E ’ōpuara’a ’e e aura’a tō tō ’oe orara’a

E ’ere te orara’a i te fenua nei i hape noa i te tupura’a. E tamari’i ’oe nā te Atua ’e tei ’ō nei ’oe ’ei tuha’a nō tāna fa’anahora’a nō te ’oa’oa.
I ni’a i teie ’api
Find Answers Through Jesus
Tei hea tō’u vaira’a i roto i te hōho’a rahi ?

Tei ’ō nei ’oe nō te hō’ē tumu

’Ua uiui a’ena ānei ’oe nō te aha tei ’ō nei ’oe ?

Tē ti’aturi nei mātou ē, ’ua vai na tātou tāta’itahi hou te fenua ’a poietehia ai, ’e ’ua ora na tātou ’e te Atua ’ei tamari’i hōho’a vairua nāna. ’Ua tono mai tō tātou Metua i te ao ra ia tātou tāta’itahi i’ō nei, ’ia ti’a ia tātou ’ia fa’ari’i i te hō’ē tino, ’ia ha’api’i mai ’e ’ia tupu i te rahi nō te riro rahi atu ā mai iāna te huru. ’A pe’e ai tātou i te fa’anahora’a a te Atua, e nehenehe tātou e ho’i fa’ahou nō te ora i mua i tōna aro.

Mai te mea ’ua vai a’ena i roto ia ’oe te mana’o e ’ōpuara’a rahi a’e tā ’oe, i te vai-noa-ra’a, ’ua tano ïa ’oe. E nehenehe ’oe e ’ite mai i tā ’oe ’ōpuara’a maoti te fāriura’a i te Atua.
A mother stands and comforts her son in their home

Tē hina’aro nei te Atua ’ia ’oa’oa ’oe

Tē parau fafau nei te ’evanelia a Iesu Mesia i te hau, i te pūai ’e i te ’oa’oa i te feiā ’o tē pe’e i te mau fa’auera’a a te Atua ’e ’o tei bāpetizohia i roto i te ’Ēkālesia a te Mesia.
’Ua hi’a Adamu ’ia vai te mau ta’ata, ’e tē vai nei te mau ta’ata ’ia noa’a tō rātou ’oa’oa
Nāhea rā te ’oa’oa inaha ho’i ’ua ’ī te orara’a i te fifi rahi ? Te pāhonora’a ’o Iesu Mesia ïa.

Nā roto ia Iesu Mesia, e nehenehe tātou e ’ite mai i te tāmāhanahanara’a i roto i tō tātou mau ’oto ’e ’ia ha’apūaihia i roto i te mau fifi. E nehenehe tātou e putapū i te māuruuru nō te mau mea ’una’una e rave rahi ’o tā tātou e fāna’o nei i ni’a i teie fenua. E nehenehe tātou e ha’amaita’i i te mau tā’amura’a ’e te feiā tā tātou i here, maoti te orara’a i te mau parau tumu tā Iesu i ha’api’i i roto i te Bibilia : te aumihi, te tāvinira’a, te fa’a’orera’a hapa ’e te here.

Nā roto i te hōro’ara’a mai i te hō’ē Fa’aora, ’ua hāmani te Atua i te hō’ē ’ē’a nō tāna mau tamari’i ato’a nō te ’ite mai i te ’oa’oa.
South Africa. Braai (or barbecue). Two women standing outside near a gate.

E taime te orara’a nō te ha’api’i mai ’e nō te tupu i te rahi

’Ia nā roto ana’e ’oe i te mau taime fifi, e mea au ’ia ha’amana’o ē, te fa’anahora’a a te Atua nō ’oe, e fa’atoro ïa i’ō atu i tō ’oe orara’a tāhuti nei. ’A fa’aitoito ai ’oe i te pe’e i te Atua, e fa’a’āfarohia te mau mea ato’a tā ’oe i ora mai ’ia tae i te hō’ē mahana,nā roto ia Iesu Mesia. Tē parau fafau nei te Bibilia ē « e nā te Atua e horoi i tō rātou roimata ; ’e e ’ore roa te pohe, ’e te ’oto, ’e te mihi, ’e te māuiui, e ’ore ato’a ïa, nō te mea ’ua mou te mau mea tahito ra » (Apokalupo 21:4).
An elderly man stands outside in Brazil while his wife kisses his cheek.
Tē vai nei i roto te orara’a te mau ’ohipa māuiui nō te mea i roto i te fa’anahora’a a te Atua, te mau tāmatara’a ’o tā tātou e fa’aruru nei e nehenehe ïa e riro ’ei maita’i ’e ’ei tupura’a rahi nō tātou. E nehenehe teie mau ’arora’a e tauturu ia tātou ’ia noa’a te huru ta’a ’ē mai te :
  • Pūai. Mai te fa’a’eta’etara’a tino e nehenehe e ha’apūai ia tātou i te pae tino, te pāto’ira’a ’o tā tātou e fa’aruru nei i roto i tō tātou orara’a e nehenehe ïa e ha’apūai ia tātou i te pae vārua, i te pae ferurira’a ’e i te pae manava. E nehenehe teie pūai e tauturu ia tātou ’ia tāmarū i te mau vero o te orara’a.
  • Aumanava. ’Ia nā roto ana’e ’oe i te mau fifi, e tupu rahi tō ’oe aumanava. ’E ’ia fa’a’ohipa ana’e ’oe i tō ’oe ’ite nō te tauturu ia vetahi ’ē i roto i te hō’ē ā huru fifi, tē tauturu ra ïa ’oe i te rave i te ’ohipa a te Atua i ni’a i te fenua nei.
  • Faʼaʼoroma’i. ’Ia rahi ana’e te mau ’ohipa matara ’ore, mai te ’ohipa ato’a a vetahi ’ē, e nehenehe tātou e « tīa’i ia Iehova » (Salamo 27:14). E nehenehe tātou e ti’aturi ē, te mau mea ato’a tā tātou e māuiui tano ’ore, e fa’a’āfarohia ïa i te pae hope’a e Iesu Mesia.

E nehenehe ’oe e taui

Young women in Thailand pick berries off a bush. They are laughing and enjoying themselves.
’Ua ’ite a’ena te Atua ē e hape ’oe, ’e e tītauhia te tauturu nō te upo’oti’a i ni’a i te ’oto ’e i te hara. ’Ei tuha’a nō te fa’anahora’a a te Atua, ’ua hōro’a mai ’oia i te hō’ē Fa’aora ’e te Tāra’ehara, ’o Iesu Mesia, ’ia mamae ’e ’ia pohe nō ’oe ’e nō te ta’ata tāta’itahi tei ora na. Maoti te tusia a Iesu Mesia, e nehenehe ’oe e ’ite mai i te fa’a’orera’a hara ’e i te fa’aorara’a māuiui.

Ma te tauturu a te Fa’aora, e nehenehe ’oe e upo’oti’a i ni’a i te hara, te mau paruparu, te mau peu au ’ore ’e te mau ma’i fa’atītī ’o tei tāpe’a na ia ’oe. E nehenehe ’oe e riro mai ’ei ta’ata aroha a’e ’e te fa’a’ore hapa ’e te ha’eha’a ’e te fa’a’oroma’i, i nā mua a’e nei. ’A riro hau atu ai ’oe mai te Mesia te huru, e fa’ari’i ’oe i te hina’aro rahi atu ā ’ia tāmau noa i ni’a i te ’ē’a nō te ho’i fa’ahou e ora ’e te Atua.

Ha’api’i rahi atu ā nō ni’a i te fa’anahora’a a te Atua

E fa’anahora’a tā te Atua nō ’oe. Ha’api’i nā muri i te mau misiōnare nō ni’a i te ’ōpuara’a o te orara’a, nā ni’a i te natirara ’aore rā te fārerei-tino-ra’a.
A young woman is outdoors and smiling. She is looking towards the camera. She is at Antelope Island State Park in Utah.

’Ua ’ite maita’i ’e ’ua here te Atua ia ’oe

’Ua here te Atua i tāna mau tamari’i ato’a—te aura’a ’ua here ato’a te Atua ia ’oe. Nā roto i te pure, e nehenehe ’oe e ha’afātata atu i tō ’oe Metua i te ao ra ’e ’ia ha’api’i i te ’ite mai i tāna arata’ira’a ’ā’au aroha i roto i tō ’oe orara’a.

’O Iesu Mesia tō ’oe Fa’aora

E Tamaiti Iesu Mesia nā te Atua—tō ’oe Fa’aora ’e tō Tāra’ehara, tei tonohia mai nō te fa’aora ia tātou pā’āto’a. Maoti ’oia, e nehenehe tā ’oe e ’ite i te ’oa’oa nā roto i te ’itera’a ē, e nehenehe tā ’oe e ora i pīha’i iho i te Atua ’e i tei herehia ē a muri noa atu.
A family enjoys their time together as they walk down a sidewalk.

E nehenehe te mau ’utuāfare e vai ’āmui ē a muri noa atu

Te mau natira’a ’utuāfare ’o tā ’oe e firi nei i roto i teie orara’a, e nehenehe ïa e vai noa i’ō atu i te pohe. Nā roto i te ha’apūaira’a i tō ’oe aura’a e te Atua, e pāutuutu mai tō ’oe mau aura’a ’e tō ’oe ’utuāfare.