Jebta 62
Paul ej Pokake Jetōb Kwojarjar
Jetōb Kwojarjar eaar jiron̄ ļo̧k Rijilōk Paul n̄an etal n̄an Jerusalem. Jetōb Kwojarjar eaar ba bwe Paul enaaj kar bar likūt ilo kalbuuj. Paul eaar jab mijak. E eaar iakwe RiLo̧mo̧o̧r eo im eaar kōm̧m̧ane ta eo Jetōb Kwojarjar eaar jiron̄ ļo̧k e n̄an kōm̧m̧ane.
Jerbal 20:22–24
Paul eaar iak-iakwe ro m̧ōttan. E eaar ba ejjamin bar lo er tok ālik. E eaar jiron̄ ļo̧k er n̄an mour kōn gospel eo im pokake kien ko an Anij. Paul eaar kakkōl er n̄an jab ron̄jake armej ro me renaaj kajion̄ n̄an katakin er men ko me rejjab m̧ool.
Jerbal 20:25, 28–32
Paul eaar jiron̄ ļo̧k er n̄an iakwe im lale doon. E eaar bukelōlō im jar kōn er. Aolep raar jaan̄. Er raar etal ippān n̄an wa eo im lale kar an Paul ilo̧k n̄an Jerusalem.
Jerbal 20:35–38