E parau te Buka a Moromona ’e te Bibilia nā te Atua

Tē ha’api’i nei te Buka a Moromona ’e te Bibilia ia tātou nō ni’a i te fa’anahora’a a te Atua ’e tē fa’a’ite pāpū nei nō Iesu Mesia.
I ni’a i teie ’api

O te parau a te Atua te Buka a Moromona

I roto i te Faufa’a ’Āpī, ’ua ha’api’i Paulo ē « Tei te vaha o nā ’ite to’opiti ’e to’otoru ra e riro ai te mau parau ato’a na ’ei parau mau » (2 Korinetia 13:1). E poihere te mau melo o Te ’Ēkālesia a Iesu Mesia i te Feiā Mo’a i te Mau Mahana Hope’a nei i te Bibilia ’ei hō’ē o taua mau ’ite ra ’e te Buka a Moromona te tahi atu ’ite nō Iesu Mesia.

Mai te Bibilia, e pāpa’a parau fa’auruhia te Buka a Moromona nō te ra’i mai tei ha’aputuhia e te mau peropheta i tahito ra. ’Ua pāpa’ihia, i roto i te reira, i te parau a te Atua nō tāna mau tamari’i i Amerika. I reira e nehenehe ai ’oe e fa’ari’i i te fa’aurura’a māramarama, te mau mana’o ’e te arata’ira’a nā roto i te tai’ora’a i nā buka pāpa’ira’a mo’a to’opiti.
E hi’ora’a rere ā manu nō te Buka a Moromona

’Ua vai na te ’Ēkālesia a te Mesia i Amerika

E ha’amataTe Buka a Moromona nā roto i te ’ā’amu o te hō’ē peropheta ’o Lehi te i’oa, tei fa’aarahia e te Atua i te mau matahiti 600 HM e ha’amouhia Ierusalema. ’Ua ’āfa’i Lehi ’e tāna vahine ’o Saria, ma te arata’ihia e te Vārua o te Atua, i tō rāua ’utuāfare i te tahi a’e pae o te fenua nā ni’a i te moana, i reira tō rāua hua’ai i te tupura’a i te rahi nō te riro mai e piti nūna’a, tei mātauhia te ’āti Nephi ’e te ’āti Lamana. E hōro’a mai tā rātou mau ’ā’amu o te fa’aro’o i te Atua ’e tā rātou fa’aineinera’a nō te taera’a mai ’o Iesu Mesia, i te tahi hi’ora’a fa’auru mau nō te pe’e atu, ’e tē ha’apāpū nei te tahi atu mau ’ā’amu i roto i te Buka a Moromona i te aroha o te Atua nō tāna mau tamari’i ato’a ’aore rā e fa’aarara’a ’ia pāto’i i te hara.

Te ’ohipa faufa’a i roto i te Buka a Moromona, o te terera’a ïa ’o Iesu i rotopū i tōna mau ta’ata pe’e i Amerika i muri a’e i tōna pohera’a ’e tōna ti’afa’ahoura’a. ’Ua fa’atupu teie tere tōna i tāna ha’api’ira’a i Ierusalema :
Tē vai ato’a rā tā’u māmoe ’ē atu, e ’ere i tō teie nei ’āua: e arata’i ato’a mai au, ia rātou e ti’a, e fa’aro’o mai ho’i rātou i tō’u reo.
I muri a’e i tō Iesu ha’api’ira’a i tāna ha’api’ira’a tumu ’e fa’ati’ara’a i tāna ’Ēkālesia i te fenua Amerika, ’ua ora te ta’ata i reira ma te hau ’e te parau-ti’a nō te mau u’i e rave rahi.

I te pae hope’a, ’ua topa te nūna’a i roto i te tama’i ’e te ’ino ’e ’ua ha’amouhia te ’āti Nephi. Hō’ē o te mau ’āti Nephi tei ora mai, ’o Moromona, tei ha’aputu i tā rātou mau pāpa’a parau tei ’itehia i teie ’anotau o te Buka a Moromona : Te tahi fa’ahou ’ite nō Iesu Mesia.

Hō’ē teie pāpa’a parau tahito tei ’īritihia nō tō tātou nei ’anotau

’Ua mā’iti te Atua ia Iosepha Semita ’ei peropheta nō te fa’ati’a fa’ahou i tāna ’Ēkālesia i tō tātou nei ’anotau ’e nō te fa’aineine i te ’ē’a nō Iosepha nō te fa’ari’i i te mau pāpa’a parau tahito i ha’aputuhia e Moromona ’e nō te ’īriti i te reira nā roto i te heheura’a hanahana. Mai taua taime ra, ’ua fa’auru te Buka a Moromona e rave rahi mirioni ta’ata nā te ao nei ’ia taui ē ’ia maita’i a’e ’e ’ia riro mai ’ei pipi itoito a’e nā Iesu Mesia. E nehenehe ato’a te reira e fa’auru ia ’oe.
Series of images of people studying in groups, individually, in families sitting in Congo

Te Bibilia o te parau ïa a te Atua

Te Bibilia mo’a o te hō’ē ïa buka pāpa’ira’a mo’a tā te Atua i hōro’a mai ia tātou—Tāna mau tamari’i—’ei maita’i nō tātou nei. E nehenehe tāna mau ha’api’ira’a e hōro’a ia ’oe i te hō’ē puna nō te pūai, nō te fa’aurura’a ’e nō te arata’ira’a.

I roto i te Faufa’a Tahito, e nehenehe ’oe e :
  • Ha’api’i rahi mai nō ni’a i te Atua ’e te fā o te orara’a nā roto i te tai’ora’a nō ni’a i te poietera’a o te fenua nei ’e te taera’a mai o te hō’ē Fa’aora tei heheuhia i te mau peropheta tahito ra mai ia Isaia ho’i.
  • ’Imi i te mau hi’ora’a pūai nō te fa’aro’o, mai te ari’i vāhine ra ’o Esetera.
  • Roa’a mai i te tāmāhanahanara’a i roto i te pehepehe nehenehe a te Salamo ’e te Maseli.
I roto i te Faufa’a ’Āpī, e nehenehe tā ’oe e :
  • Ha’api’i rahi mai nō ni’a i tō ’oe Fa’aora, ’o Iesu Mesia, ’a ha’api’i mai ai ’oe nō ni’a i tāna aupurura’a i te tāhuti nei. Tai’o nō ni’a i tōna orara’a, tāna mau temeio ’e tōna hi’ora’a maita’i roa.
  • ’Imi i te ’ē’a, nā roto i te mau ha’api’ira’a a Iesu, ’ia roa’a i te hō’ē orara’a tei ’ī i te aura’a ’e te hau ’e i te fa’aorara’a mure ’ore.
  • Ha’api’i mai, e hau roa atu, nō ni’a i te tusia a Iesu nō ’oe ’e nō tōna ti’afa’ahoura’a. Maoti ’oia, e nehenehe ’oe e tupu i te rahi nō te tāpae i tō ’oe fāito pūai hanahana ’ei tamari’i nā te Atua ’e ’ia fa’aineine nō te ora i pīha’i iho i te Atua ’e i tei herehia e ’oe ’e a muri noa atu.
    Photograph of a person reading scripture. We can see the words “Philemon” from the new testament on the page.

Tē fa’a’ite pāpū nei te Buka a Moromona ’e te Bibilia nō Mesia

Tē fa’a’ite pāpū nei te Buka a Moromona ’e te Bibilia nō Iesu Mesia ’e tē ha’api’i mai nei i te fa’anahora’a a te Atua nō tō tātou ’oa’oa. ’Aita te tahi e mono nei i te tahi, tē turu nei rā te tahi i te tahi i te mau ha’api’ira’a, mai te au i te mau buka a Mataio, Mareko, Luka ’e Ioane, e hōro’a mai i te mau hi’ora’a ta’a ’ē nō te hō’ē hōho’a tano o te tumu parau ’aore rā o te ’ā’amu tano.


Nā roto i te tuatāpapa-’āmui-ra’a i te Buka a Moromona ’e te Bibilia, e nehenehe ’oe e fa’ari’i i te hō’ē māramaramara’a hau atu i te rahi nō ni’a i te Atua ’e tō ’oe aura’a ’e ’ōna. Nō te ha’amata, e nehenehe ’oe e hi’o e aha tā teie nā buka to’opiti e parau nei nō ni’a i teie mau tumu parau :
« I vahavahahia ’oia,’e ’aore i ha’apa’ohia e te ta’ata ; e ta’ata mātaro i te ’oto, ’e ’ua ’ite ho’i i te mihi, mai te ta’ata e huna ’ē i tōna mata ia tātou nei ; i vahavahahia ’oia, ’e ’aore ’oia i mana’o-maita’i-hia e tātou nei.

« ’Ua rave mau rā ’oia i tō tātou paruparu, ’e ’ua hōpoi ’ē ’oia i tō tātou ’oto ; ’ua parau rā tātou iāna ē, tā’iri utu’a tōna ; mai te ta’ata tā’irihia e te Atua, i pohe ai ra.

« I paruparu rā ’oia i tā tātou nei ’ino, i tā’irihia ’oia i tō tātou nei ’ino ; e te a’o i hauhia i tō tātou, tei ni’a ïa iāna, ’e nō tōna paruparu e ora ai tātou » (Isaia 53:3–5 [Bibilia]).

’E e haere atu ’oia ma te fa’a’oroma’i i te māuiui ’e te ’ati, ’e te huru fa’ahemara’a ato’a ; ’e e nā reira ’oia ’ia fa’ati’hia te parau tei nā ’ō maira ē, E rave ’oia i te māuiui ’e te ma’i o tōna mau ta’ata iāna iho.

« ’E e fa’a’oroma’i ’oia i tōna pohera’a, i tātara ai ’oia i te mau tāpe’a o te pohe i ruuruuhia ai tōna ra mau ta’ata ; ’e e rave ’oia i tō rātou paruparu i ni’a iāna iho ’ia fa’a’īhia tōna ra ’ā’au i te aroha i au i te tino, ’ia ’ite ’oia nā roto i te tino i te rāve’a e fa’aora ai i tōna mau ta’ata i tō rātou paruparura’a ra » (Alama 7:11–12[Buka a Moromona]).
« E mata nā rā ’oe i te ’imi i te Bāsileia o te Atua, ’e te parauti’a nāna ; e ’āmui ato’a mai taua mau mea ra ia ’oe » (Mataio 6:33 [Bibilia]).

« Inaha ho’i, tei teie nei orara’a te taime ’ia fa’aineine te ta’ata ’ia fārerei i te Atua ; ’oia ïa, ’o te mahana ïa, te mahana o teie nei orara’a, ’ia rave te ta’ata i tā rātou ’ohipa ».23

«… E teie nei, mai tā’u i parau na ia ’oe, ’ua tae mai ia ’oe te mau fa’a’ite e rave rahi, nō reira te a’o atu nei au ia ’oe ē, ’eiaha ’oe e fa’ataroaroa i te mahana o tō ’oe tātarahapara’a e tae roa atu i te hope’a ; nō te mea, i muri i teie mahana o teie nei orara’a, o tei hōro’ahia mai i te ta’ata ’ia fa’aineine nō te tau mure ’ore ra, inaha, ’ia ’ore ’oe ’ia rave māite i te ’ohipa ’a pārahi ai ’oe i te ao nei, e i reira e tae mai ai te pō poiri, ’e e ’ore e ti’a ’ia ravehia te ’ohipa i reira » (Alama 34:32–33 [Buka a Moromona]).
« ’Ua parau mai ra Iesu iāna, tei iā’u te ti’afa’ahoura’a ’e te ora, ’o tē fa’aro’o mai iā’u ra, pohe noa ’oia e ora ā ïa :

« ’E te ta’ata ora ato’a nei e fa’aro’o iā’u ra, e ’ore roa atu ïa e pohe » (Ioane 11:25–26 [Bibilia]).

« ’Ei reira e fa’ari’ihia te vārua o te feiā parau-ti’a ra i roto i te hō’ē vaira’a māuruuru ra, o tei parauhia e paradaiso ; e vahi fa’aeara’a ïa, ’e te hau, ’ei reira e fa’aea ai rātou i tō rātou pe’ape’a, i te ’ati, e te ’oto ho’i.

« E fa’aho’ihia te vārua i te tino, ’e te tino i te vārua ; ’oia ïa, e fa’aho’ihia te mau melo ato’a, ’e te mau ponaivi ato’a i tōna tino ; ’e e ’ore ho’i te hō’ē ’i’o rouru o te upo’o e mo’e, e fa’aho’ihia rā te mau mea ato’a ra i tō rātou iho vāhi mau.

« ’Ei reira e ’ana’ana atu ai te feiā parau-ti’a i roto i te bāsileia o te Atua » (Alama 40:12, 23, 25 [Buka a Moromona]).
« E nā ’ō a’e te ari’i i te parau ia rātou, nā ’ō a’era, ’Oia mau tā’u e parau atu ia ’oe nei, ’O ’oe i nā reira i te hō’ē taea’e iti ha’iha’i roa i roto i ta’u mau taea’e nei, ’ua nā reira mai ïa ’oe iā’u » Mataio 25:40 [Bibilia]).

« ’E inaha, e fa’a’ite atu vau ia ’oe na i taua mau mea nei, ’ia ’ite ’oe i te pa’ari ; ’ia ’ite ho’i ’oe ē, ’a tāvini ai ’oe i te ta’ata nei, tē tāvini ïa ’oe i tō ’oe Atua ra » (Mosia 2:17 [Buka a Moromona]).

’A hi’o mai i te tā’ato’ara’a o te ’ā’amu

E nehenehe te Buka a Moromona ’e te Bibilia e fa’ata’ahia, terā rā e tuha’a rāua o te hō’ē ana’e ’ā’amu. ’A fa’ari’i i te hō’ē parau ’ōmuara’a o te Buka a Moromona ’e ’a tuatāpapa na nā buka pāpa’ira’a mo’a nā muri i te mau misiōnare.
A young woman is outdoors and smiling. She is looking towards the camera. She is at Antelope Island State Park in Utah.

’Ua ’ite maita’i ’e ’ua here te Atua ia ’oe

’Ua here te Atua i tāna mau tamari’i ato’a—te aura’a ’ua here ato’a te Atua ia ’oe. Nā roto i te pure, e nehenehe ’oe e ha’afātata atu i tō ’oe Metua i te ao ra ’e ’ia ha’api’i i te ’ite mai i tāna arata’ira’a ’ā’au aroha i roto i tō ’oe orara’a.

’O Iesu Mesia tō ’oe Fa’aora

E Tamaiti Iesu Mesia nā te Atua—tō ’oe Fa’aora ’e tō Tāra’ehara, tei tonohia mai nō te fa’aora ia tātou pā’āto’a. Maoti ’oia, e nehenehe tā ’oe e ’ite i te ’oa’oa nā roto i te ’itera’a ē, e nehenehe tā ’oe e ora i pīha’i iho i te Atua ’e i tei herehia ē a muri noa atu.
A Filipino couple prepares a meal.

E ’ōpuara’a ’e e aura’a tō tō ’oe orara’a

E ’ere te orara’a i te fenua nei i hape noa i te tupura’a. E tamari’i ’oe nā te Atua ’e tei ’ō nei ’oe ’ei tuha’a nō tāna fa’anahora’a nō te ’oa’oa.