’Ua fa’aho’ihia mai te ’Ēkālesia a Iesu Mesia

Noa atu ā te mau tauto’ora’a i te tau nō te Fa’atītī’aifarora’a porotetani, tītauhia te hō’ē fa’aho’i-fa’ahou-ra’a hope, fa’aterehia e te hō’ē peropheta tei mā’itihia e te Atua.

’Ua tae mai te tau nō taua fa’aho’i-fa’ahou-ra’a ra i te matahiti 1820, ’a ha’amata ai te hō’ē tamaiti 14 matahiti, ’o Iosepha Semita te i’oa, i te ’ite i roto iāna i « te pāpū ’ore » nō ni’a i te maita’i o tōna vairua ’e e aha te ’ēkālesia tāna e ’āmui atu (Iosepha Semita—’Ā’amu 1:8

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Proceed Cancel

).

I te hō’ē mahana, tei roto ’oia i te Bibilia, ’ua tai’o Iosepha ē : « Tē ’ere ra rā te hō’ē o ’outou i te ’ite, e ani ’oia i te Atua ra, ’o tei hōro’a hua mai i te maita’i i te ta’ata ato’a ra, ma te pāto’i ’ore ; ’e e hōro’ahia mai tāna » (Iakobo 1:5).

E ’ohipa pūai tā teie pāpa’ira’a mo’a i fa’atupu i ni’a ia Iosepha, ’o tei tūra’i iāna ’ia ’imi i te hō’ē uru rā’au māniania ’ore i reira ’oia e pure ai ma tōna ’ā’au ato’a nō te arata’ira’a a te Atua. ’Ua pāpa’i ’oia i teie ’ā’amu nō te ’ohipa i tupu i muri iho :

’Ua fā mai te Atua te Metua ’e ’o Iesu Mesia ia Iosepha Semita, ’e ’ua parau atu iāna ē ’ua fa’a’orehia tāna mau hara ’e ’eiaha ’oia e ’āmui atu i te hō’ē noa a’e o te mau ’ēkālesia. ’Ua mā’itihia rā Iosepha ’ei peropheta nā te Atua o tē fa’aho’i-fa’ahou mai i te ’Ēkālesia mau a Iesu Mesia i ni’a i te fenua nei.

Nā roto ia Iosepha Semita, ’ua fa’aho’i fa’ahou mai Iesu Mesia i terā ’Ēkālesia tāna i ha’amau i te tau tahito ra, te aura’a ra :

’Ua ha’amau-fa’ahou-hia te ’Ēkālesia ma te hō’ē peropheta ’e nā Tino ’Ahuru Ma Piti ’āpōsetolo.

• E nehenehe te mau pipi a te Mesia e bāpetizohia i roto i tāna ’Ēkālesia ma te ha’amanara’a ti’a nō te autahu’ara’a nō ’ō mai i te Atua ra, ’e ’ia hōro’ahia rātou te hōro’a nō te Vārua Maita’i.
• ’Ua fa’aho’ihia mai i te fenua nei te mau ’ōro’a faufa’a rahi nō te ha’apa’ora’a fa’aro’o, tei parauhia te mau ’ōro’a o te autahu’ara’a, mai te mana nō te tāhō’ē ’āmui i te mau ’utuāfare nō te tau ’e nō te tau mure ’ore.

Pēnei a’e te mea ta’a ’ē roa a’e, ’oia ho’i ’ua heheu mai te hō’ē ve’a nō te ra’i mai ia Iosepha ē tē vai ra te E parau te Buka a Moromona ’e te Bibilia nā te Atua, ’o te tahi fa’ahou ’ite nō Iesu Mesia. ’Ua pāpa’ihia teie buka pāpa’ira’a mo’a e te mau peropheta i Amerika tahito ra, ’e ’ua ’īriti Iosepha i teie buka nā roto i te fa’aurura’a hanahana.

Nā roto i te Buka a Moromona ’e te heheura’a a te Atua nō teie tau, ’ua heheuhia mai te mau parau mau faufa’a rahi nō ni’a i te fa’anahora’a a te Atua nō tātou, ’e te tumu tātou i ni’a i te fenua nei. Tei roto ato’a i teie mau heheura’a :

• Te hāro’aro’ara’a hōhonu a’e nō ni’a i te ti’ara’a o Iesu Mesia.
• Te ’ite ē i ora na tātou i pīha’i iho i te Atua hou ’a haere mai ai i te fenua nei.
• Te ’ite ē tei ’ō nei tātou nō te riro rahi atu ā mai tō tātou Metua i te Ao ra, ’e nō te ho’i e ora fa’ahou iāna ra.
• Te parau tāmarū ē e ti’a ia tātou ’ia ora ’āmui ’ei ’utuāfare a muri noa atu.

I teie mahana, tē tāmau nei Te ’Ēkālesia a Iesu Mesia i te Feiā Mo’a i te mau Mahana Hope’a nei i te arata’ihia e te hō’ē peropheta ora ’e te mau ’āpōsetolo. Tei roto i tā rātou mau ha’api’ira’a nō teie « mau mahana hope’a nei » te parau nō te fa’arahira’a i tā tātou rōtahira’a i ni’a i te Fa’aora, te aupurura’a i te feiā veve, te fa’a’orera’a i te umeumera’a i roto i tō tātou orara’a ’e te ha’apūaira’a i te mau ’utuāfare. ’Aua’a a’e tā rātou arata’ira’a peropheta ’e te pa’ari, i ’ite ai tau mirioni ta’ata ’ati a’e te ao nei i te mau ha’amaita’ira’a nō te ’ēkālesia a Iesu Mesia i fa’aho’ihia mai.