’O te Atua te puna o te mau parau mau ato’a

In Search of Truth

Te mea tā tātou e ti’aturi nei : ’O te Atua te puna o te parau mau

I te tahi taime, e nehenehe tātou e ’ite mai i te ’āhuehue nō ni’a i tō tātou orara’a ’aore rā te pāpū ’ore o te ananahi. E nehenehe tātou e ’ite mai i tō tātou ’ē’a ma tō tātou Metua here i te ao ra ’e tāna Tamaiti ’o Iesu Mesia, ’o rāua te puna o te parau mau.

E aha te parau mau ?

Te parau mau ’o te ’itera’a ïa i te mau mea i tō rātou huru mau. ’Ei hi’ora’a, e parau mau ’ua here te Atua ia ’oe ’e e nehenehe [’oia] e tauturu ia ’oe ’ia taui i tō ’oe orara’a. ’Ua ’ite maita’i te Atua ia tātou tāta’itahi, ’e tē fa’a’ohipa nei ’oia i te Vārua Maita’i nō te tauturu ia tātou ’ia ’ite mai e aha te parau mau.

Te pe’era’a ia Iesu Mesia

’Ua tono mai te Metua i te ao ra i tāna Tamaiti ’o Iesu Mesia, nō te ha’api’i ia tātou e nāhea ’ia ’oa’oa ’e ’ia ’ite mai i te aura’a o tō tātou orara’a.

’O vau te māramarama o te ao nei : ’o ’oia ’o tē pe’e mai iā’u [te Mesia] ra, e ’ore ïa e haere noa i roto i te pōiri, e roa’a rā iāna te māramarama o te ora.

Ioane 8:12

’O Iesu tō tātou hi’ora’a maita’i roa a’e o te orara’a. Tāna mau ha’api’ira’a e au ïa mai te hō’ē māramarama ’o te arata’i atu ia tātou i te hau. Te ta’ata e hina’aro e pe’e ia Iesu Mesia e nehenehe ’oia e fa’ari’i i teie māramarama ; ’Ua parau fafau ’oia [Iesu] ē, te feiā ato’a e ’imi iāna e ’ite mai rātou iāna.

E tauturu te Vārua Maita’i ia tātou

Te Vārua Mo’a, ’aore rā te Vārua Maita’i, ’o te ti’ati’ave’a ïa o te Metua i te ao ra ’e o Iesu Mesia. E rave rau rāve’a e nehenehe ai te Vārua Maita’i e tauturu ia tātou ’ia ha’afātata atu ā i te Atua. Te Vārua Maita’i :

E tāmāhanahana (hi’o Ioane 14:16–17, 26 ; Moroni 8:26 ; Te Ha’api’ira’a Tumu ’e te mau Fafaura’a 36:2).
E heheu ’e e fa’a’ite pāpū i te parau mau (hi’o 2 Nephi 32:4–5 ; Alama 5:46–47 ; Te Ha’api’ira’a Tumu ’e te mau Fafaura’a 8:2–3).
E fa’a’ite pāpū i te Metua ’e i te Tamaiti (hi’o Ioane 15:26 ; 3 Nephi 11:32, 36).
E ha’amo’a ’e e tāmā (hi’o Alama 13:10–12 ; 3 Nephi 27:19–20 ; Moroni 6:4).

Nāhea vau e ’ite ai e aha te parau mau ?

’A pure i tō ’oe Metua here i te ao ra

’Ua here te Atua ia tātou ’e tē hina’aro nei e fa’aro’o mai ia tātou. ’Ua parau fafau ’oia ē, ’ia pure ana’e tātou, e hōro’a mai ’oia ia tātou i te mau pāhonora’a ’e te arata’ira’a.

’Ua ha’api’i Iesu ia tātou nāhea ’ia pure i roto i te Bibilia (

Mataio 6:9–13

) ’e te Buka a Moromona (

3 Nephi 18:19

’Ia vai ha’apa’o maita’i noa.

Tē ha’api’i nei te Bibilia ē « te fa’aro’o nei ’o te ti’aturi ïa i te mau mea e tīa’ihia nei, e te ’ite i te mau mea ’aore e hi’ohia nei » (

Hebera 11:1

). ’Ia vai ha’apa’o maita’i noa ana’e tātou e mā’iti tātou ’ia ti’aturi ē, e tauturu mai te Metua i te ao ra ’e ’o Iesu Mesia ia tātou ’ia ’ite mai i te ’oa’oa ’e te aura’a o tō tātou orara’a.

’Ia ’ite mau i te Vārua Maita’i

Tē paraparau nei te Atua ia tātou nā roto i te Vārua Maita’i nā roto e rave rahi rāve’a. I roto i te Bibilia, e mea pinepine te reira i te fa’ata’ahia mai te hō’ē « reo iti ha’iha’i » (hi’o

1 Te mau Ari’i 19:11–12

), e putapū rā te ta’ata tāta’itahi i te Vārua Maita’i mai tāna [te ta’ata] iho rāve’a. Nō ’oe, e nehenehe te Vārua Maita’i e putapūhia mai te :

Mau mana’o o te here ’e te ’oa’oa, te hau ’e te hāmani maita’i i roto ia ’oe (Galatia 5:22–23).
Māramarama ’e te arata’ira’a nō tō ’oe orara’a (Te Ha’api’ira’a Tumu ’e te mau Fafaura’a 8:2–3).
Mau rāve’a i roto i tō ’oe ferurira’a ’e te mau nino’a mana’o i roto i tō ’oe ’ā’au (1 Korinetia 2:9–11).
Pōiri tei monohia i te māramarama (Alama 19:6).

’A pe’e i te hi’ora’a o te Fa’aora

O Iesu te hi’ora’a faufa’a roa a’e nō tātou pā’āto’a. Mai te mea e hina’aro tātou e ’ite e aha te parau mau, e nehenehe tātou e pe’e i tōna hi’ora’a ’e e rave i te mea tāna i rave.

Mai te aha te huru o te reira ?

’A fa’a’ite i te here ’e te aroha ia vetahi ’ē ’e i te Atua.
’A hi’o e aha tā teie mau ’ohipa e fa’atupu mai i roto ia ’oe.
’A feruri e nāhea teie mau ’ohipa i te taui i tō ’oe orara’a.

Jesus Declares: I Am the Light of the World; the Truth Shall Make You Free

E mau uira’a atu ā tā ’oe ?

E nehenehe te mau melo o tā mātou ’Ēkālēsia ’o tē hōro’a nei i tō rātou taime ’ei mau misiōnare, e fārerei ia ’oe nā ni’a i te natirara ’aore rā e fārerei tino atu ia ’oe, nō te fa’a’ite atu i te hō’ē poro’i fa’auru ’e e pāhono i tā ’oe iho mau uira’a.