Moʻui ke toe Ofi Ange ki he ʻOtuá. Talanoa mo e Kau Faifekaú.

Two young hispanic missionaries show a scripture to a hispanic man in his 20's, They are sitting on the couch. The room is blue and modern behind them.

Meʻa ke ʻAmanaki ki ai ʻi Hoʻo ʻAʻahí

ʻOku mau fiefia ke feʻiloaki mo kimoutolu mo tokoni atu ke mou ongoʻi ʻa e nonga mo e pau ʻi he moʻuí ʻoku maʻu mei hono moʻui ʻaki ʻa e ongoongolelei ʻo Sīsū Kalaisí. Ko e meʻa ʻeni ʻe ala hoko ʻi hoʻo ʻaʻahí:

Te tau feinga ke tau maheni.
Tau lotu fakataha.
Te tau ako ki he ongoongolelei ʻo Sīsū Kalaisí.
Te ma fakaafeʻi koe ke tau ʻalu ki he lotú.

Kole Ha ʻAʻahi

Maʻu ha fakafiemālie ʻi haʻo talanoa mo e kau faifekaú. Te mau lava ʻo lau folofola fakataha mo koe pea tokoniʻi koe ke ke maʻu ha nonga ʻi he lotú. Vahevahe hoʻo fakamatala fetuʻutakí mo e kau faifekau ʻi homou feituʻú ke fakataimi-tēpileʻi ha taimi ke fakataha ai ʻi he ʻinitanetí pe mata ki he mata.

* Hingoa ʻUluakí

* Hingoa Fakaʻosí

* Fonuá

* Tuʻasila ʻo e Halá

Toe Vakaiʻi Ho Tuʻasilá

Naʻe ʻikai ke mau lava ʻo fakapapauʻi ho tuʻasilá. Kātaki ʻo fakapapauʻi kimuʻa peá ke toki hoko atu.

Naʻe ʻikai ke mau lava ʻo fakapapauʻi ho tuʻasilá. Kātaki ʻo vakaiʻi pe ʻoku ʻi ai ha ngaahi fehalaaki he taipé pe feinga ke fakahū ia ʻi ha founga kehe.

Naʻá ke Fakahū:

Tuʻasila ʻoku Fokotuʻu Maí:

* Fika Telefoni Toʻotoʻó (ki hono fakataimi-tēpileʻí)

ʻOku fiemaʻu ʻa e fika telefoní.

ʻOku ʻikai tonu ʻa e fika telefoni ko ʻení.

Tuʻasila ʻĪmeilí

Lesisita ki he ngaahi ʻīmeili fakalaumālie fakauiké (Fili pē).

ʻOkú ke Fie Ako Lahi Ange?

Ko hai ʻa e ongo faifekaú?

Ko e kau faifekaú ko ha kau ngāue tokoni kuo nau tuku mavahe ʻenau moʻui angamahení ʻo aʻu ki ha taʻu ʻe ua ke tokoniʻi ʻa e niʻihi kehé ke nau ofi ange kia Sīsū Kalaisi. Kimuʻa pea nau ʻalu ʻo ngāue fakafaifekaú, naʻa nau ako, ngāue, kau ki ha ngaahi sipoti, manako ki he laukongá, manako ʻi he musiká mo e ngaahi meʻaleá, pea, kuó ke ʻosi maʻu pē ʻa e fakakaukaú. Hili ʻenau ngāué, te nau foki ki ʻapi ke fakaʻosi ʻenau akó, ngāué, faikaumeʻa pea mali, pea moʻui ʻi he tuʻunga angamahení.

ʻOku nau haʻu mei he funga ʻo e māmaní kotoa. ʻOku ʻikai ko ha meʻa foʻou ia ke ngāue ʻa e kau faifekaú ʻi ha fonua pea nau lea ʻaki ha lea fakafonua kehe mei heʻenau lea fakafonuá. ʻOku hoko ʻa e kau faifekaú ko ha kakai lalahi kei talavou pe ʻi he ngaahi taʻu kuo nau mālōlō ai meí he ngāué ko ha kau tāutaha pe mātuʻa mali. Tatau ai pē pe ko e hā honau taʻu motuʻá, ʻoku fakamātoato ʻenau taumuʻá—ʻoku nau tuku honau ngaahi ʻapí mo e fāmilí ʻi ha vahaʻataimi ke fai ʻa e meʻa naʻe akoʻi ʻe Sīsū ki Heʻene kau ʻAposetoló: “Mou ʻalu ki māmani kotoa pē, ʻo malanga ʻaki ʻa e ongoongoleleí ki he kakai fulipē” (Maʻake 16:15).

ʻOku totongi paʻanga nai ʻa e ʻaʻahi ʻa e kau faifekaú?

ʻIkai. Ko e ongoongolelei ʻo Sīsū Kalaisí ʻoku maʻá e tokotaha kotoa pē. ʻOkú Ne fakaafeʻi ʻa e tokotaha kotoa pē ke haʻu kiate Ia “ʻikai haʻá ne paʻanga pea taʻe ha totongi” (ʻĪsaia 55:1). ʻOku totongi ʻe he kau faifekaú ke nau sio kiate koe, ʻo totongi ʻenau fakamole ke haʻu ʻo ngāue fakafaifekaú. ʻOku ʻikai totongi ʻa e kau taki fakalotofonua ʻo e Siasí mo e kau faiako fakakalasí.

ʻOku anga fēfē nai ʻa e lotu ʻa e Siasí?

ʻOku kehekehe pē ʻa e taimi lotu ʻa e Siasí ki he faiʻangalotu takitaha. Ka neongo ia, te ke lava maʻu pē ʻo ʻamanaki atu ki ha lotu fakataha maʻá e taha kotoa, hoko atu ai ha ngaahi kalasi maʻá e fānaú, toʻu tupú, mo e kakai lalahí.

ʻOku ui ʻa e fakatahaʻanga lahí ko e “houalotu sākalamēnití.” ʻOku kau ʻi he fakatahaʻanga ko ʻení ha ngaahi hiva, lotu, mo ha ngaahi malanga (pe “ngaahi lea”) ʻoku fai ʻe ha kāingalotu kehekehe ʻo e haʻofangá ‘i he uike takitaha. Ka ko e konga mahuʻinga taha ʻo e fakatahá ko e taimi ʻoku mau maʻu ai ʻa e sākalamēnití (ʻa ia ʻoku mei tatau mo e Sākalametá) ke fakamanatua ʻa e Fakamoʻuí.