’A ha’amātau mai ia mātou
E ti’ara’a faufa’a mau tō Iesu Mesia i roto i tō mātou mau ti’aturira’a ’e tō tātou orara’a. Tā mātou misiōni ’o te ani-manihini-ra’a i te mau tamari’i ’ato’a a te Atua ’ia pe’e ia Iesu ’e ’ia tāmatamata i te ’oa’oa e noa’a mai maoti ’oia.
E aha tā mātou e ti’aturi
Māramarama e aha te aura’a te parau e tamari’i nā te Atua ’e ha’api’i ’ia ’ite i tāna arata’ira’a i roto i tō ’oe orara’a.
’Apo i te ha’api’ira’a i roto i te orara’a ’e te mau ha’api’ira’a a te Fa’aora ’e ’ite i te ’oa’oa nō te pe’era’a iāna.
’Ite mai i tō ’oe fāito pūai hanahana ’e te fa’anahora’a nō te ’oa’oa a te Atua nō ’oe.
’Ite nāhea te herera’a ’e te tāvinira’a ia vetahi ’ē mai ia Iesu e fa’arahi ai i te aura’a o tō ’oe orara’a.
Tuatāpapa i te mau buka pāpa’ira’a mo’a ’o tē ha’afātata atu ā ia ’oe ia Iesu Mesia.
’Ite mai e nāhea ’oe e ha’apūai ai i te mau tā’amura’a nō te here, i teienei ’e i muri iho i te pohe.
Tītau i te tauturu a te Fa’aora i te mau taime fifi, ’e tū’ati i te mau mātēria e turu ia ’oe nā roto i te mau fifi o te orara’a.
Fa’ari’i i te fa’aurura’a i roto i te mau parau a te mau peropheta tei pi’ihia e te Atua ’ei ve’a nō tō tatou nei tau.
’Ite mai ’ua nāhea te Mesia i te ha’amaura’a i tāna ’Ēkālesia ’e nāhea ’oia i te arata’i i te Fa’aho’i-fa’ahou-ra’a o te ’Ēkālesia i teie ’anotau.
Ha’api’i e aha te mau parau fafau mo’a tā tātou e rave i roto i te mau hiero mo’a a te Atua nō te fa’atū’ati ia tātou i tō tātou mau ’utuāfare ’e te Atua.
E nehenehe tātou e fāriu i ni’a i te Atua ’e i tāna Tamaiti ’e i te Vārua Maita’i nō te parau mau.
Māramarama i te fa’anahora’a mure ’ore a te Atua nō ’oe ’e nāhea ’oe e pārahi ai i pīha’i iho i tō ’oe ’utuāfare ē a muri noa atu maoti Iesu Mesia.
’O vai tātou
Ha’amauhia i te matahiti 1830
’Ua fa’ati’ahia Te ’Ēkālēsia a Iesu Mesia i te Feiā Mo’a i te mau Mahana Hope’a nei i te matahiti 1830 i Fayette, New York, ’e ’o Iosepha Semita te peresideni mātāmua ’o te ’Ēkālēsia.
E ’āmuitahira’a ’ati a’e te ao nei
’Ua tupu mai te ’Ēkālēsia ma te ha’amatara’a ha’eha’a i te hō’ē ’āmuitahira’a ati a’e te ao nei e 17 milioni feiā fa’aro’o tāhō’ēhia i roto te pe’era’a ia Iesu Mesia.
Arata’ihia e te heheura’a
E tuha’a mātou nō te ’Ēkālēsia a Iesu Mesia tei fa’aho’i-fa’ahou-hia mai, arata’ihia ’e te Fa’aora nā roto i tāna peropheta hanahana fa’auruhia.
Mau uira’a mātarohia
E keretetiāno ānei te mau melo o Te ’Ēkālēsia a Iesu Mesia i te Feiā Mo’a i te mau Mahana Hope’a nei ?
E keretetiāno ānei te mau melo o Te ’Ēkālēsia a Iesu Mesia i te Feiā Mo’a i te mau Mahana Hope’a nei ?
’Ē ! Tē ti’aturi nei mātou ē, ’o Iesu Mesia te Tamaiti a te Atua ’e te Fa’aora o te ao nei, ’e tē tūtava nei mātou i te pe’e iāna. Mai te mau ha’apa’ora’a keretetiāno e rave rahi, e mau ti’aturira’a tā mātou tei ta’a ’ē i tā tō mātou mau ta’ata tupu. Terā rā, e mau pipi itoito mātou i te Mesia ’e i tāna mau ha’api’ira’a. Te mau tuha’a ’ōtahi ’e te nehenehe o tā mātou ha’api’ira’a ihi atua, e tauturu ïa i te fa’ahōhonu i tō mātou hāro’aro’ara’a ia Iesu ’e i tāna ’evanelia.
Tē ti’aturi ra ānei ’outou i te Bibilia ?
Tē ti’aturi ra ānei ’outou i te Bibilia ?
’Ē ! Tē ti’aturi nei mātou i te Bibilia ’o te parau ïa a te Atua. Tē ’imi tāmau maita’i nei mātou i te reira i roto i tō mātou mau fare ’e i te fare purera’a, ’e e tāmata mātou i te ora ia au i tāna mau ha’api’ira’a. Tē ti’aturi nei mātou ē, tē ’ohipa ’āmui nei te Faufa’a Tahito ’e te Faufa’a ’Āpī ’e te Buka a Moromona, ’oia ho’i te tahi fa’ahou ’ite nō Iesu Mesia, nō te riro ’ei ’ite nō Iesu ’e e hōro’a mai ia mātou i te hō’ē hāro’aro’ara’a hope roa a’e nō te fa’anahora’a a te Atua.
E aha te mau mea e tupu nei i roto i te mau hiero ?
E aha te mau mea e tupu nei i roto i te mau hiero ?
E mea ta’a ’ē te mau hiero i tā mātou mau fare purera’a i te mau mahana ato’a, i reira mātou e fa’atupu ai i te mau purera’a ha’amorira’a i te sābati. ’O tā mātou mau vāhi mo’a roa a’e te reira, tei fa’ata’ahia nō te ’ohipa mo’a roa a’e a te Atua. Te mau mea tā mātou e rave nei i roto i te hiero tē ’ohu nei ’ati ti’a a’e i te fafaura’a ē, e nehenehe tātou e ora i pīha’i iho i te Atua ’e te feiā tei herehia e tātou ē a muri noa atu. I roto i te hiero, e fafau hope roa atu ā mātou i te pe’e ia Iesu Mesia. E rave mātou e rave rahi fafaura’a e te Atua, mai te fafaura’a ’ia ha’apa’o i tāna mau fa’auera’a ’e ’ia ha’amo’a ia mātou iho ’e te mau mea ato’a tā mātou e vai nei iāna. E tāhō’ē-’āmui-hia te tāne ’e te vahine, te mau metua ’e te mau tamari’i, ’aore rā « e tā’atihia » te tahi i te tahi, nō te tau mure ’ore. ’E tē rave nei mātou i teie ā ’ohipa nō tō mātou mau tupuna, ma te hōro’a ia rātou i te rāve’a nō te fāri’i i teie mau ha’amaita’ira’a i roto tō rātou orara’a a muri a’e, mai te mea e mā’iti rātou.
E fa’ari’i-poupou-hia ānei vau i te fare purera’a ?
E fa’ari’i-poupou-hia ānei vau i te fare purera’a ?
’Oia ïa ! Tē ti’aturi nei mātou ē, e mau tamari’i pā’āto’a tātou nā te Atua ’e e noa’a tāna mau ha’amaita’ira’a i fafau mai ia tātou pā’āto’a, ’a tūtava ai tātou i te pe’e i tāna parau, noa atu tō tātou huru ’aore rā tō tātou orara’a i ma’iri. Te ’Ēkālēsia ’o te vāhi ïa i reira te ta’ata tāta’itahi e ha’api’i mai ai ’e e tupu rahi ai. Tē vai ra paha te tahi hi’ora’a naho i roto tō ’oe upo’o ’o tā ’oe e mana’o ra e’ita ’oe e au, te parau mau rā ’oia ho’i tō mātou mau melo nō te mau vāhi ta’a ’ē ïa ’e e mau fa’a’ana’anataera’a ta’a ’ē tō rātou ’A haere mai e fārerei ia mātou ’e e māere paha ’oe ’ia hi’o ’o vai tā ’oe e ’ite mai e pārahi ra i ni’a i te pārahira’a i pīha’i iho ia ’oe.
’A ha’amori ’e ’o mātou
E nehenehe tātou pā’āto’a e riro ei mau ta’ata maita’i roa nā roto ’ia Iesu a ha’api’i ai e a tāvini āmui ai tātou i roto i tāna ’Ēkālesia. Haere mai ’e a hi’o e aha tā mātou e rave nā roto i te ha’amorira’a mai ia mātou i te sābati i muri nei.