មកស្គាល់ពួកយើង

មែន ! យើងជឿថា ព្រះយេស៊ូវគ្រីស្ទគឺជាព្រះរាជបុត្រានៃព្រះ និងជាព្រះអង្គសង្រ្គោះនៃពិភពលោកនេះ ហើយយើងព្យាយាមដើរតាមទ្រង់ ។ ដូចជានិកាយគ្រីស្ទានជាច្រើនទៀតដែរ ភាពជាក់លាក់នៃសេចក្តីជំនឿរបស់យើង ខុសគ្នាខ្លះពីអ្នកជិតខាងរបស់យើង ។ ប៉ុន្តែពួកយើងគឺជាអ្នកដើរតាមព្រះគ្រីស្ទ និងការបង្រៀនរបស់ទ្រង់ដ៏ស្ម័គ្រស្មោះ ។ ផ្នែកដ៏សំខាន់ និងស្រស់ស្អាតនៃទ្រឹស្តីរបស់យើង ជួយយើងឲ្យយល់កាន់តែស៊ីជម្រៅអំពីព្រះយេស៊ូវ និងដំណឹងល្អរបស់ទ្រង់ ។

ជឿ ! យើងជឿថា ព្រះគម្ពីរប៊ីបគឺជាព្រះបន្ទូលនៃព្រះ ។ យើងសិក្សាព្រះគម្ពីរនេះជាទៀងទាត់នៅគេហដ្ឋាន និងនៅព្រះវិហារ ហើយយើងព្យាយាមរស់នៅតាមការបង្រៀនមកពីព្រះគម្ពីរនោះ ។ យើងជឿថា ព្រះគម្ពីរសញ្ញាចាស់ និងព្រះគម្ពីរសញ្ញាថ្មីធ្វើការរួមគ្នាជាមួយព្រះគម្ពីរមរមន ដែលជាសក្ខីបទមួយទៀតនៃព្រះយេស៊ូវគ្រីស្ទ ដើម្បីដើរតួជាសាក្សីនៃព្រះយេស៊ូវ ហើយផ្តល់ឲ្យយើងនូវការយល់ដឹងពេញលេញបន្ថែមទៀតអំពីផែនការរបស់ព្រះ ។

ព្រះវិហារបរិសុទ្ធខុសពីអគារព្រះវិហាររាល់ថ្ងៃរបស់យើង ដែលយើងធ្វើកម្មវិធីថ្វាយបង្គំនៅថ្ងៃអាទិត្យ ។ ព្រះវិហារបរិសុទ្ធជាទីបរិសុទ្ធជាងគេ ដែលបានញែកចេញសម្រាប់ធ្វើកិច្ចការពិសិដ្ឋបំផុតរបស់ព្រះ ។ កិច្ចការដែលយើងធ្វើនៅក្នុងព្រះវិហារបរិសុទ្ធផ្តោតទៅលើការសន្យាដែលយើងអាចរស់នៅជាមួយនឹងព្រះ និងជាមួយនឹងមនុស្សជាទីស្រឡាញ់របស់យើងក្នុងភាពអស់កល្បជានិច្ច ។ នៅក្នុងព្រះវិហារបរិសុទ្ធ យើងធ្វើការតាំងចិត្តដ៏ពេញលេញដើម្បីធ្វើតាមព្រះយេស៊ូវគ្រីស្ទ ។ យើងសន្យាជាមួយនឹងព្រះ ដូចជាសេចក្តីសន្យាក្នុងការរក្សាព្រះបញ្ញត្តិរបស់ទ្រង់ និងការថ្វាយខ្លួនយើង និងអ្វីៗទាំងអស់ដែលយើងមានដល់ទ្រង់ ។ ស្វាមី និងភរិយា និងឪពុកម្តាយ និងកូនៗនឹងត្រូវរួបរួមគ្នាជារៀងរហូត ឬ « ផ្សារភ្ជាប់ » គ្នាទៅវិញទៅមករហូតអស់កល្បជានិច្ច ។ ហើយយើងធ្វើកិច្ចការដូចគ្នានេះដែរសម្រាប់បុព្វការីជនរបស់យើង ដោយផ្តល់ឱកាសឲ្យពួកគាត់ទទួលបាននូវពរជ័យទាំងនោះនៅក្នុងជីវិតបន្ទាប់ទៀត ប្រសិនបើពួកគាត់នឹងជ្រើសរើសយក ។

ប្រាកដណាស់ ! យើងជឿថា យើងទាំងអស់គ្នាជាបុត្រាបុត្រីនៃព្រះ ហើយពរជ័យដែលបានសន្យារបស់ទ្រង់មានសម្រាប់យើងទាំងអស់គ្នា នៅពេលយើងព្យាយាមធ្វើតាមព្រះបន្ទូលរបស់ទ្រង់ មិនថាបុគ្គលិកលក្ខណៈរបស់យើង ឬអតីតកាលរបស់យើងយ៉ាងណានោះទេ ។ ព្រះវិហារគឺជាកន្លែងសម្រាប់មនុស្សគ្រប់រូបរៀន និងរីកចម្រើន ។ អ្នកអាចនឹងមានទស្សនៈមួយចំនួនក្នុងគំនិតរបស់អ្នក ដែលអ្នកមានអារម្មណ៍ថា វាមិនត្រូវនឹងអ្នកទេ ប៉ុន្តែការពិតនោះគឺថា សមាជិករបស់យើងមានសាវតារ និងចំណាប់អារម្មណ៍ផ្សេងៗគ្នា ។ សូមអញ្ជើញមកចូលរួម ហើយអ្នកប្រហែលជានឹងភ្ញាក់ផ្អើលថា តើនរណានឹងអង្គុយនៅជិតអ្នក ។