Appendix

A Demam ra Babeluades a mengemedaol er kau mo mngai a chedaol ruol. A ikal chedaol lureor a uldimukl ra telbiil—el mruul telbiil lobengkel a Dios, e Ngii a kutmokl a telbiil lobengkem. Ke kutmokl a ikal telbiil, ea okesiul, sel metecholb e moterkokl, sel mechedaol, mesel omerenged er a cherengelel a taem el mora diak a ulebengelel er a blil a Rubak. Mengetmokl e mengeluolou a telbiil a meskau a deureng meke dmeu a rengum e techelem el nguu a klisichel a Dios elmo ngosukau el lmuut elmo re Ngii, meke ngara diak a ulebengelel klengar ra deureng Lobengkel.

A lmuut el betok el tekoi el kau a tilib el mora Dios sel mketmokl a ikal telbiil—ma ikel Ngii yaksok lekor kau—mesa General Handbook: Serving in The Church of Jesus Christ of Latter-day Saints , 3.5, Gospel Library.

Molbedebek a ikal ker el ngariou. Aika ikel ker el bo loker er kau sel bo longedecheduch er kau el kirel a bo molai ra babilngem ra templo, eng di diak mongiil el morsel temel a cheldecheduch. Dil kau lomes el kmo ke kirel ker ra deruchelel me a reng ra ngidil taem.

Kerebai er a re Ngeasek el Redil, Kerbai er a Cheldebechel er a Aaronic Priesthood, me a Teruich el Llach a dirrek el dongu ra ngeseu sel dil kau lomes er a deruchelem me a reng.

Ker el mora Rengeasek el kirel a Kengei el mora Templo

Ngarngii a klaumera er kau er a Dios, el Diak a Ulebengelel Chedam; me a Ngelekel, el Jesus Kristo; me a Chedaol Reng?
Ngarngii a klaumerang er kau er a Tngakireng er a Jesus Kristo me a Urerel el Osobelem e Olsobel?
Ngarngii a klaumerang er kau er a Olutel ebangkelio er a Jesus Kristo?
Ke oldubech er a Merredel ra Ikelesia er a Jesus Kristo ra Uriul-klebesei el Santo el profet, chad er a ues, me a ocholt e di chimo el chad el ngara beluulechad loba ngerachel el kirel a ikel rokui el kiis er a priesthood? Ke oldubech er a rechedal a Kot el Presidency me a Chelechad er a Teruich me a terung el Apostol el profet, rechad er a ues, me a ocholt? Ke oldubech er a rebebil er a General Authorities me a roungerachel er a Ikelesia er a basio el mngar ngii?
A Rubak a dilu el kmo a rokui el tekoi a mo keldmokl e beches er Medal Doctrine and Covenants 42:41). Kau ke melasm el mo klikiid a uldesuem me a omerelem? Kau ke oltirakl er a llach el kirel a klikiid er a tekoi er a deleboes?
Ke oltirakl a osisecheklel a Ikelesia er a Jesus Kristo sel dil kau me a teletelem er a buai lobengterir a telungalek er kau me a rebebil?
Kau ke oldubech malechub ke ouchais a ngidil osisechakl, omeruul, malechub eng tekoi el ngii a ngodech er a ikel ngara Ikelesia er a Jesus Kristo er a Uriul-klebesei el Santo?
Kau ke melasm el mengull er a Chedaol sils, sel om ngara blim me a Ikelesia; e mora rokui el miting; keldmokl el mo melai er a sakrament; e mesmechokl er a klengar kau el oltirakl a llechul ebangkelio?
Kau ke melasm el bleketakl er a ikel rokui el omoruul?
Kau ke mui el harau ongeltacher?
Kau ke medengelii e oltriakl er a Llach er a Ulekerreuil a Bedenged?
Ngarngii a meklou el klengit el ngara klengar er kau el ngii a kirel mo mesmechokl lobengkel a priesthood authorities el telengtengil a ouchel reng el kirem?
Omomdasou e ke klikiid el mo soiseb er a blil a Rubak e meruul a ikel chedaol ruoll er a chelsel a templo?

Moktek er a re Ngeasek el Redil

Ngak a mekreos el redil ngelekel a roungalek er ngak el ngara babeluades, loba chedaol teletelek el mo cherechar.

Chelecha el kultirakl er a Jesus Kristo, e ak melasem el mo uai Ngii. A kusiik e meruul a chedaol ocholt el kngai e mesiou er a rebebil loba chedaol Ngklel.

Ak dechor el sioning er a Dios er a bek el taem er a rokui el tekoi me a bek el basio.

Sel kulasem el mo nguu a diak a ulebengelel klengar, e ak kurrekodel er a sengk er a ouchel reng e osiik el mo ungil er a bek el sils. Ngultuil er a klaumerang, e ak mo melisiich er a delengcheklek me a telungalek er ngak, meruul e oltirakl a chedaol telbiil, e ngmai a chedaoll ruoll me a klengeltengat er a chedaol templo.

Kerbai er a Chelechad er a Aaronic Priesthood

Ngak a betik er rengul a Dios el ngelekel sechal, e Ngii a ngarngii a urerel el bo kuruul.

Me a kuba rokir el renguk, uldesuek, klisichek, e ak mo oubeltikelreng er a Dios, e urekodel a telbilek, e ousbech er a priesthood er Ngii el mo mesiou er a rebebil, lomuchel er a blik.

Mesel kulasem el mesiou, oba klaumerang, ouchel er a kngtik, e melasem el mo ungil er a bek el sils, e ng mo sebechek el mo ngmai a klengeltengat er a templo me a melemolem el deureng er a ebangkelio.

Ak mo mengedmokl er ngak el mo blak a renguk el misionari, ungil bechiil chad, e ungil chedam e meral chedal a Jesus Kristo.

Ak molngeseu el mengedmokl er a beluulechad el kirel sel luut el mei a Osobel, el mengemedaol er a rebebil el mei er a Kristo me lengai a klengeltengat er a Tngakireng er Ngii.

Teruich el Llach

Ng diak a ngodech el Dios el mo ruchei er ngak.
Ng diak mongull a ngii dil bleob el chaus.
Ng diak morrekakl er a ngklel a Rubak el Dios er kau.
Mletkii chedaol sils, e bom kulii.
Mongull er a demam me a delam.
Lak momekeuad.
Lak el bol melaok a rengum.
Lak morechorech.
Lak molekoi a blulak.
Lak bol ngibes a rengum.

Mesa Exodus 20:3–17.