ha palani ʻa e ʻOtuá maʻau. Ako mo e kau faifekaú fekauʻaki mo e taumuʻa ʻo e moʻuí ʻi ha fetalanoaʻaki ʻi he ʻinitanetí pe talanoa tonu.
A young woman is outdoors and smiling. She is looking towards the camera. She is at Antelope Island State Park in Utah.

ʻOku ʻAfioʻi mo ʻOfeina Koe ʻe he ʻOtuá

ʻOku ʻofa ʻa e ʻOtuá ʻi Heʻene fānaú kotoa—ʻa ia ko hono ʻuhingá ʻoku ʻofa ʻa e ʻOtuá ʻiate koe. Te ke lava ʻo ʻunu ke ofi ange ki hoʻo Tamai Hēvaní ʻo fakafou ʻi he lotú pea ako ke ʻiloʻi ʻEne tataki angaʻofá ʻi hoʻo moʻuí.

Ko Sīsū Kalaisi Hoʻo Fakamoʻuí

Ko Sīsū Kalaisi ʻa e ʻAlo ʻo e ʻOtuá—ko hoʻo Fakamoʻuí mo e Huhuʻí, naʻe fekauʻi mai ke fakahaofi kotoa kitautolu. Koeʻuhí ko Ia, te ke lava ʻo maʻu ʻa e fiefia ʻi hono ʻiloʻi te ke lava ʻo nofo mo e ʻOtuá mo kinautolu ʻokú ke ʻofa aí ʻo taʻengata.
A family enjoys their time together as they walk down a sidewalk.

ʻE Lava ke Fakataha ʻa e Ngaahi Fāmilí ʻo Taʻengata

ʻE lava ke tolonga atu ʻa e ngaahi haʻi fakafāmili ʻokú ke faʻu ʻi he moʻui ko ʻení ʻo ope atu ʻi he maté. ʻI hono fakamālohia ho vā fetuʻutaki mo e ʻOtuá ʻe lava ke toe mālohi ange ai e ngaahi vā fetuʻutaki mo ho fāmilí.