’Ua māramarama Iesu Mesia i tā ’oe mau tāmatara’a

’Ua māramarama Iesu ia ’oe

I tō Iesu māuiuira’a nō tātou pā’āto’a i te ’ō nō Getesemane ’e i ni’a i te sātauro, ’ua māramarama maita’i roa ’oia i te mau tāmatara’a ato’a tā tātou e fa’aruru nei. ’Ua ’ite ’oia e aha tō ’oe mana’o ’e te mea tā ’oe e fa’aruru nei, ’e nā tōna aroha e hōro’a mai i te pūai e tītauhia nō te upo’oti’a i ni’a i te reira.

Tē ha’api’i nei te Buka a Moromona :

’E e haere atu ’oia ma te fa’a’oroma’i i te mau māuiui ’e te mau ’ati, ’e te mau huru fa’ahemara’a ato’a ; ’e e nā reira ’oia ’ia tupu te parau ’o tei nā ’ō mai ē, e rave ’oia i ni’a iāna te mau māuiui ’e te mau ma’i o tōna mau ta’ata.

« ’E e rave ’oia i te pohe i ni’a iāna, ’ia ti’a iāna ’ia tātara i te mau tā’amu nō te pohe i ru’uru’uhia ai tōna ra mau ta’ata ; ’e e rave ’oia i tō rātou mau paruparu i ni’a iho iāna, ’ia fa’a’īhia tōna ra ’ā’au i te aroha, mai te au i te tino, ’e ’ia ’ite ’oia nā roto i te tino i te rāve’a nō te fa’aora i tōna mau ta’ata ’ia au i tō rātou mau paruparu » (

Alama 7:11–12

Nō te mea ’ua here te Atua ia ’oe ’e ’ua hina’aro ’oia ’ia tae ’oe i tō ’oe fāito maita’i roa a’e, ’ua tono mai ’oia i tāna Tamaiti maita’i roa i te fenua nei nō te ’aufau i tā ’oe tārahu. Hō’ē tuha’a faufa’a roa nō te misiōni a Iesu Mesia ’o te rirora’a ïa ’ei pāruru nō tātou. ’Ua upo’oti’a ’oia i te māuiui ’e te ’ati ’ia ’ite ’oia nāhea i te turu ia tātou. ’Ua ’ite maita’i roa ’oia ia ’oe ’e ’ua ’ite nāhea i te tauturu ia ’oe mai te mea e fāriu ’oe i te Atua nā roto i te pure nō te ani i te arata’ira’a.

E nehenehe ’oe e ’ite mai i te hau ’e te pāturura’a i te mau tau fifi

’A fāriu ai ’oe i te Atua ’e ia Iesu Mesia, e ha’apūaihia tō ’oe fa’aro’o ma te riro ’ei tūtau i roto i te mau vero o te orara’a. E nehenehe te ’evanelia a te Mesia e ha’api’i ia ’oe i te ’ē’a e tae atu ai i te ’oa’oa vai maoro, ’e e nehenehe te mau parau mau i ha’api’ihia i roto i tāna ’Ēkālesia e hōpoi mai i te hau ’e te tīa’ira’a.

E nehenehe tō ’oe mau hoa ’e tō ’oe ’utuāfare e riro ’ei puna fa’ahiahia nō te pāturura’a ’e nō te ’oa’oa, mai te auhoara’a e tupu i te fare purera’a. I tō rātou fāito maita’i roa a’e, e mau ’āmuira’a aupuru tō mātou mau ’āmuira’a i roto i te ’Ēkālesia, i reira mātou e aupuru ai te tahi i te tahi nā roto i te mau rāve’a au ’e te pae vārua.

Hau atu i te mau rāve’a tā te mau melo tāta’itahi o te ’Ēkālesia e fa’a’ite nei i te here ’e te pāturura’a, ’ua hāmani ato’a Te ’Ēkālesia a Iesu Mesia i te Feiā Mo’a i te mau Mahana Hope’a nei i te hō’ē fa’anahora’a tauturu nahonaho a’e nō te tahi mau fifi o te orara’a. E nehenehe

tā ’oe ’āmuira’a

e hōro’a i te mau ha’amāramaramara’a hau atu nō ni’a i te mau rāve’a e vai rā i tō ’oe vāhi.

Grief and Loss [Te ’oto ’e te mo’era’a]
Employment [Te tōro’a ’ohipa]
Hia’ai fa’atītī
Mau metua
Mental Health [Ea i te pae ferurira’a]
Education [Te ha’api’ira’a]
Te tahi atu ā mātēria

Ha’apūai i tō ’oe fa’aro’o

E nehenehe ’oe e ’ite mai i te pūai ’e te ’āteura’a nō te upo’oti’a i te mau tāmatara’a o te orara’a nā roto ia Iesu Mesia. E nehenehe te mau misiōnare e fa’a’ite ia ’oe e nāhea.