’Ua ’ite maita’i ’e ’ua here te Atua ia ’oe

Hō’ē o te mau parau mau rahi i roto i te Bibilia ’oia ho’i « e tamari’i tātou [pā’āto’a] nā te Atua » (Te ’Ohipa 17:29), tei hāmanihia i tōna hōho’a. ’Ei tamari’i nā te Atua, e fāito pūai ’e e faufa’a hope’a ’ore tō ’oe.

’Ua ha’api’i Iesu Mesia ē, ’ua ’ite maita’i te Atua ia tātou. ’Ua ’ite ’oia i te mau taime ato’a ’ia topa te hō’ē tefura i raro i te repo, ’e « e mea faufa’a a’e [tātou] [nāna] i te mau tefura e rave rahi » (Mataio10:29–31

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

). Noa atu te mau fifi ato’a tā ’oe e fa’aruru nei, ’aita ’oe e vai ’ōtahi noa. ’Ua ’ite maita’i roa te Atua ia ’oe ’e ’ua ’ite i te mea e tītauhia nō te tauturu ia ’oe ’ia upo’oti’a i tō ’oe mau fifi ’e ’ia putapū i tōna here.

Tē fa’aro’o nei te Atua mai te hō’ē Metua here

’Ei Metua i te ao ra nō tātou, tē hina’aro nei te Atua e fa’aro’o ia tātou. E hina’aro rahi tōna e arata’i ia ’oe ’e e nehenehe ’oe e paraparau iāna nā roto i te pure.

Tē hina’aro nei te Atua e tāu’aparau

Te pure, ’ua hau atu i te hō’ē noa ’ohipa mo’a ’aore rā te hō’ē rāve’a nō te fa’a’ite i te ra’i i te mea tā tātou e hina’aro—e tāu’aparaura’a te reira. E nehenehe ’oe e parau i te Atua i te mau mea tā ’oe e māuruuru nei, tā ’oe mau tīa’ira’a ’e te mau moemoeā, tō ’oe mau ha’ape’ape’a ’e te mau mea tā ’oe e hina’aro nei.

Tē fa’aro’o nei ’e tē pāhono nei te Atua

Tē fa’aro’o nei ’e tē pāhono mai nei te Atua i tā tātou mau pure. E tae mai iho ā te mau pāhonora’a i te pure, noa atu e mea tīa’i ri’i ’aore rā ’aita te mau pāhonora’a mai tā tātou i mana’o, ’aore rā i ti’aturi. E nehenehe tātou e tāmarū i tō tātou ’ā’au nō te fa’ari’i i tōna hina’aro nō tātou. E nehenehe te mau pāhonora’a i te pure e hōro’ahia mai nā roto e rave rahi huru, ’oia ho’i te mau mana’o ’e te mau putapūra’a, te mau ’ohipa a te ta’ata ’ati a’e ia ’oe, ’aore rā te hō’ē tuha’a o te pāpa’ira’a mo’a tei ha’aputapū i tō ’oe ’ā’au.

Mai te peu tē fifi nei ’oe i te fē’a’ara’a ’aore rā, i te tū’ati-’ore-ra’a i te Atua, e nehenehe ’oe e ha’api’i ’ia ’ite maita’i a’e tei reira ’oia i roto i tō ’oe orara’a.

• ’A rave i te taime i te mau mahana ato’a nō te ha’apae i te mau fa’anevanevara’a ’e nō te tū’ati atu i te Atua.
• ’A pure tāmau noa. ’A ani ’ia putapū i tōna here !
• ’A ’imi māite i te parau a te Atua i roto i te mau pāpa’ira’a mo’a.
• ’A tāpe’a i te hō’ē buka ’ā’amu nō te pāpa’i i te mau ha’amaita’ira’a ’e te mau mana’o pae vārua.
• ’A ’āparau i te mau hoa ’e i te ’utuāfare ti’aturihia e mea nāhea rātou i te putapū i te here o te Atua.
• ’A fa’a’ohipa i te here huru Mesia nā roto i te tāvinira’a ’e i te fa’a’orera’a hara.